Hatu maeno apate'niya gemae 33:11 - The Keyagana NT and 25 OT books

¹¹ Mago vekamoʼmo ao vekaʼeʼmo gege hisaʼafeʼmo augosafiʼmo ageno halegeno ageno halegeno huʼneʼana gege nehaʼa kava huno Ala kava neʼmoʼa Moseseʼeʼmo gege huʼnaʼae. Gege huteʼanaeʼmo Moseseʼa atagineno emineno neʼmaiya kotegamo uʼniyaʼmonanafa aliʼyaʼamo neʼaliya vekamo Yasuvaʼmo Nani mafaʼnemo ani seli nopatiʼmo ataleno oʼuno maiʼniye.

Hatu maeno apate'niya gemae 33:11 ပူးပေါင်းရင်းမြစ်များ

Aepa Gemae 32:30

Yekopuʼa ani kotefeʼmo agiʼamo Pinaiyo kone huno ateʼniye. Ani agimo aepaʼamo Goti augosafiʼmo ageʼnove. Yekopuʼa hunoʼaeʼmo, nagaemo Goti augosafiʼmo ageʼnovaʼmonanafa ofaliʼna afaʼa maiʼnove, huno huʼniye.

2 Sitoli 20:7

Gotitimogamo oʼmaiʼnapiye, huno, kagaemo ago lageʼnane. Isaleli vayaʼmogita laginago vekamo Emalehamuʼmo kao vekamo mafaʼne anagaʼamo maiʼneta alagi kagaika vayakamo maiʼnone. Kagaemo akeyaʼvilagamo mani mopaleʼmo maiʼnaya vayaʼmo alika hapafaika apataleteka mani mopamo alika laginago vayaʼmo apamiʼnanageno muki afinaʼmo lagae mopamo haneʼnigeta

Hatu maeno apate'niya gemae 17:9

Moseseʼa Yasuvafeʼmo ha painoʼaeʼmo, Lapakaepatiʼmo mago vayaʼmo lekana paika apavalelikuka Amaleki vayaʼeʼmo kamemo huvo. Egamo nagaemo aise avefiʼmo uʼna haiʼna Goti kayoʼamo nayapiʼmo aliteʼna he tiʼna maiʼnegauve, huno ha paiʼniye.

Hatu maeno apate'niya gemae 24:13

Ani ge huno ha paiʼnigeno Moseseʼa aliʼyaʼamo neʼaliya vekamo Yasuvaʼeʼmo Goti avefiʼmo uʼana haiʼnaʼae.

Hatu maeno apate'niya gemae 32:17

Moseseʼa uno lamiʼnigeʼanaeʼmo Yasuvaʼeʼmo fotu huteʼana uʼana nelamiʼanaeʼmo Yasuvaʼa asole vayaʼmogi apakemo aiʼnageno afitenoʼaeʼmo Mosesefeʼmo ina ge huno ha paiʼniye, maiʼnaya koteʼmo kamemo nehuʼapaeʼmo apakemoʼmo nehigeʼna afiʼnove, huno huʼnigenoʼaeʼmo

Hatu maeno apate'niya gemae 33:10

Muki vayaʼmogimo hiyaʼmo ageʼnayana ani seli noʼmo kipateʼmo emineno haneʼnigeʼa ageteʼapaeʼmo seli noʼapimo kipateʼmo he tiʼa maiʼneʼa mono huʼnae.

Hatu maeno apate'niya gemae 33:9

Moseseʼa nopiʼmo uno haiʼnigenoʼaeʼmo hiyaʼmoʼa posi yosagana huno emineno Gotiʼeʼmo magokepi lokaeʼa aliʼa anupa huʼa maiʼnaya noʼmo kipateʼmo haneʼnigeno ani hiyapatiʼmo Ala kava neʼmoʼa Mosesefeʼmo ha paiʼniye.

Aiyeya 42:8

Nagaiʼnigeʼmo Ala kava neʼmae. Ani nagimo nagiʼnimae. Nagaiʼni hale konali yaʼnimo mago vekamo oʼamiguve. Vayaʼmogimo ala nagiʼnimo neʼnamiya agufa kava huʼa yosaletiʼmo alo nehaya aigofe gotigi ala apakiʼapimo apamisayafeʼmo he, huʼna osuguve.

Napa 11:28

Yasuvaʼmo Nani mafaʼnemo Moseseʼa lekana paino ateʼnigeno ha maeʼniya vekamoʼmo Mosesefeʼmo hunoʼaeʼmo, Ala vekae, huno, Lole vekalafeʼmo ge osutana afaʼa maiʼao, huka hana paiyo,

Napa 12:7

Nehuvaʼmonanafa aliʼyaʼnimo neʼaliya vekamo Mosesetegamo ani agufa kavaʼmo nosuve. Agaemo noʼnifiʼmo afamo anaga vayaʼnilefeʼmo aliʼyaʼamo oʼataleno alagepa aliʼyaʼmo alino afole aino atesiya vekamo augosafiʼmo ageʼnogeno naugosafiʼmo nageʼnigeʼnaeʼmo ge nehuve. Nagaemo aeʼna kalafefa agufa gemo huʼna ha nopaufa huʼna halenageʼmo ha nepauve. Ha nepaugenoʼaeʼmo agaemo nageʼniye. Ani kavaʼmo Mosesetegamo nehuvaʼmofeʼmo na agufa kava higetanaeʼmo koli osutana aliʼyaʼnimo neʼaliya vekamo Mosesepikeʼmo gemo alitana faitana ateʼnaʼae.

Yoni 11:11

Lao vekamo Layosiʼmo ago au kaleno maiʼniyaʼmofeʼmo uʼna aupatiʼmo hauneʼna ategauve, huno hapa paiʼnigeʼapaeʼmo,

Yoni 3:29

Aʼmo aligesuve, huno huʼniya vekamoʼmo alisiya a kanomo agaiʼa aʼmae. Aʼmo aliguve, huno huʼniya vekamo ao vekamo eno magokepi lokaeno he tino maiʼnigeno aʼmo aliguve, huno huʼniya vekamoʼa amogaga aino ge higeno afitenoʼaeʼmo amogaga neʼaiye. Ani kava huno aʼmo neʼaligeʼnaeʼmo namogaga neʼauva kavaʼmo alagi haeʼmae.

Yemisi 2:23

Emalehamuʼa huʼniya kavafeʼmo Goti mukufiʼmo avoʼmo kae maleʼniya gemo neʼyaʼmo alagi afole aiʼniye. Ani gemoʼa hunoʼaeʼmo, Emalehamuʼa Gotifekeʼmo agesamo afino fatago huʼnigenoʼaeʼmo, naulagaleʼmo fatago vekamo maiʼnane, huno ha paiʼniye. Vayaʼmogi huʼapaeʼmo, Emalehamuʼa Goti ao vekamo maiʼniye, huʼa huʼnae.