Hatu maeno apate'niya gemae 33:17 - The Keyagana NT and 25 OT books

¹⁷ Ala kava neʼmoʼa Mosesefeʼmo ha painoʼaeʼmo, Nagaemo kageʼna alagepa huʼnovana naulagaleʼmo fikumo kaha maeʼna nekamuva kavaʼnimo ageʼnanaʼmofeʼmo gekamo akame huguve, huno ha paiʼniye.

Hatu maeno apate'niya gemae 33:17 ပူးပေါင်းရင်းမြစ်များ

Aepa Gemae 18:32

Emalehamuʼa hunoʼaeʼmo, Kaipamo olenegeʼnao nagaemo magoʼe huʼna hano hisuva gemo hugesuve. Teniʼa fatago vayaʼmo maiʼnisayaʼmoʼmo haiya kava hugane, huno afi geʼnigenoʼaeʼmo, Teniʼa fatago vayaʼaitefeʼmo taonimo afaʼa aliʼna hano huʼna oʼatalegauve, huno ha paiteno

Aepa Gemae 19:19

Nagaemo fikumo naha maeka namiʼnana kavaʼmo ago ageʼnove. Kagaemo magoʼe huka kahau huka nateteka nagufaʼnimo alika katika nateʼnanaʼmonanafa faiʼna kasalo paeʼna avelegamo uʼna haiʼna maisuvana mago hosu kavaʼmoʼa natafausigeʼna faliguve.

Aepa Gemae 19:21

Enisole vekamoʼmo, He, kanalene, huno, naha paina gelefeʼmo fikumo kaha maeʼna kamiguve. Ani taonimo aliʼna hano huʼna oʼatalegauve.

Aepa Gemae 6:8

Huʼniyesinaʼmonanafa Noaʼa Ala kava neʼmo aulagaleʼmo fikumo ha maeno amiʼniya kavaʼmo ago agetenoʼaeʼmo aliʼniye.

Hatu maeno apate'niya gemae 33:12

Moseseʼa Ala kava nefeʼmo, Kagaemo nagaefeʼmo muki vayaʼmo apavalelika uvo, huka naha paiʼnanaʼmonanafa nagaeʼeʼmo lokaeno visiya vekaeʼmo naha opaiʼnane. Naha opaiʼnanaʼmonanafa nagaefeʼmo, kagaemo ago kageʼna alagepa huʼnove, huka huʼnane. Naulagaleʼmo fikumo kaha maeʼna nekamuva kavaʼmo ago ageʼnane, huka naha paiʼnane.

Aiyeya 45:3

Nagaemo kagaemo nagaiʼnigeʼmo Ala kava neʼmo maiʼnove, huka nagesanafeʼmo ani vayaʼmogimo moniʼe alopa moniletiʼmo miya nefaiya alagepa yaʼapiʼeʼmo oʼagesaya agufa hanipiʼmo fala ki maleʼnayanageʼna aliʼna kamisugekaeʼmo kagaemo agetekaeʼmo Isaleli vayaʼmogi Gotiʼapimokeʼmo nagaefeʼmo nagi aeno ge huʼniye, huka agegane.

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Yoni 16:23

Ani afinaʼmo afole aisigetapaeʼmo mago kavafeʼmo loka huta nafi okegae. Alagi lama gemo lapa nepauve, huʼna, lapakaemo Afoʼnimofeʼmo nagiʼniletiʼmo muki yafeʼmo afi gesagenoʼaeʼmo afaʼa lapamigiye.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.