Hatu maeno apate'niya gemae 3:7 - The Keyagana NT and 25 OT books

⁷ Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Hatu maeno apate'niya gemae 3:7 ပူးပေါင်းရင်းမြစ်များ

Aepa Gemae 16:11

Afiyo, huno, kaipaguʼeʼmo maiʼnananageka ve mafaʼnemo alika ategananagi agiʼamo Isameliʼae huka ato. Ala kava neʼmoʼa kana aliʼnana kavaʼmo ageʼniyaʼmofeʼmo Isameliʼae huka ato. Isameliʼae agimo aepaʼamo haneʼniyana Gotiʼa neʼage.

Aepa Gemae 21:17

Inagi Gotiʼa mafaʼne kanomoʼmo aviʼyaʼmo nehigeno afiʼniye. Goti enisole vekaʼamoʼmo kokuʼnapatiʼmo Hegafeʼmo keya aeno ge hunoʼaeʼmo, Na kava higekaeʼmo nehane. Koli osuvo. Gotiʼa mafaʼnekamo maiʼniyategatiʼmo avi neʼateya gemo ago afiʼniye.

Aepa Gemae 31:12

Alika maku huka ago. Nagaemo Lepaniʼa kagaetegamo nehiya kavaʼmo ageʼnovaʼmofeʼmo muki ve sipisipimogimo lopale tapale ve sipisipimogiʼe kalono yaʼapimo haneʼnisiya ve sipisipimogiʼeʼmo moko aligae.

Aepa Gemae 31:42

Naginago vekamo Emalehamu Gotiʼamoʼe afoʼnimo Aisaki Gotiʼamoʼeʼmo nagaeʼeʼmo magokepi lokaeno oʼmaiʼniyesinana ago alika natalesanageʼna nagufaʼageʼmo uʼnovesine. Gotiʼa nagaemo naipa kana huʼniya kavaʼnimo ago nagege lokiya aliʼyaʼmo aliʼnova kavaʼmo agege hutenoʼaeʼmo ega haniʼilagamo kagaefeʼmo lokiya ge huno ge kahauʼniye, huno ha paiʼniye.

Samu 106:44

Ani kavaʼmo huʼa maiʼnayaʼmonanafa agaefeʼmo keya aeʼa ge huʼnageno hau huno apateʼniye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 142:3

Nagaemo naipamoʼmo magoʼe huno kana huʼniya afinaʼmo neʼuva kaʼmo ago ageʼnane. Kame vayaʼnimogi nagae kateʼmo mago umenimoʼmo natafausiyafeʼmo ago fala ki maleʼnae.

Samu 145:19

Agaefeʼmo koli huʼneʼa mono nehaya vayaʼaiteʼmo hapauʼnisiya kavaʼmo afaʼa hugiye. Keya aeʼa ge nehagenoʼaeʼmo apakufamo alino katino neʼapate.

Samu 22:24

Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.

Samu 34:4

Koli huʼna maiʼneʼnaeʼmo naha maesiyafeʼmo kahauya huʼna nunumuʼmo huʼnogeno afitenoʼaeʼmo naha maeʼnigeʼna koli osuʼna afaʼa maiʼnove.

Samu 34:6

Nagaemo lokiya vekamo oʼmaiʼnovaʼmofeʼmo agaefekeʼmo keya aeʼna ge huʼnogeno Ala kava neʼmoʼa afiʼniye. Afitenoʼaeʼmo muki hanageke yapatiʼmo nagufamo alino katino nateʼniye.

Samu 9:14

Alika katika nategeʼnao namogaga aiteʼna Yulusalemu vayaʼaifeʼmo naha maeʼnana kavafeʼmo ava gemo aeʼna hakalo huʼna hapa paiguve.

Hatu maeno apate'niya gemae 1:11

Ani gemo huno hapa paiʼniyaʼmofeʼmo Isaleli vayaʼmogimo apaiyafiʼmo maisayafeʼmo mago yagaiʼa apatesaya vayaʼmo lekana paiʼa apateʼnageʼa lokiya vaiʼa yagaiʼa apateʼnageʼa lusi hapaise vose aliʼyaʼmo aliʼnae. Ani agufa lokiya kana aliʼyaʼmo aliteʼa lole taonilaʼmo Pitomi taoniʼe Lamasesi taoniʼeʼmo kiʼnae. Ani lole taonilapiʼmo kini vekamo neʼyaʼagi alu ya alu yaʼagi huʼa maleʼnae.

Hatu maeno apate'niya gemae 1:8

Magoʼe kafugamo utegeno henagaʼamo mago saufa kini vekamo afole aiteno Isipi koteʼmo yagaino apateʼniya vekamoʼmo Yosefeʼmo oʼageʼniye. Yosefeʼmo ago faliʼniyaʼmofeʼmae.

Hatu maeno apate'niya gemae 33:13

Fikumo naha maeka neʼnamina kavaʼmo ageʼnisuvana kagesamo neʼafina kavakaʼe nekahaiya kavakaʼeʼmo hemenimo alika nave lisanageʼna kaulagaleʼmo fikumo naha maeka neʼnamina kavakamo afaʼa agegauve. Ani nofi vayaʼaifeʼmo vayaʼnimo maiʼnae, huteka kagesa afifi huka maiyo.

Hatu maeno apate'niya gemae 5:10

Inagi Felo aliʼyaʼaleʼmo yagaiʼnaya vayaʼe Isaleli vayapatiʼmo vayaʼaleʼmo yagaiʼa apateʼnaya vayaʼeʼmo uʼa Isaleli vayaʼaifeʼmo, Feloʼa, kahaumo magoʼe hutapa alinitetapa oʼapamiyo, huno huʼniye, huʼa hapa paiʼnae.

Hatu maeno apate'niya gemae 5:6

Inagi ani afinaʼmo Feloʼa aliʼyaʼamo neʼaliya Isipi vayaʼe Isaleli vayapatiʼmo yagaiʼa neʼapataya vayaʼefeʼmo hapa painoʼaeʼmo,

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Napa 20:16

Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.

Apa 7:34

Apakeʼnovana Isipi vayaʼmogimo vayaʼnilegamo asole hosu kavaʼmo nehageʼna apakeʼnove. Kage kage nehageʼna afiteʼna apakufamo aliʼna katiʼna apatesuvafeʼmo emiʼneʼnove. Eka afiyo, huno, Isipi kotegamo aliʼna katesugeka ugane, huno ha paiʼniye.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.

1 Samiyo 9:16

Egamo mani agufa kanaleʼmo nagaemo mago vekamo Menisameni nofi vayapatiʼmo aliʼna atesugeno kagaetegamo egaiye. Kagaemo Isaleli vayaʼnileʼmo yagaino apatesiyafeʼmo uvelimo lakika atesanageno agaemo vayaʼnimo Filisatini vayaʼai apayapatiʼmo apakufamo alino katino apategaiye. Vayaʼnimogimo nagaefeʼmo keya aeʼa ge huʼnayaʼmofeʼmo hapa maesuvafeʼmo apakeʼnove, huno ha paiʼniye.