Hatu maeno apate'niya gemae 33:4 - The Keyagana NT and 25 OT books

⁴ Moseseʼa Isaleli vayaʼaifeʼmo ani lokiya gemo huno hapa paiʼnigeʼapaeʼmo yulagefa aiteʼa konali yaʼapimo aliʼa oʼvaiʼnae.

Hatu maeno apate'niya gemae 33:4 ပူးပေါင်းရင်းမြစ်များ

1 Kini 21:27

Ehapiʼmo Ilaiyaʼa huʼniya gemo afitenoʼaeʼmo lusi kava huno alino amalagiteno kukena yaʼamo alino apake aiteno kogu kukenamo alino vaitenoʼaeʼmo neʼyaʼmo mosige kogu kukenamo vaino alinino havaege yulagefa aige huno maiʼniye.

Esala 9:3

Nagaemo ani gemo afiteʼnaeʼmo lusi kava huno naipamoʼmo kana huʼniyaʼmofeʼmo kukena yaʼnimo aliʼna apake aiteʼna nagenopa nayokaʼmo aliʼna faige navenanapa nayokaʼmo aliʼna faige huteʼna nagesa afi yaʼmo alagi ohaneʼnigeʼna fikumo fai maiʼnove.

Hatu maeno apate'niya gemae 33:6

Inagi Isaleli vayaʼmogi Holepi avemo haopaleʼmo konali yaʼapimo asagiʼa maleʼnae.

Aiyeya 32:11

Afa aʼne anaganagi atete hiyo. Afole aisiya kavafeʼmo lapakesamo noʼafiya aʼne anaganagi lapaipamoʼmo kana hino. Kukena yatapimo asagitapa maleteta kogu kukenamo alita vaiyo.

Yona 3:6

Ala kini vekaʼapimo Niniva vayaʼaiteʼmo yagaino neʼapateya vekamoʼmo ani gemo afitenoʼaeʼmo yagaino neʼapateya siyateʼmo fai maiʼniyatetiʼmo he tino vailiʼneno yagaino neʼapateya kukenaʼamo asagino maleteno kogu kukenamo alino vaiteno laʼnefafiʼmo itopale maiʼniye.

Napa 14:1

Inagi muki Isaleli vayaʼmogimo kage kage huʼa aviʼyaʼmo hume hume neʼvageno uno kotiʼniye.

Napa 14:39

Moseseʼmo Ala kava neʼmoʼa ha paiʼniya gemo Isaleli vayaʼaifeʼmo hapa paiʼnigeʼa lusi kava huʼa yulagefa aiʼnae.

1 Samiyo 6:19

Sevetiʼa Metisemesi ve anagaʼmogi Ala kava neʼmo kotalake kesiʼafiʼmo ageʼnayaʼmofeʼmo Ala kava neʼmoʼa kamitimo apamagiʼniye. Agaemo ani taonifi maiʼnaya vayaʼmo sevetiʼa vayaʼmo kamitimo apamagiʼniyaʼmofeʼmo ani taonifi vayaʼmogi yulagefa aiʼnae. Ala kava neʼmoʼa asole vayaʼmo kamiti apamagiʼniyaʼmofeʼmae.