Hatu maeno apate'niya gemae 32:14 - The Keyagana NT and 25 OT books

¹⁴ Ala kava neʼmoʼa alu aipa agesamo afiteno vayaʼaeʼmo, apamagiguve huno huʼniya kavaʼmo osuʼniye.

Hatu maeno apate'niya gemae 32:14 ပူးပေါင်းရင်းမြစ်များ

Aepa Gemae 6:6

Ala kava neʼmoʼa vayaʼmo alo huʼna oʼapatesuva yafena alo huʼna apateʼnove, huno agesamo afiteno aipafatiʼmo agafu kiʼniye.

2 Samiyo 24:16

Mago enisole vekamo Yulusalemu taonifiʼmo eno avaʼyi huteno taonifiʼmo maiʼnaya vayaʼmo kamitimo apamagisiyafeʼmo alo huno maiʼnigenoʼaeʼmo Ala kava neʼmoʼa apamagisiya kavafeʼmo ohauʼnigeno hau huno apateteno alu aipa agesamo afiteno apamagisiyafeʼmo huʼniya enisole vekaeʼmo ina ge huno ha paiʼniye. Alaginagi afaʼa ato, huno ha paiʼniye. Ani afinaʼmo enisole vekamo mago vitimo haitaʼamo aliʼa neʼatalaya yateʼmo haopaleʼmo he tino maiʼniye.

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Samu 106:45

Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.

Hatu maeno apate'niya gemae 33:13

Fikumo naha maeka neʼnamina kavaʼmo ageʼnisuvana kagesamo neʼafina kavakaʼe nekahaiya kavakaʼeʼmo hemenimo alika nave lisanageʼna kaulagaleʼmo fikumo naha maeka neʼnamina kavakamo afaʼa agegauve. Ani nofi vayaʼaifeʼmo vayaʼnimo maiʼnae, huteka kagesa afifi huka maiyo.

Yona 3:10

Ani kava huʼa hosu kavaʼapimo ataleʼnageno Gotiʼa apaketenoʼaeʼmo halate alu aipa agesamo afiteno ani kavaʼmo huguve, huno hapa paiʼniya kavaʼmo osuno ataleʼniye.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Napa 14:20

Inagi Ala kava neʼmoʼa Moseseʼmo huʼniya gemo afitenoʼaeʼmo, Naha paiʼnana gelefeʼmo hosu kavaʼapimo aliʼna ataleʼnovaʼmonanafa

1 Samiyo 15:11

Afiyo, huno, Soloʼmo magoʼe huno nakame osuʼnifa nataleno atagi neno uʼniye. Agaemo huvo, huʼna ha paiʼnova gemo osuʼnifa geʼnimo amagino ataleʼniyaʼmofeʼmo kini vekamo aliʼna hamaleʼna ateʼnova kavafeʼmo lusi kava huʼna nahau huve, huno ha paiʼniye. Samiyoʼmo ani gemo afitenoʼaeʼmo aipamo kana huʼnigeno muki ani haniʼilagamo nunumuʼmo hume hume uʼniye.