Hatu maeno apate'niya gemae 3:16 - The Keyagana NT and 25 OT books

¹⁶ Uka Isaleli vayatama vayaʼmo apavaleka alika anupa huka apateʼnekaeʼmo, Lapakinago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogimo huno Gotiʼapimoʼmo nagaeteʼmo afole aiteno naha painoʼaeʼmo, Nagaemo lapa maesuvafeʼmo emiʼneʼna Isipi vayaʼmogimo lapakaetegamo nehaya hosu kavaʼmo ageʼnove.

Hatu maeno apate'niya gemae 3:16 ပူးပေါင်းရင်းမြစ်များ

Aepa Gemae 1:7

Ina kava huno folagapi yaʼmo alo huteno anaga aniʼe afelaga aniʼeʼmo alino fako huno maleʼniye.

Aepa Gemae 21:1

Ala kava neʼmoʼa Selaʼmo ve mafaʼnemo alino ategaiye, huno polomasi gemo huno ha paiʼniya geleʼmo akame huno emineno ha maeʼniye.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 48:15

Yekopuʼa Yosefefeʼmo alino auleno atetenoʼaeʼmo ani ge huʼniye. Lotoʼnimo Emalehamuʼe afoʼnimo Aisakiʼeʼmo Goti aulagaleʼmo maiʼnaʼae. Ani Gotiʼa muki afinaʼmo maime maime eʼnova afinaʼmo neʼyaʼmo namilineno hemeniʼeʼmo neʼnamiye.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Hatu maeno apate'niya gemae 1:8

Magoʼe kafugamo utegeno henagaʼamo mago saufa kini vekamo afole aiteno Isipi koteʼmo yagaino apateʼniya vekamoʼmo Yosefeʼmo oʼageʼniye. Yosefeʼmo ago faliʼniyaʼmofeʼmae.

Hatu maeno apate'niya gemae 13:19

Akeyaʼvilagamo Yosefeʼa Isaleli vayaʼaifeʼmo ina ge huno hapa paiʼniye. Gotiʼa emineno lapa maesigetapa Isipi kotetiʼmo ataletapa visaya afinaʼmo nayamufaʼnimo alinitapa ugae. Lapakaemo lapagoʼyamo ataletetapa he, ani kavaʼmo afaʼa hugune, hutapa naha paiyo, huno hapa paiʼniyaʼmofeʼmo ayamufaʼamo aliʼniʼa uʼnae.

Hatu maeno apate'niya gemae 15:14

Muki nofi vayaʼmogimo ani kavafeʼmo kava gemo afiteʼapaeʼmo atete huʼa kolikamo hugae. Filisatini vayaʼmogimo yulagefaʼmo aigae.

Hatu maeno apate'niya gemae 17:5

Ala kava neʼmoʼa Mosesefeʼmo ha painoʼaeʼmo, Kagaemo Isaleli vayapatiʼmo mago vayatama vayaʼmo apavalelika uka hogoto. Hayopa kayokaletiʼmo alopa aniʼmo Isipi kotegamo uno nelamiya aniteʼmo amagiʼnana hayopa kayokamo alinika ugane

Hatu maeno apate'niya gemae 18:12

Inagi Yetaloʼa mago ofalinimo alinineno atafiʼmo kaeno Gotiʼmo ofalinimo amiʼniye. Magoʼe huno alu ofalinimo Gotiʼmo amige huʼnigeʼa Eloniʼe muki Isaleli vayatama vayaʼeʼmo eʼa Goti aulagaleʼmo Mosese ayemoʼamoʼeʼmo neʼyaʼmo neʼnae.

Hatu maeno apate'niya gemae 2:25

Afiʼniyaʼmofeʼmo Isaleli vayaʼmo apaketenoʼaeʼmo apakaefeʼmo hunoʼaeʼmo, Vayaʼnimogi maiʼnae, huno huʼniye.

Hatu maeno apate'niya gemae 24:11

Apakaemo Gotiʼmo ageʼnayaʼmonanafa apakaefeʼmo ayaʼmo oʼataleʼniyaʼmofeʼmo afaʼa maiʼnae. Inagi Gotiʼa ageteʼapaeʼmo neʼyaʼmo nege aniʼmo nege huʼnae.

Hatu maeno apate'niya gemae 3:2

Ala kava neʼmo enisole vekaʼamo mago aise yosafiʼmo atamo nelegeno ani ata vaipiʼmo afole aiʼnigeno Moseseʼa ageʼniye. Ageʼniyana atamo ani yosafiʼmo leʼniyaʼmonanafa ani yosamo leno saga oliʼniye.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 4:1

Moseseʼa geʼaleʼmo aeno atagaina huno ha paiʼniye. Isaleli vayaʼmogimo hisuva geeʼmo, alagi lama gemo nehane, huʼa osuʼa geʼnimo oʼafisageʼnaeʼmo na agufa kavaʼmo hisuve. Apakaemo huʼapaeʼmo, kagaetegamo Ala kava neʼmo afole oʼaiʼniye, huʼa hisageʼnaeʼmo nagaemo na agufa gemo huʼna hapa paiguve, huno afi geʼnigenoʼaeʼmo

Hatu maeno apate'niya gemae 4:29

Inagi Moseseʼe Eloniʼeʼmo uʼana Isaleli vayaʼai vayatama vayaʼmo aliʼana anupa huʼana apateʼnaʼae.

Hatu maeno apate'niya gemae 4:31

Huʼnigeʼa apakesamo afiʼa fatago huʼnae. Ala kava neʼmoʼa vayaʼamo kana yaʼmo aliʼnageno agetenoʼaeʼmo hapa maesiyafeʼmo emineʼniya kavafeʼmo ava gemo afiteʼapaeʼmo ape huʼa maiʼneʼa mono huʼnae.

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Matiyu 26:3

Inagi mono huʼa neʼapataya vayaʼaiteʼmo yagaiʼa neʼapataya vayaʼe Yu vayatama vayaʼmogiʼeʼmo hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi alopa noʼafiʼmo aliʼa anupa huʼa maiʼnae.

Luki 1:68

Ala kava neʼmo Isaleli vayaʼai Gotiʼapimoʼmo emineno laha maeno hatu maeno lateʼniyaʼmofeʼmo alita auleta ateyo.

Luki 19:44

Apakaemo Yulusalemu taonifiʼmo maiʼnaya vayaʼmogitapaʼe mafaʼne anagatapiʼeʼmo alagi lahapaege eʼa muki nokomo heʼa halagape vaige hugae. Eʼa mago yafateʼmo akalo huʼa maleʼnaya yafaʼmo aliʼa mopafiʼmo yaga auʼa atalesageno magoke yafaʼmo agotofuleʼmo akalo huno ohanegaiye. Gotiʼa lapa maesiyafeʼmo lahapaopaleʼmo emineʼniyana ageta aeto osuʼnayaʼmofeʼmo ani hosu kavaʼmo afole aigiye, huno hapa paiʼniye.

Apa 11:30

Ani kavaʼmo huteʼa Manamasiʼe Soloʼeʼmo monimo anamiʼnaʼageʼana alini uʼana Yulusalemu taonifi Goti mafaʼneʼaiteʼmo yagaiʼa neʼapataya vayatama vayaʼmo apamiʼnaʼae.

Apa 15:14

Saimoniʼa ago laha painoʼaeʼmo, Gotiʼa hogoteno alu nofi vayapatiʼmo mago vayaʼmo agaiʼa vayaʼamo maiʼneʼa agiʼaleʼmo aliʼa asaga huʼa atesayafeʼmo apavaleʼniye.

Apa 20:17

Poloʼa Mailitasi taonifatiʼmo mago gemo huno atalegeno Efasasi taonifiʼmo uʼniye. Agaemo Efasasi siosi vayaʼaiteʼmo yagaiʼa neʼapataya vayatama vayaʼaifeʼmo, nagaetegamo eyo, huno ge huʼniye.

1 Pita 2:12

Lapakaemo ma mopafi vayaʼaitegamo alagepa kavaʼmo hiyo. Apakaemo lapakaefeʼmo huʼapaeʼmo, hosu kavaʼmo nehae, huteʼa huʼa faipa huʼa lapatesaya vayaʼmogimo alagepa kavatapimo agesagenoʼaeʼmo Gotiʼa apakaeteʼmo emineno yagaino apatesiya afinaʼmo agiʼaleʼmo aliʼa asaga hugae.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

Luti 1:6

Neyomiʼa Movapu kotega maiʼnenoʼaeʼmo afiʼniyana Gotiʼa vayaʼamo alagepa huno hapa maeʼnigeno neʼyaʼmo alagepa huno afole aiʼniye, huʼa huʼnaya gemo afiʼniye. Agaeʼe anofeloʼalaʼmoganiʼeʼmo visayafeʼmo alo huʼnae.