Hatu maeno apate'niya gemae 33:3 - The Keyagana NT and 25 OT books

³ Mago kanale lanitani mopaleʼmo viyo. Gemo noʼafiya vayaʼmo maiʼnayaʼmofeʼmo lapakaeʼeʼmo magokepi lokaeʼna oʼuguve. Fiku yanageʼna aliʼna hano huʼna lapatalegauve, huno Mosesefeʼmo ha paiʼniye.

Hatu maeno apate'niya gemae 33:3 ပူးပေါင်းရင်းမြစ်များ

Samu 78:8

Apakinago vayaʼmogimo himuʼnamu kavaʼmo huteʼa geʼamo oʼafige Gotifeʼmo apakesamo afiʼa fatago osuge huteʼa ataleʼa uʼnae. Fiku yanageʼa apakaeʼeʼmo ani agufa kavaʼmo hugae.

Hatu maeno apate'niya gemae 13:5

Ala kava neʼmoʼa, lama gemo huve, huno, nagaemo lapakinago vayaʼaifeʼmo, Kenani vayaʼmogi mopagi Hiti vayaʼmogi mopagi Amo vayaʼmogi mopagi Hivi vayaʼmogi mopagi Yemu vayaʼmogi mopagi huʼna aliʼna lapamiguve, huno hapa paiʼniya Kenani kotega mopamo kanale lanitani mopafatiʼmo alagepa neʼyaʼmo afole aisiya mopaleʼmo utapa maisaya afinaʼmo muki kafugaʼae kafugaʼaeʼmo hemenimo mani agufa kaileʼmo aeno apafu noleya peleti mayamo nesayafeʼmo hopa afina kavaʼmo aepa faitapa hugae.

Hatu maeno apate'niya gemae 23:21

Agaefeʼmo koli huʼnetapa geʼamo afitetapa akame hiyo. Nagae nagimo agaepiʼmo haneʼniyaʼmofeʼmo kayoʼmo lapamisiya agufa kavaʼmo osiyo. Hosu kavatapimo alino oʼatalegaiyaʼmofeʼmae.

Hatu maeno apate'niya gemae 3:17

Nagaemo Isipi kotega neʼaliya hanageke yapatiʼmo apavaleliʼna Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnaya kotegamo kanale lanitani mopafatiʼmo alagepa neʼyaʼmo afole neʼaiya mopaleʼmo lapavaleliʼna uʼna lapategauve, huʼna kaha nepauva gemo huka hapa paiyo.

Hatu maeno apate'niya gemae 3:8

Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Hatu maeno apate'niya gemae 32:14

Ala kava neʼmoʼa alu aipa agesamo afiteno vayaʼaeʼmo, apamagiguve huno huʼniya kavaʼmo osuʼniye.

Hatu maeno apate'niya gemae 33:5

Ala kava neʼmoʼa Mosesefeʼmo ha painoʼaeʼmo, Isaleli vayaʼaifeʼmo ina gemo huka hapa paiyo. Lapakaemo gemo noʼafiya vayaʼmo maiʼnae. Nagaemo lapakae folagapiʼmo afole aiteʼna aliʼna hano huʼna lapatalegauvaʼmofeʼmo konali yatapimo asagitapa maleyo. Lapakaetegamo na agufa kavaʼmo hisufi huʼna nagesamo afiguve, huno ha paiʼniye.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Yona 3:10

Ani kava huʼa hosu kavaʼapimo ataleʼnageno Gotiʼa apaketenoʼaeʼmo halate alu aipa agesamo afiteno ani kavaʼmo huguve, huno hapa paiʼniya kavaʼmo osuno ataleʼniye.

Yona 3:4

Yonaʼa ani taonimo magokayaga atupalegatiʼmo uno magoke felugamo maiteno uno taoni folagapiʼmo muki vayaʼaifeʼmo hunoʼaeʼmo, Fotiʼa afinaʼmo utesigeno Gotiʼa Niniva taonimo alino hano huno ataleteno alino lapagoʼya lagauno lapatalegaiye, huno aeno hakalo huno hapa paiʼniye.

Napa 13:27

Apakaemo Mosesefeʼmo ina ge huʼa ha paiʼnae. Kagaemo utapa ageyo, huteka ani alika lateʼnana kotegamo ago uta ageʼnone. Kanale mopamo asole mopamo haneʼniye. Ago, huʼa, lagaemo ani kotetiʼmo mago neʼyaʼmo alinita eʼnone.

Napa 14:12

Nagaemo alopa hosu kaita kayotetiʼmo apamagiʼna aliʼna hano huʼna apatalegauve. Nagaemo apakae apaimuʼyaleʼmo alopa lokiya Isaleli vayaʼmo maiʼnaya vayaʼmo aeʼa apaka seʼa maisayafeʼmo alo huʼna apatesugeʼa vayakamo maigae, huno ha paiʼniye.

Napa 14:8

Ala kava neʼmoʼa lagaefeʼmo amogaga aisiyaʼmoʼmo ani kotegamo lavalelinuno ani kanale asole mopamo haneʼniyanageno lamigiye.

Napa 16:13

Kagaemo alagepa mopamo haneʼniya koʼmo Isipi kotegatiʼmo lavalelika mani kaʼme koteʼmo falisunafeʼmo eʼnane. Ani hosu kavakamo aise hosu kavaʼmo haneʼnifiye. Kagaemo ani kavaʼmo hutekaeʼmo hemenimo magoʼe huka hosu kavaʼmo huka yagaika latesanafeʼmo nehapiye.

Napa 16:21

Nagaemo mani vayaʼmo malage huʼna aliʼna hano huʼna apatalesuvafeʼmo apataletana viʼao.

Napa 16:45

Lanakaemo mani vayaʼaitegatiʼmo ataletana viʼao. Malage huʼna aliʼna hano huʼna apatalegauvanagi. Ani gemo afiteʼanaeʼmo anaugosalegatiʼmo mopafiʼmo anakoʼya faiʼnaʼae.

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.

Yasuva 5:6

Isaleli vayaʼmo hau huʼniya kaʼme koteʼmo fotiʼa kafugamo umenitata hume hume neʼvageʼapaeʼmo muki kame nehaya ve anagaʼmo Isipi kotegatiʼmo eʼnaya vayaʼmo ago faliʼnae. Ala kava neʼmoʼa agoʼyamo ataleno laginago vayaʼaifeʼmo hunoʼaeʼmo, Nagaemo kanale lanitani mopafatiʼmo alagepa neʼyaʼmo afole neʼaiya mopamo mafaʼne anagatapimo apamiguve, huno hapa paiʼniyaʼmonanafa Ala kava neʼmoʼa hiyo, huno hapa paiʼniya kavaʼmo akame huʼa osuʼnayaʼmofeʼmae. Ala kava neʼmoʼa agoʼyamo ataleno hunoʼaeʼmo, Ani mopaleʼmo lapavaleliʼna oʼuguve, huno hapa paiʼniye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.