Hatu maeno apate'niya gemae 32:15 - The Keyagana NT and 25 OT books

¹⁵ Inagi Moseseʼa lole yafatalaʼmo aliteno avefatiʼmo ataleno uno lamiʼniye. Ala kava neʼmoʼa ani lole yafatalateʼmo aluga alugaʼalateʼmo avoʼmo kae maleʼniye.

Hatu maeno apate'niya gemae 32:15 ပူးပေါင်းရင်းမြစ်များ

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Hatu maeno apate'niya gemae 16:34

Ala kava neʼmoʼa Mosesefeʼmo huvo, huno ha paiʼniya gemo Eloniʼa akame hisiyafeʼmo ani samomo alino kotalake kesimo haopaleʼmo maleʼniye.

Hatu maeno apate'niya gemae 24:12

Inagi Ala kava neʼmoʼa Mosesefeʼmo ha painoʼaeʼmo, Nagaetegamo eka haikeka he tika maiʼnegeʼna lole latapa yafatalateʼmo keʼaepa geʼnimo akame hiyo, huʼna huʼnova geʼnimo avoʼmo kaeʼna maleʼnovanageʼna ani yafatalaʼmo aliʼna kamisugeka Isaleli vayaʼmo alika apaya malegane, huno ha paiʼniye.

Hatu maeno apate'niya gemae 24:18

Moseseʼa hiyapiʼmo uno haino avefiʼmo fotiʼa felugaʼe haniʼilagaʼeʼmo maiʼniye.

Hatu maeno apate'niya gemae 31:18

Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Hatu maeno apate'niya gemae 32:16

Gotiʼa agaiʼamo lole yafatalaʼmo alo huteno ani yafatalateʼmo haginaletiʼmo kaegekana huno avoʼmo kaeʼniye.

Hatu maeno apate'niya gemae 34:29

Moseseʼa avefiʼmo maiʼneno Ala kava neʼeʼmo gege huʼnaʼagenoʼaeʼmo augosafatiʼmo aeno ha leʼniyaʼmonanafa avefatiʼmo ataleno lole latapa yafatalaʼmo alinino uno laminoʼaeʼmo aeno ha leʼniye, huno agaiʼamo oʼageʼniye.

Hatu maeno apate'niya gemae 40:20

Inagi apakaemo Gotiʼa keʼaepa geʼamo lole yafatalateʼmo avoʼmo kae maleʼniya yafatalaʼmo aliʼa kotalake kesifiʼmo maleʼnae. Lole yosalaʼmo aliʼa aluga alugaʼamo haneʼniya katalapiʼmo ateteʼa aliʼa kofiliʼa visaya kavaʼmo hu maleʼnae. Ani kesimo avayaleʼmo Goli yafatetiʼmo alo huʼnaya avayamo aliʼa agotofuleʼmo akalo huʼa maleʼnae. Ani avayaleʼmo kolaʼmo aiʼa fuli fuli huʼnagenoʼaeʼmo Gotiʼa hau huno apateʼniye.

2 Kolitiyani 3:3

Kalaisiʼa aliʼyatiletiʼmo afole yateʼmo avoʼmo kae maleʼniye. Agaemo avoʼmo nekaya anitetiʼmo avoʼmo okaeʼnifa afaʼa neʼmaiya Goti Aunemeʼaletiʼmo avoʼmo kae maleʼniye. Latapa yafateʼmo avoʼmo okaeʼnifa malu male nehiya lapaipafiʼmo avoʼmo kae maleʼniye.

2 Kolitiyani 3:7

Vayaʼmo neʼapamagiya gemo yafateʼmo avoʼmo kae maleʼniya gemo aliʼyaʼamoʼmo ha le konali yaʼamo haneʼniye. Moseseʼa keʼaepa gemo aliʼniya afinaʼmo augosafatiʼmo aeno ha leʼnigeʼapaeʼmo Isaleli vayaʼmogimo alagi aulu haeʼa oʼageʼnayaʼmonanafa augosafatiʼmo aeno ha leʼniya yaʼamo aise aise huno hano hume hume eʼniya ha le konali yaʼamo haneʼniye.

Himulu 9:4

Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.

Leveleseni 5:1

Ageʼnovana yagaino neʼapateya siyateʼmo fai maiʼniya vekamoʼmo apepaleʼmo aluga alugaʼamo avoʼmo kaeteno alino kafage ki maleʼneno seveniʼa afinaʼmo kameletiʼmo faleteno aino kamaeteno lamaga ayapiʼmo aliʼniye.