Hatu maeno apate'niya gemae 31:18 - The Keyagana NT and 25 OT books

¹⁸ Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Hatu maeno apate'niya gemae 31:18 ပူးပေါင်းရင်းမြစ်များ

Hatu maeno apate'niya gemae 24:12

Inagi Ala kava neʼmoʼa Mosesefeʼmo ha painoʼaeʼmo, Nagaetegamo eka haikeka he tika maiʼnegeʼna lole latapa yafatalateʼmo keʼaepa geʼnimo akame hiyo, huʼna huʼnova geʼnimo avoʼmo kaeʼna maleʼnovanageʼna ani yafatalaʼmo aliʼna kamisugeka Isaleli vayaʼmo alika apaya malegane, huno ha paiʼniye.

Hatu maeno apate'niya gemae 24:18

Moseseʼa hiyapiʼmo uno haino avefiʼmo fotiʼa felugaʼe haniʼilagaʼeʼmo maiʼniye.

Hatu maeno apate'niya gemae 8:19

Apaune vayaʼmogimo Felofeʼmo ha paiʼapaeʼmo, Ani kavaʼmo Goti aya akoyaletiʼmo himamu kavaʼmo afole aiʼniye, huʼa ha paiʼnayaʼmonanafa Feloʼa Ala kava neʼmoʼa hana paiʼniya kavaʼmo huno aipa agesamo aino akani maleʼnigeno magoʼe huno geʼanimo oʼafiʼniye.

Matiyu 12:28

Nagaemo Goti Aunemeʼaletiʼmo hosu apaune vayaʼmo aliʼna hapa faiʼna neʼapatalesuvana Gotiʼa yagaino neʼapateya kavaʼmo lapakaeteʼmo ago eno afole aiʼniye.

Luki 11:20

Nagaemo Gotiʼa ati yagaina ayatetiʼmo hosu apaune vayaʼmo aliʼna hapafaiʼna neʼapatalesuvana Gotiʼa yagaino neʼapateya kavaʼmo ago eno lapaopaleʼmo afole aiʼniye.

2 Kolitiyani 3:3

Kalaisiʼa aliʼyatiletiʼmo afole yateʼmo avoʼmo kae maleʼniye. Agaemo avoʼmo nekaya anitetiʼmo avoʼmo okaeʼnifa afaʼa neʼmaiya Goti Aunemeʼaletiʼmo avoʼmo kae maleʼniye. Latapa yafateʼmo avoʼmo okaeʼnifa malu male nehiya lapaipafiʼmo avoʼmo kae maleʼniye.

Himulu 9:4

Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.