Hatu maeno apate'niya gemae 32:29 - The Keyagana NT and 25 OT books

²⁹ Inagi Moseseʼa hunoʼaeʼmo, Ala kava neʼmo aliʼyaʼamo alisayafeʼmo hemenimo lapakaitapimo alitapa lapaoteʼmo lapategenoʼao alagepa yaʼmo lapamigiye. Lapakaemo mafaʼnetapiʼe lapakanatapimogiʼeʼmo kamemo huʼnayaʼmofeʼmae, huno hapa paiʼniye.

Hatu maeno apate'niya gemae 32:29 ပူးပေါင်းရင်းမြစ်များ

2 Sitoli 35:3

Agaemo Isaleli vayaʼmo aliʼa apaya neʼmalaya Livai nofi vayaʼmogi Ala kava netefeʼmo apaote maiʼnaya vayaʼaifeʼmo hapa painoʼaeʼmo, Ala kava neʼmo kotalake kesiʼamo alitapa kini vekamo Solomoniʼmo Nevini mafaʼnemoʼmo ki maleʼniya nopiʼmo maleyo. Lapakaemo magoʼe hutapa kotalake kesimo alita kofi litapa oʼugae. Hemenimo Ala kava neʼmo Gotitapimo aliʼyaʼamo alige Goti vayaʼamo Isaleli vayaʼmo hapa maege hutapa maiyo.

Hatu maeno apate'niya gemae 32:28

Livai nofi vayaʼmogimo ani afinaʼmo Moseseʼa huʼniya kavaʼmo huʼa tali tauseniʼa vayaʼmo kamitimo apaiʼnae.

Hatu maeno apate'niya gemae 32:30

Egaʼamo Moseseʼa hunoʼaeʼmo, Lapakaemo alopa hosu kavaʼmo huʼnae. Huʼnayaʼmofeʼmo hemenimo nagaemo Ala kava netegamo avefiʼmo uʼna haiʼna hosu kavatapimo alino atalesifi oʼatalesifigeʼna amalageka huʼna ge huʼna afi gegauve.

Mai'naya kavane 21:3

Ala kava neʼmoʼa fatago kavaʼe alagepa huʼa aliʼa fako nehaya kavaʼeʼmo hauʼnigeno ofalinimo neʼamiya kavafeʼmo hauʼniya kavaʼmo ago aeno aga seno magoʼe huno hauʼniye.

Matiyu 10:37

Mago vayaʼmogimo itaʼapi afoʼapimogifekeʼmo hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kavaʼmo huʼa oʼmaiʼnae. Ani kava huʼa mago vayaʼmogimo mafaʼneʼapieʼmofi aʼmafaʼneʼapieʼmofi huno hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kava huʼa oʼmaiʼnae.