Hatu maeno apate'niya gemae 34:20 - The Keyagana NT and 25 OT books

²⁰ Maiʼnayaʼmonanafa yege noki afumo amagitapa nagaemo ofalinimo oʼnamisayafeʼmo aimuʼyaleʼmo sipisipi ofaliniletiʼmo miya faitapa afaʼa apateyo. Nokitapimo miya faitapa oʼapatesayana lugoʼapimo alita apalo atigae. Lapakaemo muki yege mafaʼnetapimo miya faita hatu maetapa apateyo. Lapakaemo nagaetegamo afaʼa oʼmetapa ofalinimo namisaya yaʼekeʼmo aliʼnitapa egae.

Hatu maeno apate'niya gemae 34:20 ပူးပေါင်းရင်းမြစ်များ

2 Samiyo 24:24

Kini vekamoʼa Alaunafeʼmo hunoʼaeʼmo, Haʼao, huno, Moniletiʼmo miya faiguve. Hosu kavanageʼna mago yaʼmo okamiʼna fiku alisuva yaʼmo Ala kava neʼmo Gotiʼnimo ani yaʼmo ofalinimo amiguve, huno ha paiteno Neviniʼa viti alagamo haletiʼyaʼamo haleʼnaya mopaʼe pulumaka anagaʼeʼmo fifatiʼa siluva yafatetiʼmo miya faiʼniye.

Hatu maeno apate'niya gemae 13:10

Ala kava neʼmoʼa ani kavaʼmo huʼniyaʼmofeʼmo muki kafugaʼaeʼmo lekana pai maleʼniya afinaʼaeʼmo mani keʼaepa gemo akame hugae.

Hatu maeno apate'niya gemae 13:12

Lapakaemo ani mopaleʼmo uta maiʼnetapaeʼmo yege mafaʼnetapiʼe yuna afu anagaʼmogi yege apanaʼauʼeʼmo Ala kava netefeʼmo apavaleta apaote apategae. Muki afu anagaʼmogi yege ve apanaʼauʼeʼmo Ala kava neʼmoʼna nagaiʼni afumae.

Hatu maeno apate'niya gemae 13:13

Lapakaemo noki afu anagaʼmogi yege apanaʼaumo sipisipi afu ofaliniletiʼmo miya faita hatu maetapa apategae. Miya faita hatu maetapa oʼapatesayana lugoʼamo alitapa apalo atisageno faligiye. Lapakaemo muki yege mafaʼnetapimo Ala kava netetiʼmo miya faita hatu maetapa apategae.

Hatu maeno apate'niya gemae 13:15

Feloʼmo aipa agesamo lokiya vaiʼnigeno lataleʼnigeta oʼmeʼnonaʼmofeʼmo Ala kava neʼmoʼa Isipi vayaʼmogi yege mafaʼne anagaʼapigi yuna afuʼapimogi yege apanaʼaugi huno kamitimo apamagiʼniye. Apamagiʼniya kavatefeʼmo nagaemo muki yuna afu anagaʼnimogi yege apanaʼauʼmo lugoʼapimo hatagauʼna Ala kava neʼmo ofalinimo amiteʼna yege mafaʼneʼnimo ani ofaliniletiʼmo miya faiʼna hatu maeʼna neʼapatove, hutapa hapa paiyo.