Hatu maeno apate'niya gemae 33:22 - The Keyagana NT and 25 OT books

²² Nagaemo yafa kapiʼmo aliʼna kateʼneʼna nayatetiʼmo kaulagaleʼmo aiʼna ati kaeliʼneʼna kaulagaletiʼmo eʼna uguve. Ha le konali yaʼnimo aliʼna atesugeno kaulagaletiʼmo eno ugiye.

Hatu maeno apate'niya gemae 33:22 ပူးပေါင်းရင်းမြစ်များ

1 Kini 19:9

Ilaiyaʼmo mago yafa kapiʼmo haniʼilagamo uno haino havaeʼniye. Inagi Ala kava neʼmoʼa Ilaiyategamo emineno ina ge huno ge huno afi geʼniye. Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo,

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 91:1

Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Samu 91:4

Agaemo hakumo alino atalelineno hakufiʼmo alino fala kino katesigeka alagepa huka hakufiʼmo fala kika maigane. Lama geʼamoʼmo kagae halegukana huno haneʼneno yagaino katesigeka maigane.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Aiyeya 2:21

Ala kava neʼmoʼa ha le konali yaʼaletiʼe lokiyaʼaletiʼeʼmo emineno he tino maiʼnenoʼaeʼmo mopaleʼmo lusi kava huno alino kanage kanage hisigeʼapaeʼmo aipamo leno apatesiya kavategatiʼmo apaune hetaleʼa uʼa ha le konali yaʼamo ageteʼapaeʼmo yafa kapiʼmo uʼa fala kige mopafiʼmo kelimo kafi maleʼneʼa uʼa haiʼa fala kige hugae.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 49:2

Agaemo navayamo alino aluga alugaʼatiʼmo aveʼmo neʼneya naipegana huno hamaleno nategaiye. Agaemo nagaemo ayapiʼmo alino fala kino nateʼniye. Agaemo nagaemo akoʼya kevemo aino nateteno kevemo kuʼafiʼmo ku aino fala kino nateʼniye.

Aiyeya 51:16

Nagaemo kagaemo saufa kokuʼnaʼe saufa mopaʼeʼmo alo huteka Saiyoni vayaʼaifeʼmo hukaeʼmo, lapakaemo vayaʼnimo maiʼnae, huka hapa paisanafeʼmo geʼnimo kavayafiʼmo maleteʼna nagaemo kagufaleʼmo naya auneʼaletiʼmo aiʼna ati kaeʼna kateʼnove, huno ha paiʼniye.

1 Kolitiyani 10:4

Ani kava huʼa magoke agufa aniʼmo Goti Aunemeʼamoʼmo apamiʼniya aniʼmo magokepi neʼnae. Apakaemo Goti Aunemeʼamoʼmo apamiʼniya aniʼmo apakaeʼeʼmo magokepi lokaeno uʼniya yafapatiʼmo emineʼniya aniʼmo neme neme uʼnae. Ani yafaʼmo Kalaisiʼa maiʼniye.

2 Kolitiyani 5:19

Inagi Gotiʼa Kalaisipiʼmo alino ao yaʼmo hu maleʼniyaʼmofeʼmo hosu kavaʼapilefeʼmo vaiʼmo noʼapamiye. Agaemo alino ao yaʼmo hu maleʼniya geleʼmo alagepa huta yagaita atesunafeʼmo aliʼyaʼamo lamiʼniye.