Hatu maeno apate'niya gemae 4:11 - The Keyagana NT and 25 OT books

¹¹ Ala kava neʼmoʼa ha painoʼaeʼmo, Ina laʼmo vayaʼmogi apavayamo alo huno apateʼniye. Ina laʼmo vayaʼmogi apavayamo alino akanige apakesamo alino akanige apaulagamo alo huge apaulagamo alino fali kaege nehiye. Nagaemo Ala kava neʼmonageʼmo muki ani kavaʼmo nehuve.

Hatu maeno apate'niya gemae 4:11 ပူးပေါင်းရင်းမြစ်များ

Aepa Gemae 11:7

Uta lamigetao, lagaemo uta lamita alita fako huta alu apake alu apakemo apamisunageʼa mago vayaʼmogi hisaya gemo mago vayaʼmogi oʼafigae, huno huʼniye.

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Samu 146:8

Ala kava neʼmoʼa apaulagamo ali huʼniya vayaʼmo alino ayakeno apatege kana yaʼmoʼa alino afepiʼmo apateʼnigeʼa maiʼnaya vayaʼmo alino asaga huno apatege fatago vayaʼaifeʼmo hau ayamopafiʼmo hauge nehiye.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Mai'naya kavane 20:12

Ala kava neʼmoʼa apakesamo neʼafiya apakesaʼe neʼagaya apaulagaʼeʼmo alo huʼniye.

Aiyeya 42:7

Kagaemo apaulagamo ali huʼnisiya vayaʼmo alika ayakeka apatege kalavusifiʼmo maiʼnaya vayaʼmo hatu maeka apatege kalavusifiʼmo hanipiʼmo fai maiʼnisaya vayaʼmo apavalelika ege hisanafeʼmo kategauve.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Luki 1:20

Emineʼnovaʼmonanafa geʼnieʼmo kagesamo afika fatago osuʼnanaʼmofeʼmo kagemo oʼaika afaʼa maime maime neʼvisanageno lekana paiʼniya afinaʼmo geʼnimo afole aigiye, huno ha paiʼniye.

Luki 1:64

Ani afinaʼmo malage huno agemo aino halo aiʼnigeno Goti agiʼaleʼmo alino asaga huʼniye.

Yoni 10:21

mago vayaʼamogi huʼapaeʼmo, hosu aune vekamo aipafiʼmo maiʼnisiya vekamoʼa ani agufa gemo afaʼa osugiye. Hosu aune vekamoʼa aulagamo ali huʼnisiya vekamo aulagamo afaʼa alino ayakeno oʼategaiye, huʼa huʼnae.