Hatu maeno apate'niya gemae 32:33 - The Keyagana NT and 25 OT books

³³ Ala kava neʼmoʼa Mosesefeʼmo ha painoʼaeʼmo, Ina lagimo nagaetegamo hosu kavaʼmo huʼnisafigeʼna ani vayaʼmogi apakigeʼmo aeʼna kalo paeʼna atalegauve.

Hatu maeno apate'niya gemae 32:33 ပူးပေါင်းရင်းမြစ်များ

Samu 69:28

Maige maige huʼa maisaya vayaʼai apakiʼapimo haneʼniya mukufatiʼmo apakiʼapimo aeka kalo paeka atalo. Fatago vayaʼai apakiʼapimo haneʼniya mukufiʼmo apakiʼapimo avoʼmo kaeka oʼmalo.

Samu 69:29

Huʼa maiʼnayaʼmonanafa nagaemo muki yaʼnimo ohaneʼniya vekamo maiʼneʼna kana yaʼmo aliʼnove. O Gotiyo, huʼna, nagufamo alika katika nateteka alika asaga huka nato.

Samu 9:5

Kagaefeʼmo mono nosaya vayaʼmo alika fako huka apatetekaeʼmo, hosu vayane, huka hapa paiteka alika apagoʼya lagauka apataleʼnane. Vayaʼmogimo apakaefeʼmo magoʼe huʼa apakesamo oʼafigae.

Hatu maeno apate'niya gemae 17:14

Inagi Ala kava neʼmoʼa Mosesefeʼmo ha painoʼaeʼmo, Muki vayaʼmogiʼe henagaʼamo afole aisaya vayaʼmogiʼeʼmo apakesamo afisayafeʼmo ani gemo huka mago mukufiʼmo avoʼmo kaeteka Yasuvafeʼmo halate ha paiyo. Ani avoʼmo kaesana gemo, Ala kava neʼmoʼnamo Amaleki nofi vayaʼmo aliʼna hano huʼna apatalesugeʼa muki vayaʼmogimo apakaefeʼmo magoʼe huʼa apakesamo oʼafigae.

Filipai 4:3

Goti aliʼyaʼamo nagaeʼeʼmo magokepi lokaeka neʼalina veʼnimogae, huʼna, Kagaefeʼmo kahao ke nehovanagi, ani lole atalaʼmo nagaeʼeʼmo alagepa faigoko gelefeʼmo magokepi lokaeʼana aliʼyaʼmo aliʼnaʼa atalaʼmo alagepa huka hana mao. Anakaegi Kilemeniʼagi muki vayaʼmo nagaeʼeʼmo magokepi lokaeta aliʼyaʼmo neʼaluna vayanagi huno apakiʼapimo Gotiʼa maige maige huʼa maisaya vayaʼai apakiʼapimo avoʼmo kae maleʼniya mukufiʼmo avoʼmo kae maleʼniye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.

Leveleseni 3:5

Kamemo huʼa aeʼa neʼapakasaya vayaʼmogi yaveyave kukenamo vaisageʼna afaʼa maisaya yaʼmo aliʼnisaya vayaʼai apakiʼapimo Goti mukufiʼmo avoʼmo kae maleʼniyanageʼna aeʼna kalo paeʼna oʼatalegauve. Nagaemo afoʼnimo aulagaleʼe enisole vayaʼai apaulagaleʼeʼmo apakiʼapimo aegauve.