Hatu maeno apate'niya gemae 32:30 - The Keyagana NT and 25 OT books

³⁰ Egaʼamo Moseseʼa hunoʼaeʼmo, Lapakaemo alopa hosu kavaʼmo huʼnae. Huʼnayaʼmofeʼmo hemenimo nagaemo Ala kava netegamo avefiʼmo uʼna haiʼna hosu kavatapimo alino atalesifi oʼatalesifigeʼna amalageka huʼna ge huʼna afi gegauve.

Hatu maeno apate'niya gemae 32:30 ပူးပေါင်းရင်းမြစ်များ

2 Samiyo 12:9

Na kava higekaeʼmo Ala kava neʼmo geeʼmo ina agufa ge, huteka kakameʼyamo amiteka aulagaleʼmo hosu kavaʼmo huʼnane. Kagaemo naipeletiʼmo Yulaiyaʼmo aiʼnanageno falitegeka aʼamo aliʼnane. Kagaemo Amoni vayaʼai apayapatiʼmo amagiʼnanageno faliʼniye.

Samu 99:6

Mono huʼa neʼapataya vayapatiʼmo Moseseʼe Eloniʼeʼmo maiʼnaʼae. Samiyoʼeʼmo ani vayapatiʼmo Goti agiʼalefeʼmo nunumuʼmo huʼa keya aeʼa ge huʼnaya vayapatiʼmo maiʼniye. Apakaemo Ala kava nefeʼmo nunumuʼmo huʼnagenoʼaeʼmo afiteno geʼapileʼmo aeno atagaina huʼniye.

Hatu maeno apate'niya gemae 32:29

Inagi Moseseʼa hunoʼaeʼmo, Ala kava neʼmo aliʼyaʼamo alisayafeʼmo hemenimo lapakaitapimo alitapa lapaoteʼmo lapategenoʼao alagepa yaʼmo lapamigiye. Lapakaemo mafaʼnetapiʼe lapakanatapimogiʼeʼmo kamemo huʼnayaʼmofeʼmae, huno hapa paiʼniye.

Yona 3:9

Gotiʼa ani kavaʼmo huguve, huno huʼniya geʼe aipamo leno lateʼniya kavaʼeʼmo atalesifi oʼatalesifigeta ofalisunafeʼmo amalageka huta agegaune, huno hapa paiʼniye.

Napa 16:47

Inagi Eloniʼa Mosese huʼniya gemo akame huno alagepa atumo aisiya laʼnefamo kaesiya yuvapamo alinino nagu nagu huno vayaʼai folagapimo uno laʼnefamo kaeteno vayaʼai hosu kavaʼapilefeʼmo ofalinimo huʼniye. Ala kava neʼmo alopa kaita kayotetiʼmo aepa faino apamagiʼniyaʼmofeʼmae.

Napa 25:13

Agaemo Gotiʼamotefeʼmo kaino faiteno Isaleli vayaʼai hosu kavaʼapimo aliʼna atalesuvafeʼmo kaʼmo valino nateʼniyaʼmofeʼmo agaegi aginago mafaʼne anaganagi huʼna kotalakemo hu malegauve. Apakaemo mono huʼa apatesaya vayaʼmo muki afinaʼmo maige maige huʼa maigae.

Luki 15:18

Ataleʼna he tiʼna afoʼnimotega uʼnaeʼmo, Afo, huʼna, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi

Luki 7:47

Ani kavaʼmo huʼniyaʼmofeʼmo kaha paiʼnaeʼmo, ani a kanomoʼmo nagaefeʼmo lusi kava huno hau ayamopafiʼmo hauʼniya kavaʼaletiʼmo hunoʼaeʼmo, alopa hosu kavaʼnimo anonaʼnimo ago alino ataleʼniye, huno alino lapave neliye. Aise hosu kavaʼnimo alino ataleʼniye, huno agesamo afiʼnisiya vekamoʼmo aiseʼatoʼamo hau ayamopafiʼmo nehaiye, huno ha paiteno

Lomu 9:3

Kanale kavaʼmo haneʼniyesinana apakaetefeʼmo Kalaisipiʼmo oʼmaiʼna malaga lifana vekamo maisuvafeʼmo nahauʼniyesine.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.

1 Samiyo 12:17

Lapakaemo ago ageʼnayana hemenimo vitimo ago leʼnigeta nehatagauna afinaʼmogeno koʼmo noʼaiya afinaʼmae. Haneʼniyaʼmonanafa hemenimo Ala kava nefeʼmo keya aeʼna ge hisugeno hiyapatiʼmo hakalu huteno koʼmo alino atalesigeno ailino eminegaiye. Lapakaemo ani kavaʼmo ageteta afigayana Ala kava nefeʼmo mago kini vekatimo lamiyo, hutapa ge huta afi geʼnaya afinaʼmo Ala kava neʼmo aulagaleʼmo alopa hosu kavaʼmo huʼnone, hutapa agegae.

1 Samiyo 12:19

Muki vayaʼmogimo Samiyofeʼmo huʼapaeʼmo, Lagaemo asole hosu kavaʼmo ago hutetaeʼmo hemenimo ageʼnonana lagaemo Ala kava nefeʼmo kini vekatimo lamiyo, huta ge huta kafi geʼnona kavaʼe magoʼe huta alu hosu kavaʼeʼmo huʼnone. Huʼnonaʼmofeʼmo kagaemo Ala kava neʼmo Gotikamofeʼmo lagaemo aliʼyakamo neʼaluna vayakamogitaeʼmo nunumuʼmo huka lato. Fiku yanageta faligune, huʼa ha paiʼnae.

1 Samiyo 12:20

Inagi Samiyoʼmo muki vayaʼaifeʼmo hapa painoʼaeʼmo, Lapakaemo koli osiyo. Lapakaemo muki ani hosu kavaʼmo huʼnayaʼmonanafa Ala kava neʼmo oʼataletapa akame hutetapa muki lapaipafatiʼmo aliʼyaʼamo aliyo.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 2:17

Ani Ilai lole neya mafaʼnelaʼmoganimo huʼnaʼa hosu kavaʼmoʼa Ala kava neʼmo aulagaleʼmo alagi hosu kavaʼmo haneʼniye. Ala kava netefeʼmo ofalinimo hisayafeʼmo aliniʼa eʼnaya vayaʼmogimo Ala kava netefeʼmo ofalinimo hisaya kavafeʼmo alagi ohapauʼniye.