Hatu maeno apate'niya gemae 34:15 - The Keyagana NT and 25 OT books

¹⁵ Fiku yanagetapa ani koteʼmo maiʼnaya vayaʼeʼmo magokepiʼmo kotalakemo hu malegayana anauʼapimogimo apataleʼa kumai heʼa alu veleʼmo ugekana huʼa aigofe gotigitefeʼmo monoʼmo huteʼapaeʼmo ofalinimo apamiteʼa lapakaefeʼmo eyo, huʼa hisagetapaeʼmo fiku yanagetapa uta ani ofalini yaʼmo negae.

Hatu maeno apate'niya gemae 34:15 ပူးပေါင်းရင်းမြစ်များ

Esala 6:9

Na agufa yafeʼmo kafu huʼnisafi apamiyo. Yulusalemu taonifiʼmo mono huʼa neʼapataya vayaʼmogimo aikeli ve pulumakaeʼmofi ve sipisipieʼmofi aikeli sipisipieʼmofi vitieʼmofi hageeʼmofi nofi alagafati anifeʼmofi olivi yosa alagafati uvelieʼmofi huno hapauʼnisiyaʼmoʼmo inagi lapakaemo apamisageʼa Gotiʼa kokuʼnapi maiʼniya Gotina ofalinimo amigae. Haitapa meʼotalesayafeʼmo muki afinaʼae afinaʼaeʼmo apamiyo.

Esala 9:12

Nehayaʼmofeʼmo aʼmafaʼnetapimo ani nofi vayaʼaina oʼapamige mafaʼnetapimogimo aʼmafaʼneʼapimo oʼalige hiyo. Lapakaemo muki afinaʼmo apakaeʼeʼmo kame osisageʼa alagepa huʼa maisayafeʼmo hapa oʼmaeyo. Lapakaemo lokiya vaitapa maiʼnetapa ani mopaleʼmo alita vaisaya hoyafatiʼmo alagepa neʼyaʼmo neme neme utapa falisageʼapaeʼmo mafaʼnetapimogimo ani mopamo alisageno apakaiʼapi mopaʼapimo muki afinaʼmo hanege hanege huno hanesiyafeʼmo ani kavaʼmo hiyo.

Samu 106:28

Henagaʼamo Piyo kotega aigofe gotiʼapimo agiʼamo Malifeʼmo mono huteʼa aunemeʼamo ohaneʼniya aigofe gotiʼa ofalinimo amiteʼa amiʼnaya ofalini yaʼmo neʼnae.

Samu 73:27

Kahaopaleʼmo eʼa oʼmaiʼa afagiʼaleʼmo maiʼnaya vayaʼmo alagi afela hegae. Kagaemo kataleʼa neʼvaya vayaʼmo alika apagoʼya nelaganaʼmonanafa

Hatu maeno apate'niya gemae 23:32

Lapakaemo apakaeʼeʼmo magokepi kotalakemo osuge gotiʼapimogiʼeʼmo kotalakemo osuge hiyo.

Hatu maeno apate'niya gemae 32:8

Apakaefeʼmo akame hiyo, huʼna huʼnova kaʼmo malage huʼa ataleʼa uʼnae. Apakaemo goli yafaʼmo atafiʼmo kaeʼnageno ani heʼnigeʼa aliʼa pulumakamo auneʼamo alo hu maleʼneʼa ani yatefeʼmo mono huteʼa ofalini amiteʼa, O Isaleli vayaʼmogitapae, huʼa, Isipi kotegatiʼmo lapavalelino eʼniya gotitapimoʼmae, huʼa huʼnae.

Hatu maeno apate'niya gemae 34:10

Ala kava neʼmoʼa hunoʼaeʼmo, Afiyo, huno, lapakaeʼeʼmo magokepi kotalakemo hu malegauve. Nagaemo muki Isaleli vayakamogi apaulagaleʼmo ageʼa hapau aisaya agufa kavaʼmo hisugeʼapaeʼmo muki haopalegamo maiʼnaya vayaʼmogimo Ala kava neʼmoʼna aliʼyaʼnimo agegae. Nagaemo noʼagaya agufa naune kavaʼmo muki haopalegamo maiʼnaya mopafiʼmo muki nofi vayapatiʼmo afole oʼaiʼniya agufa naune kavaʼmo huguve. Lapa maesuvafeʼmo ani kavaʼmo hisugeʼa ageʼa hapau aigae.

Hatu maeno apate'niya gemae 34:12

Ehetapiye, huʼna, fiku yanagetapa visaya kotegamo maiʼnisaya vayaʼeʼmo magokepi kotalakemo hu malesageno aneʼaifiʼmo hegekana huno lapatafaugiyanagi.

Napa 25:1

Isaleli vayaʼmo Sitimi kagoʼmu kotegamo maiʼneʼapaeʼmo ani haopalegamo maiʼnaya Movapu aʼne anagaʼeʼmo aepa faiʼa kumai kavaʼmo huʼnae.

Napa 25:2

Ani aʼne anagaʼmogimo Isaleli vayaʼmo eʼa apakaeʼeʼmo mono nehaya aigofe gotigitefeʼmo ofalinimo hisayafeʼmo keya aeʼa ge huʼnageʼa eʼnae. Mukiʼamogimo ofalini huʼnaya neʼyaʼmo magokepi neteʼa ani gotigitefeʼmo mono huʼnae.

Apa 15:20

Mago avoʼmo kaeta atalegaune. Avoʼmo kaetaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Kumai kavaʼmo osiyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo, huta avoʼmo kaegaune.

1 Kolitiyani 10:27

Mago apakesamo afiʼa fatago osuʼnisaya vayaʼmogimo ge huʼapaeʼmo, etapa neʼyaʼmo neyo, huʼa ge hisagetapaeʼmo utapa nesayafeʼmo lapauʼnisiyana afaʼa utapa lapamisaya neʼyaʼmo afaʼa neyo. Yuʼilaga vekatapieʼmo lapakesamo afitapaeʼmo haiyategatiʼmo aliniʼa eʼnae, hutapa lapakesamo oʼafitapa fikumo afaʼa neyo.

1 Kolitiyani 8:10

Mago alagepa huno oʼafiʼnisiya vekamoʼmo lapakesiyana ageʼnaya vayaʼmogitapamo aigofe gotiʼapimogi mono nopiʼmo maiʼnetapa neʼyaʼmo neʼnesageno lapaketenoʼaeʼmo, aigofe gotiʼapimogi apamiʼnaya ofalinimo afaʼa negauve, huno agesamo afigiye.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.

1 Kolitiyani 8:7

Maiʼnonaʼmonanafa muki vayaʼmogimo mani lama gemo alagi oʼafiʼnae. Mago vayaʼmogimo yatala afinaʼmo aigofe gotiʼapimogitefeʼmo mono huʼnayaʼmofeʼmo hemenimo ofalini neʼapamiya ameʼamo neʼneʼapaeʼmo, aigofe gotigimo apamiʼnaya ofalinimo ameʼamo netaeʼmo hosu kavaʼmo nehune, huʼa apakesamo afigae. Yuʼilaga vekaʼapimoʼmo alagepa huno oʼafiʼniyaʼmofeʼmo ofalini ameʼamo neʼneʼapaeʼmo yuʼilaga vekaʼapimo aliʼa hosu huʼa neʼatae.

Yasuva 23:12

Lapakaemo halate atagi netapa uta alu nofi vayaʼmo logufaʼamo lapakaeʼeʼmo magokepiʼmo lokaeʼa maiʼnaya vayaʼmogi kavaʼmo hutapa aʼmafaʼneʼapimo alige aʼmafaʼnetapimo apamige hutetapa Goti geʼamo amagitapa atalesayana Ala kava neʼmo Gotitapimoʼmo magoʼe huno alino hapafaino oʼapatalegaiye. Apakaemo alagi kame vayatapimo afole aiteʼapaeʼmo lapakaetefeʼmo aneʼaifiʼmo nehaya yakana huʼa maige alopa keligana huʼa maige lapakufaleʼmo lapamagisaya nofi kayokana huʼa maige lapaulagafiʼmo faisiya nekayakana huʼa maige hugae. Ani kavatetiʼmo lahapaesagetapa mukiʼamo Ala kava neʼmo Gotitapimoʼmo ani alagepa mopamo lapamiʼniya mopaleʼmo oʼmaitapa ago faligae.

Leveleseni 2:20

Maiʼnayaʼmonanafa mago gemo aliʼna api aiʼna lapatesuva gemo haneʼniye. Lapakaefeʼmo mago a kanomo Yesemeliʼa, Gotitegati gemo aliniʼneʼna aeʼna hakalo huʼna hapa nepauva a kanomo maiʼnove, huno nehiya a kanomo alitapa ha faita oʼataletapa afaʼa ateʼnae. Agaemo alino apaya maleteno apayate aliʼnigeʼapaeʼmo aliʼyaʼnimo neʼaliya vayaʼmogimo kumai kavaʼmo huteʼapaeʼmo aigofe gotiʼapimogi neʼapamiya ofalini neʼyaʼmo neʼnae.