Hatu maeno apate'niya gemae 33:16 - The Keyagana NT and 25 OT books

¹⁶ Lagaeʼeʼmo magokepi lokaeka oʼvisanaʼmoʼmo haiya kava huʼa lageteʼapaeʼmo, Goti aulagaleʼmo Moseseʼe Goti vayaʼaʼeʼmo fiku hapa maeno neʼapamiya kavaʼamo afaʼa ageʼnaya vayane, huʼa hugae. Kagaemo lagaeʼeʼmo magokepi lokaeka visanaʼmoʼmo nagaeʼe vayakaʼefeʼmo muki ma mopafi vayapatiʼmo apaote nofi vayaʼmo maiʼnae, huʼa lagegae.

Hatu maeno apate'niya gemae 33:16 ပူးပေါင်းရင်းမြစ်များ

Hatu maeno apate'niya gemae 34:10

Ala kava neʼmoʼa hunoʼaeʼmo, Afiyo, huno, lapakaeʼeʼmo magokepi kotalakemo hu malegauve. Nagaemo muki Isaleli vayakamogi apaulagaleʼmo ageʼa hapau aisaya agufa kavaʼmo hisugeʼapaeʼmo muki haopalegamo maiʼnaya vayaʼmogimo Ala kava neʼmoʼna aliʼyaʼnimo agegae. Nagaemo noʼagaya agufa naune kavaʼmo muki haopalegamo maiʼnaya mopafiʼmo muki nofi vayapatiʼmo afole oʼaiʼniya agufa naune kavaʼmo huguve. Lapa maesuvafeʼmo ani kavaʼmo hisugeʼa ageʼa hapau aigae.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Hatu maeno apate'niya gemae 8:22

Havaitegayaʼmonanafa nagaemo vayaʼnimo Goseni koteʼmo maiʼnayanageʼna aliʼna aote malesugeno ani afinaʼmo apakae mopaleʼmo oʼmaigae. Kagaemo ani kavaʼmo agetekaeʼmo, Ala kava neʼmo agaiʼageʼmo lagae koʼmo folagapiʼmo maiʼniye, huka nagesanafeʼmo ani kavaʼmo huguve.

Napa 14:14

Afiteʼa ani mopaleʼmo maiʼnaya vayaʼaifeʼmo hapa paigae. Ani vayaʼmogimo afiteʼapaeʼmo kagaemo Ala kava neʼmogamo lagaeʼeʼmo magokepiʼmo lokaeka maiʼnane. Kagaemo Ala kava neʼmogamo laugosafiʼmo lageʼnanageta kaugosafiʼmo kageʼnone. Hiyakamoʼmo lagaeteʼmo haneʼnigekaeʼmo felugamo posigana agufa hiyapiʼmo maiteka uka hogotege haniʼilagamo posigana agufa ata vaipiʼmo maiteka uka hogotege huʼnane, huʼa afiʼnae.

Napa 23:9

Nagaemo avefiʼmo yafateʼmo he tiʼna maiʼneʼnaeʼmo ave kotetiʼmo apakeʼnove. Alu vayaʼeʼmo oʼmaiʼa apaoteʼmo maiʼnae. Ma mopafi nofi vayakana huta oʼmaiʼnone, huʼa apakesamo neʼafiye.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

2 Kolitiyani 6:17

Huʼniyaʼmofeʼmo Ala kava neʼmoʼa hunoʼaeʼmo, Apakae folagapatiʼmo apataletapa uta lapaote maiyo. Hosu yateʼmo ame oʼaliʼnigeʼnao lapavalegauve.