Hatu maeno apate'niya gemae 32:1 - The Keyagana NT and 25 OT books

¹ Moseseʼa avefiʼmo uno haino yatala afinaʼmo maiʼniyaʼmofeʼmo Isaleli vayaʼmogimo uʼa Elonifeʼmo ha paiʼapaeʼmo, Moseseʼa Isipi kotegatiʼmo lavalelino eʼniya vekalegamo na agufa kavaʼmo afole aiʼnifi huta oʼageʼnonaʼmofeʼmo kagaemo mago gotigimo alo hisanageʼa uʼa hogoteteʼa lavaleliʼa ugae, huʼa ha paiʼnae.

Hatu maeno apate'niya gemae 32:1 ပူးပေါင်းရင်းမြစ်များ

Aepa Gemae 19:14

Inagi Lotiʼa uno lamino ayemoʼalaʼmoganifeʼmo hana painoʼaeʼmo, Ala kava neʼmoʼa mani taonimo alino hano huno atalesiyafeʼmo hiyanagi mani taonifatiʼmo ataletana he titana viʼao, huno hana paiʼniyana ayemoʼalaʼmoganimo afaʼa kigi yokalo gegeʼmo nehiye, huʼana anakesamo afiʼnaʼae.

Aepa Gemae 21:26

Amimelekiʼa hunoʼaeʼmo, Nagaemo haiya vekamoʼmo ani kavaʼmo huʼnifi huʼna oʼafiʼnove. Hogoteka naha opaiʼnane. Hemenigeʼmo mani gemo neʼafuve, huno ha paiʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Aepa Gemae 44:15

Yosefeʼa apakaefeʼmo ina ge huno huʼniye. Lapakaemo na agufa kavaʼmo huʼnae. Nagaefeʼmo lageso huʼniya yaʼmo ageno neʼaliye, hutapa oʼnageʼnafiye, huno huʼniye.

Aepa Gemae 44:4

Apakaemo taonifatiʼmo ataleʼa uʼnayaʼmonanafa uʼa afagi osuʼnagenoʼaeʼmo inagi Yosefeʼa noʼaleʼmo neʼyagaiya vekaeʼmo ha painoʼaeʼmo, Kagaemo ani vayaʼmo apakame huka uvo. Kagaemo uka apaiyafiʼmo aetekaeʼmo apakaefeʼmo ina ge huka ge huka apafigo. Lagaemo lapakaetegamo alagepa kavaʼmo huʼnonaʼmonanafa na kava higetapaeʼmo lapakaemo lagaetegamo hosu kavaʼmo huʼnae.

Samu 106:19

Alu afinaʼmo apakaemo goli yafatetiʼmo pulumakamo auneʼamo alo huteʼa mono huʼnae.

Hatu maeno apate'niya gemae 13:21

Muki felugaʼamo Ala kava neʼmo posi yosagana huno hiyapiʼmo he tino maiʼneno uno hogoteʼniye. Muki haniʼilagaʼamo posi yosagana huno ata vaipiʼmo he tino maiʼneno uno hogoteʼniye. Ata vaiʼmoʼa aeno ha leʼnigeʼa haniʼilagamo uge felugamo uge huʼnae.

Hatu maeno apate'niya gemae 14:11

Apakaemo Mosesefeʼmo huʼapaeʼmo, Isipi kotegamo kiʼa latesaya kanoluʼmo haneʼniye. Na agufa kavaʼmo higekaeʼmo mani kaʼme kotegamo falisunafeʼmo lavalelika eʼnane. Na kavaʼmo higekaeʼmo Isipi kotegatiʼmo lavalelika eʼnane.

Hatu maeno apate'niya gemae 16:3

Apakaemo huʼapaeʼmo, Lanakaemo muki vayaʼamo kaʼme kotegamo laga tesigeta falisunafeʼmo lavalelitana eʼnaʼae. Ala kava neʼmoʼa Isipi kotegamo maiʼnisunageno kamitimo lamagiʼniyesinana kanale huʼniyesine. Isipi kotegamo maiʼnetaeʼmo samofiʼmo afu ameʼamo kaege neʼyaʼmo kaege hutetaeʼmo fai maiʼneta neʼyaʼmo neta lamu huʼnone, huʼa huʼnae.

Hatu maeno apate'niya gemae 20:23

Afiyo, huʼna, Lapakaemo goli yafatetiʼmofi siluva yafatetiʼmofi hutapa aigofe gotigimo nagaeʼeʼmo magokepi lokaeʼa maisayafeʼmo alo osiyo.

Hatu maeno apate'niya gemae 24:12

Inagi Ala kava neʼmoʼa Mosesefeʼmo ha painoʼaeʼmo, Nagaetegamo eka haikeka he tika maiʼnegeʼna lole latapa yafatalateʼmo keʼaepa geʼnimo akame hiyo, huʼna huʼnova geʼnimo avoʼmo kaeʼna maleʼnovanageʼna ani yafatalaʼmo aliʼna kamisugeka Isaleli vayaʼmo alika apaya malegane, huno ha paiʼniye.

Hatu maeno apate'niya gemae 24:18

Moseseʼa hiyapiʼmo uno haino avefiʼmo fotiʼa felugaʼe haniʼilagaʼeʼmo maiʼniye.

Hatu maeno apate'niya gemae 32:11

Moseseʼa Ala kava neʼmo Gotiʼamofeʼmo lokiya vaino ge huno ha painoʼaeʼmo, Ala kava nene, huʼna, Na kava higekaeʼmo Isipi kotegatiʼmo himamu lokiyakaletiʼmo apavalelika eʼnana vayakaeʼmo kaipamo leka apatesanafeʼmo nehane.

Hatu maeno apate'niya gemae 32:22

Eloniʼa hunoʼaeʼmo, Ala neʼnimogae, huʼna, kaipamo leka oʼnato. Kagaemo mani vayaʼmogi hosu kavaʼmo hisayafeʼmo hapauʼniya vayaʼmo maiʼnageka ago apakeʼnane.

Hatu maeno apate'niya gemae 32:23

Apakaemo naha paiʼapaeʼmo, Moseseʼa Isipi kotegatiʼmo lavalelino eʼniya vekaleʼmo na agufa kavaʼmo afole aiʼnifi huta oʼageʼnonaʼmofeʼmo kagaemo gotigimo alo hugeʼa uʼa hogoteteʼa lavaleliʼa viyo, huʼa huʼnageʼnaeʼmo

Hatu maeno apate'niya gemae 32:7

Ala kava neʼmoʼa Mosesefeʼmo ha painoʼaeʼmo, Malage huka uka lamiyo. Kagaemo Isipi kotegatiʼmo apavalelika eʼnana vayakamogimo apakaiʼapimo aliʼa hosu huʼa neʼapatae.

Hatu maeno apate'niya gemae 33:3

Mago kanale lanitani mopaleʼmo viyo. Gemo noʼafiya vayaʼmo maiʼnayaʼmofeʼmo lapakaeʼeʼmo magokepi lokaeʼna oʼuguve. Fiku yanageʼna aliʼna hano huʼna lapatalegauve, huno Mosesefeʼmo ha paiʼniye.

Maika 6:4

Nagaemo Isipi kotegatiʼmo kalavusi aliʼyapatiʼmo hatu maeʼna lapateteʼna lapavaleliʼna eʼnove. Nagaemo Moseseʼagi Eloniʼagi Miliyamuʼagi huʼna yagaiʼa lapatesayafeʼmo lekana paiʼna apateteʼna aliʼna apateʼnogeʼa lapavaleliʼa eʼnae.

Napa 14:22

Muki mani vayaʼmogimo ha le konali yaʼnimo agege Isipi kotegaʼe kaʼme kotega hau huʼniya kotegaʼeʼmo noʼagaya agufa naune kavaʼmo huʼnogeʼa agege huʼnayaʼmonanafa naya loleʼa afinaʼmo geʼnimo oʼafiʼa namalageka huʼnae.

Matiyu 24:43

Afiyo, huʼna, no aepa vekamoʼmo hainu afinaʼmo kumaya neʼaliya vekamo egaifi, huno agesamo afiʼniyesinana yagaino maiʼnisigeno eno noʼamo aeno yakino kumaya oʼaliʼniyesinaʼmofeʼmo

Matiyu 24:48

aliʼyaʼamo neʼaliya hosu vekamoʼmo, aliʼyaʼmo afoʼamoʼmo yatala afinaʼmo maiʼniye, huno agesa afiteno

Apa 17:29

Goti mafaʼneʼamo maiʼnonaʼmofeʼmo goli yafatetinagi siluva yafatetinagi alu yafatetinagi huʼa alo huʼnaya vekamo maiʼniye, huta lagesa oʼafigune. Gotiʼa vayaʼmogimo ageʼa alagepa huʼneʼa apayatetiʼmo alo nehaya yakana huno oʼmaiʼniye.

Apa 19:26

Lapakaemo Poloʼa nehiya kavaʼmo agetetapa agae kavafeʼmo ava gemo ago afiʼnae. Agaemo mani Efasasi taonifiʼmo maiʼnaya vayaʼageʼmo alino aino atagineno noʼapatefa muki Esiya kotega maiʼnaya vayaʼeʼmo alino aino atagineno apatetenoʼaeʼmo, Vayaʼmogi apayatetiʼmo alo nehaya yaʼmo gotiʼapimogi oʼmaiʼnae, huno hapa paiteno apakesa magoʼe huno alino hapa nepaiye.

Apa 7:40

Apakaemo mono huno neʼapateya vekamo Elonifeʼmo huʼapaeʼmo, Ani vekamo Moseseʼa Isipi kotegatiʼmo lavalelineʼniya vekamo haiyategamo uno maiʼnifi huta oʼageʼnone. Mago gotitimoʼmo alo higetao uʼa hogoteteʼa lavaleliʼa visayafeʼmae, huʼa ha paiteʼa

Yasuva 7:13

He tiyo, huʼna, Kagaemo Isaleli vayaʼmo alika apaoteʼmo apato. Ina gemo huka hapa paiyo, Egamo lapakaitapimo alita lapaoteʼmo lapateyo. Ala kava neʼmo Isaleli vayaʼmogi Gotiʼapimoʼmo lapa painoʼaeʼmo, O Isaleli vayaʼmogitapae, huno, lapakae folagapiʼmo lifana hu maleʼnova yaʼmo haneʼniye. Lapakaemo kame vayatapimo he titapa aeta oʼapaka seme oʼapaka seme neʼvisageʼapaeʼmo lapakaepatiʼmo alita atalegae.

2 Pita 3:4

Apakaemo huʼapaeʼmo, agaemo emiʼnegauve, huno huʼniyana hemenimo haiyatega maiʼniye. Ma mopamo alo huʼniya afinatetiʼmo muki yaʼamo afaʼa haneme haneme eno haneʼnigeʼa afotimogi ageteʼa falitageno hemeniʼeʼmo magoke agufa yakeʼmo haneʼniye, huʼa hugae.