Hatu maeno apate'niya gemae 32:12 - The Keyagana NT and 25 OT books

¹² Fiku yanageʼa Isipi vayaʼmogi huʼapaeʼmo, Gotiʼa apakaetegamo hosu kavaʼmo huteno ani mopaletiʼmo alino hano huno apatalesiyafeʼmo apavalelino uʼniye, huʼa hugae. Kaipamo neleya kavaʼmo ataleteka alu kaipa kagesamo afiteka vayakamo alika hano huka oʼapatalo.

Hatu maeno apate'niya gemae 32:12 ပူးပေါင်းရင်းမြစ်များ

Aepa Gemae 6:6

Ala kava neʼmoʼa vayaʼmo alo huʼna oʼapatesuva yafena alo huʼna apateʼnove, huno agesamo afiteno aipafatiʼmo agafu kiʼniye.

Esala 10:14

Oʼaigunaʼmofeʼmo kahao ke honanageta lagesamo afitaeʼmo yagaiʼa lateʼnaya vayaʼmo manileʼmo he tiʼa maiʼnisageʼapaeʼmo alu taonifi alu taonifiʼmo maiʼnaya vayaʼmogi malaga aʼnemo aliʼnaya vayaʼmo ege taoniʼapifiʼmo maiʼnaya yasi vayaʼe vayatama vayaʼeʼmo ege hisageta alita api aita atesunageno Gotiʼa lokiya kava huno aipamo leno nelateya kavaʼamo atalegaiye, huʼa huʼnae.

Samu 106:45

Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.

Samu 78:38

Ani kavaʼmo huʼnayaʼmonanafa hau ayamopafiʼmo hauʼniya vekamo maiʼniyaʼmofeʼmo muki vayaʼamo kamitimo oʼapamagiʼnifa hosu kavaʼapigeʼmo alino ataleʼniye. Muki afinaʼmo aipamo leno apatege apatege huno maiʼniyaʼmonanafa aipamo leno apateʼniya kavaʼamo ataleʼniye.

Samu 85:3

Hogoteka kaipamo leka apateʼnanaʼmonanafa henagaʼamo kaipamo falu huka apateʼnane. Lusi kava huno kaipamo leʼniyana afaʼa ataleʼnane.

Samu 90:13

Ala kava nene, huʼna, aika atagi neka lagaetegamo eno. Na magi afinaʼmo kaipamo leka lategane. Aliʼyakamo neʼaluna vayakaeʼmo kahau huka lato.

Hatu maeno apate'niya gemae 32:14

Ala kava neʼmoʼa alu aipa agesamo afiteno vayaʼaeʼmo, apamagiguve huno huʼniya kavaʼmo osuʼniye.

Hatu maeno apate'niya gemae 33:13

Fikumo naha maeka neʼnamina kavaʼmo ageʼnisuvana kagesamo neʼafina kavakaʼe nekahaiya kavakaʼeʼmo hemenimo alika nave lisanageʼna kaulagaleʼmo fikumo naha maeka neʼnamina kavakamo afaʼa agegauve. Ani nofi vayaʼaifeʼmo vayaʼnimo maiʼnae, huteka kagesa afifi huka maiyo.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Yona 3:9

Gotiʼa ani kavaʼmo huguve, huno huʼniya geʼe aipamo leno lateʼniya kavaʼeʼmo atalesifi oʼatalesifigeta ofalisunafeʼmo amalageka huta agegaune, huno hapa paiʼniye.

Napa 14:19

Nunumuʼmo huʼnaeʼmo, Lusi kava huka kahau huka neʼapatana kavakalefeʼmo hosu kavaʼapimo alika atalo. Kagaemo Isipi koʼmo ataleʼnaya afinaʼmo hosu kavaʼapimo alika ataleteka alika ataleme ataleme eka hemeniʼeʼmo alika neʼatalana agufa kavaʼmo huka alika atalo, huʼna nehuve.

Napa 16:21

Nagaemo mani vayaʼmo malage huʼna aliʼna hano huʼna apatalesuvafeʼmo apataletana viʼao.

Yasuva 7:26

Apakaemo Ekani agufaleʼmo asole yafa aluʼmo ai maleʼnageno hemenimo ani yafa aluʼmo haneʼniye. Inagi Ala kava neʼmo aipamoʼmo falu huʼniye. Ani kavaʼmo afole aiʼniyaʼmofeʼmo apakaemo ani koʼmo agiʼamo Eko kagoʼmu kone, huʼa ateʼnae. Eko kone agimo aepaʼamo hanageke yaʼmae. Ani agimo aeme aeme eʼa hemenimo ani agigeʼmo neʼae.

Yasuva 7:9

Kenani vayaʼe muki alu vayaʼmo mani koteʼmo maiʼnaya vayaʼmogiʼeʼmo ani kavafeʼmo ava gemo afiteʼapaeʼmo faiʼa vego huʼa lateʼneʼa mukiʼamo kamitimo lahaegae. Ani afinaʼmo ala kagikalefeʼmo na agufa kavaʼmo hugane, huno nunumuʼmo huʼniye.

1 Samiyo 12:22

Ala kava neʼmoʼa agaiʼamo hauʼnigeno ala agiʼalefeʼmo agaiʼa vayaʼamo alino lapatesiyafeʼmo alino hamaleno lapateʼniyaʼmofeʼmo Ala kava neʼmoʼa vayaʼamo apataleno oʼugiye.