Hatu maeno apate'niya gemae 34:1 - The Keyagana NT and 25 OT books

¹ Ala kava neʼmoʼa Mosesefeʼmo ina ge huno ha paiʼniye. Kagaemo lole latapa yafatalaʼmo hogote yafatalakana huka atalavaika latapa huvo. Kagaemo hogoteka yaga auka ataleʼnanageno aino lo aeʼniya yafatalateʼmo avoʼmo kaeʼnova kava huʼna halate saufa yafatalateʼmo avoʼmo kaegauve.

Hatu maeno apate'niya gemae 34:1 ပူးပေါင်းရင်းမြစ်များ

Samu 119:89

O Ala kava nene, huʼna, gekamo alagi asagauno oʼaigiyaʼmonanafa kokuʼnapiʼmo lokiya vaino haneme haneme uno haneno hano osugiye.

Hatu maeno apate'niya gemae 24:12

Inagi Ala kava neʼmoʼa Mosesefeʼmo ha painoʼaeʼmo, Nagaetegamo eka haikeka he tika maiʼnegeʼna lole latapa yafatalateʼmo keʼaepa geʼnimo akame hiyo, huʼna huʼnova geʼnimo avoʼmo kaeʼna maleʼnovanageʼna ani yafatalaʼmo aliʼna kamisugeka Isaleli vayaʼmo alika apaya malegane, huno ha paiʼniye.

Hatu maeno apate'niya gemae 31:18

Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Hatu maeno apate'niya gemae 32:16

Gotiʼa agaiʼamo lole yafatalaʼmo alo huteno ani yafatalateʼmo haginaletiʼmo kaegekana huno avoʼmo kaeʼniye.

Hatu maeno apate'niya gemae 32:19

Moseseʼa maiʼnaya yateʼmo eno avaʼyi hutenoʼaeʼmo apakeyana pulumakamo auneʼamo haneʼnigeʼapaeʼmo muki vayaʼmogimo ogefage nehageno apakeʼniye. Moseseʼa apaketenoʼaeʼmo aipamo leʼnigeno lole yafatalaʼmo avemo aiyafiʼmo yaga auno ataleʼnigeno aino akaya heʼniye.

Hatu maeno apate'niya gemae 34:28

Moseseʼa Ala kava neʼeʼmo fotiʼa felugaʼe fotiʼa haniʼilagaʼeʼmo avefiʼmo maitenoʼaeʼmo neʼyaʼmo oʼnege aniʼmo oʼnege huno maiʼniye. Agaemo lole latapa yafatalateʼmo kotalake gemo teniʼa keʼaepa gemo avoʼmo kae maleʼniye.

Hatu maeno apate'niya gemae 34:4

Inagi Moseseʼa hogote yafatalakana huno lole yafatalaʼmo atalavaino latapa huʼniye. Kotilamiyapiʼmo Moseseʼa he tino Ala kava neʼmoʼa haikeno, huno ha paiʼniya gemo akame huno lole yafatalaʼmo alinino Sainai avefiʼmo uno haiʼniye.