Hatu maeno apate'niya gemae 3:8 - The Keyagana NT and 25 OT books

⁸ Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Hatu maeno apate'niya gemae 3:8 ပူးပေါင်းရင်းမြစ်များ

Aepa Gemae 11:5

Huʼnayaʼmonanafa Ala kava neʼmoʼa kiʼnaya taonimo agege yatala noʼmo agege hisiyafeʼmo emineʼniye.

Aepa Gemae 11:7

Uta lamigetao, lagaemo uta lamita alita fako huta alu apake alu apakemo apamisunageʼa mago vayaʼmogi hisaya gemo mago vayaʼmogi oʼafigae, huno huʼniye.

Aepa Gemae 15:13

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.

Aepa Gemae 15:14

Henagaʼamo nagaemo aliʼyaʼapimo alisayafeʼmo aliʼa apaiyafiʼmo apateʼnaya vayaʼmo agoti huʼna apatetesugeʼapaeʼmo apataleʼa kagemi yaʼapimo aliniʼa ugae.

Aepa Gemae 43:11

Afoʼapimoʼmo Isaleliʼa hapa painoʼaeʼmo, Mago alu kaʼmo ohaneʼnisiyaʼmoʼmo ani kavaʼmo hiyo. Lapakaemo mani kotetiʼmo hogote neʼyaʼmo fikumo amisayafeʼmo kutapifiʼmo aita alinitapa visaya neʼyaʼmo yosa anufati malasinigi lume anugi alagepa atumo neʼaiya uveligi alu alagepa yosa alaga alu alagepa yosa alagagi hutapa alinitutapa amiyo.

Aepa Gemae 46:4

Nagaemo kagaeʼeʼmo Isipi kotegamo magokepi lokaeʼna uteʼnaeʼmo kagiyokamogi uʼa aliʼa apatesageʼa uʼa aliʼa apatesaya vayaʼmo halate apavaleliʼna egauve. Falisana afinaʼmo Yosefeʼa kaulagamo alino fali kaeno kategaiye, huno ha paiʼniye.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Samu 91:15

Nagaefeʼmo keya aeno ge hisigeʼnaeʼmo afiguve. Hanageke yaʼmo neʼalisigeʼnaeʼmo agaeʼeʼmo magokepi lokaeʼna maiguve. Agufamo aliʼna katiʼna ateteʼna ala agiʼamo amiguve.

Hatu maeno apate'niya gemae 12:41

Ani fo hataleti tetiʼa kafugamo Isipi koteʼmo alagi maiʼa hano huteʼa Ala kava neʼmo vayaʼamo Isipi kotetiʼmo ataleʼa uʼnae. Isaleli vayaʼmo hogoteʼa Isipi kotegamo eʼa avaʼyi huʼnaya agufa afinakeʼmo Isipi kotetiʼmo ataleʼa uʼnae.

Hatu maeno apate'niya gemae 12:51

Ani Pasova kavaʼmo huʼnaya afinaʼmo Ala kava neʼmoʼa muki Isaleli nofi vayaʼmo Isipi kotegatiʼmo apavalelino eʼniye. Afamo anagaʼapiʼe anagaʼapiʼeʼmo aliʼa apaote apaote huʼa eʼnagenoʼaeʼmo apavalelino eʼniye.

Hatu maeno apate'niya gemae 13:5

Ala kava neʼmoʼa, lama gemo huve, huno, nagaemo lapakinago vayaʼaifeʼmo, Kenani vayaʼmogi mopagi Hiti vayaʼmogi mopagi Amo vayaʼmogi mopagi Hivi vayaʼmogi mopagi Yemu vayaʼmogi mopagi huʼna aliʼna lapamiguve, huno hapa paiʼniya Kenani kotega mopamo kanale lanitani mopafatiʼmo alagepa neʼyaʼmo afole aisiya mopaleʼmo utapa maisaya afinaʼmo muki kafugaʼae kafugaʼaeʼmo hemenimo mani agufa kaileʼmo aeno apafu noleya peleti mayamo nesayafeʼmo hopa afina kavaʼmo aepa faitapa hugae.

Hatu maeno apate'niya gemae 3:17

Nagaemo Isipi kotega neʼaliya hanageke yapatiʼmo apavaleliʼna Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnaya kotegamo kanale lanitani mopafatiʼmo alagepa neʼyaʼmo afole neʼaiya mopaleʼmo lapavaleliʼna uʼna lapategauve, huʼna kaha nepauva gemo huka hapa paiyo.

Hatu maeno apate'niya gemae 34:11

Hemenimo akame hiyo, huʼna hisuva gemo alagi akame hiyo. Afiyo, huʼna, Emo nofi vayanagi Kenani nofi vayanagi Hiti nofi vayanagi Pelesi nofi vayanagi Hivi nofi vayanagi Yemusi nofi vayanagi huʼna lapakaemo neʼvisageʼnaeʼmo aliʼna hapa faiʼna apatalegauve.

Hatu maeno apate'niya gemae 5:23

Nagaemo uʼna kagikalefeʼmo aepa faiʼna kini vekaeʼmo ha paiʼnova afinatetiʼmo kini vekamoʼmo vayakalegamo hosu kavaʼmo huʼniye. Kagaemo vayakamo aiseʼamo hapa maeka hatu maeka oʼapateʼnane, huno nunumuʼmo huʼniye.

Aiyeya 64:1

O Ala kava nene, huta, lagaemo lahauʼniyanagi kagaemo kokuʼnaʼmo alika halo aiteka eka emikegeʼapao kaulagaleʼmo avemogimo atete hisayafeʼmae.

Napa 13:18

Lapakaemo haiya agufa koʼmo haneʼnigeʼa na magi vayaʼmo maiʼnafi, hutapa ageta alagepa hutetapa lokiya nofi vayaʼmo maiʼnafi oʼmaiʼnafi, hutapa kahauya hutapa apakeyo.

Napa 13:19

Ani koteʼmo alagepa mopamo haneʼnifi ohaneʼnifi, hutapa agetetapa taonifiʼmo maiʼnaya vayaʼmo afa taonifiʼmo maiʼnafi lokiya kegiʼyamo haneʼniya taonifiʼmo maiʼnafi, hutapa ageyo.

Napa 13:27

Apakaemo Mosesefeʼmo ina ge huʼa ha paiʼnae. Kagaemo utapa ageyo, huteka ani alika lateʼnana kotegamo ago uta ageʼnone. Kanale mopamo asole mopamo haneʼniye. Ago, huʼa, lagaemo ani kotetiʼmo mago neʼyaʼmo alinita eʼnone.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Yasuva 5:6

Isaleli vayaʼmo hau huʼniya kaʼme koteʼmo fotiʼa kafugamo umenitata hume hume neʼvageʼapaeʼmo muki kame nehaya ve anagaʼmo Isipi kotegatiʼmo eʼnaya vayaʼmo ago faliʼnae. Ala kava neʼmoʼa agoʼyamo ataleno laginago vayaʼaifeʼmo hunoʼaeʼmo, Nagaemo kanale lanitani mopafatiʼmo alagepa neʼyaʼmo afole neʼaiya mopamo mafaʼne anagatapimo apamiguve, huno hapa paiʼniyaʼmonanafa Ala kava neʼmoʼa hiyo, huno hapa paiʼniya kavaʼmo akame huʼa osuʼnayaʼmofeʼmae. Ala kava neʼmoʼa agoʼyamo ataleno hunoʼaeʼmo, Ani mopaleʼmo lapavaleliʼna oʼuguve, huno hapa paiʼniye.

Yasuva 9:1

Muki kini vayaʼmo Yoneni aniʼmo magayaga yegemo uno lamino nefaleya haopalega maiʼnaya kini vayaʼmogimo Isaleli vayaʼmogi huʼnaya kavafeʼmo apava gemo afiʼnae. Ani kini vayaʼmo Hiti kini vayanagi Emo kini vayanagi Kenani kini vayanagi Pelesi kini vayanagi Haivi kini vayanagi Yemusi kini vayanagi huʼa alopa Metaleniyani solovala aniʼmo haopaletiʼmo uno Lemanoni mopamo hakuteʼmo utegeʼa maiʼnae. Ave kotega maige otu kotemo maige alopa solovala ani haigifiʼmo maige huʼnaya kini vayaʼmogiʼeʼmo apava gemo afiʼnae.

Yasuva 9:7

Hapa paiʼnayaʼmonanafa Isaleli vayaʼmogi Haivi nofi vayaʼaifeʼmo hapa paiʼapaeʼmo, Na agufa kavaʼmo hinagetaeʼmo lapakaeʼeʼmo kotalakemo hu malegaune. Lapakaemo afagi kotega vayaʼmo maiʼnafi lahaopale vayaʼmo maiʼnae, huʼa huʼnae.