Hatu maeno apate'niya gemae 3:15 - The Keyagana NT and 25 OT books

¹⁵ Ha paiteno Gotiʼa magoʼe gemo ha painoʼaeʼmo, Ala kava neʼmo laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo alino nateʼnigeʼna lapakaetegamo eʼnove, huka hapa paiyo. Mani nagiʼnimo hanege hanege huno haneʼnisigeʼa henagaʼamo lapakinago vayaʼmo afole aisaya vayaʼmogimo ani nagigeʼmo aegae.

Hatu maeno apate'niya gemae 3:15 ပူးပေါင်းရင်းမြစ်များ

Aepa Gemae 24:12

Havaetagenoʼaeʼmo Gotifeʼmo hunoʼaeʼmo, Ala kava neʼmo ala vekaʼnimo Emalehamu Gotiʼamogae, huno, Kahao ke hove, kagaemo ala vekaʼnimo Emalehamutegamo alagepa kavaʼmo hisanafeʼmo mani afinaʼmo aliʼyaʼnimo alagepa huka alika afole aika ato.

Samu 135:13

O Ala kava nene, huʼna, Kagikamo muki afinaʼmo hanege hanege huno hano osuno afaʼa hanegaiye. Muki henagaʼa afole aisaya vayaʼmogimo ala kagikamo kamigae.

Samu 30:4

Lapaote vayaʼmogitapae, huʼna, Ala kava nefeʼmo yokemo hutapa agiʼaleʼmo alitapa asaga hiyo. Lapakaemo aote agiʼalefeʼmo lapakesamo afiʼnetapaeʼmo lapaoke heyo.

Samu 30:5

Agaemo aise aise afinaʼmo aipamo neleyaʼmonanafa fikumo hapa maeno neʼapamiya vayaʼmogi maige maige huʼa maigae. Lagaemo haniʼilagamo aviʼyaʼmo hugunaʼmonanafa neteʼmo lamogaga aigune.

Samu 68:5

Gotiʼa agaiʼa aote mono nopiʼmo maiʼnenoʼaeʼmo megusa mafaʼnemo Gotiʼapimo maige kogu aʼneʼaiteʼmo yagaino apatege huno maiʼniye.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Hatu maeno apate'niya gemae 15:2

Himamuʼnimo Ala kava neʼmae. Agaefekeʼmo yokemo huguve. Agaemo nagufamo alino katino nateʼniye. Agaemo Gotiʼnimoʼmo maiʼniyanageʼna ala agimo amiguve. Agaemo afoʼnimogi Gotiʼapimoʼmo maiʼniyanageʼna agiʼaleʼmo aliʼna asaga huguve.

Hatu maeno apate'niya gemae 15:3

Ala kava neʼmo kame nehiya vekamo maiʼniye. Agaemo agiʼamo Ala kava nene.

Hatu maeno apate'niya gemae 3:13

Moseseʼa Gotifeʼmo ha painoʼaeʼmo, Nagaemo Isaleli vayaʼmo maiʼnaya kotegamo uʼna avaʼyi huteʼnaeʼmo, laginago vayaʼmogi Gotiʼapimoʼmo lapakaetegamo alino nateʼnigeʼna eʼnove, huʼna hapa paisugeʼapaeʼmo, agiʼamo ina laʼae, huʼa ge huʼa nafi gesageʼnaeʼmo na agufa gemo huʼna hapa paiguve, huno afi geʼnigenoʼaeʼmo

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 4:1

Moseseʼa geʼaleʼmo aeno atagaina huno ha paiʼniye. Isaleli vayaʼmogimo hisuva geeʼmo, alagi lama gemo nehane, huʼa osuʼa geʼnimo oʼafisageʼnaeʼmo na agufa kavaʼmo hisuve. Apakaemo huʼapaeʼmo, kagaetegamo Ala kava neʼmo afole oʼaiʼniye, huʼa hisageʼnaeʼmo nagaemo na agufa gemo huʼna hapa paiguve, huno afi geʼnigenoʼaeʼmo

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Hatu maeno apate'niya gemae 6:2

Gotiʼa Mosesefeʼmo magoʼe gemo huno ha painoʼaeʼmo, Nagaemo nagaiʼnigeʼmo Ala kava neʼmo maiʼnove.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.

Aiyeya 42:8

Nagaiʼnigeʼmo Ala kava neʼmae. Ani nagimo nagiʼnimae. Nagaiʼni hale konali yaʼnimo mago vekamo oʼamiguve. Vayaʼmogimo ala nagiʼnimo neʼnamiya agufa kava huʼa yosaletiʼmo alo nehaya aigofe gotigi ala apakiʼapimo apamisayafeʼmo he, huʼna osuguve.

Aiyeya 63:12

Gotiʼa Mosese lamaga ayatetiʼmo apavalelino uʼniye. Gotiʼa hanege hanege huno hano osuno hanesiya agiʼamo alisiyafeʼmo ha le konali ayatetiʼmo solovala aniʼmo folagapatiʼmo alino akaka vaeʼniye.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Neniyo 2:23

O Gotiyo, huʼna, naginago vayaʼmogi Gotiʼapimogae, huʼna, kahaoke heʼna ala kagikamo nekamuve. Kagaemo afiteʼna ageʼnova kavaʼe himamuʼniʼeʼmo namiʼnane. Lagaemo nunumuʼmo huta ge huta kafi geʼnonageka ago alika nave liʼnane. Kini vekamoʼmo, aepaʼamo naha paiyo, huno huʼnigekaeʼmo alagamuna gemo aepaʼamo ago alika lave liʼnane, huno huʼniye.

Maika 4:5

Muki vayaʼmo apaote apaote huʼa gotiʼapimogi apakiʼapilefeʼmo umenitata nehayaʼmonanafa lagaemo Ala kava neʼmo Gotitimo agiʼalefekeʼmo muki afinaʼmo umenitata huge huge huta maigune, huta nehune.

Malakai 3:6

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Yekopu nofi vayaʼmogitapae, huʼna, Nagaemo Ala kava neʼmoʼnamo kavaʼnimo ataleʼna aliʼna alu kavaʼmo afaʼa nosuvaʼmofeʼmo alagi aliʼna hano huʼna olapataleʼnovanageʼna afaʼa aliʼna hano huʼna olapatalegauve.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Apa 3:13

Haʼao, Gotiʼa Emalehamuʼagi Aisikiʼagi Yekopuʼagi huʼa laginago vayaʼmogi Gotiʼapimo aliʼyaʼamo neʼaliya vekamo Yesu agiʼaleʼmo alino asaga huno ateʼniye. Lapakaemo gamani vayaʼai apayapiʼmo avalelitetapa ateʼnageno Pailatiʼa afaʼa ategauve, huno lapa paiʼniyaʼmonanafa Pailati aulagaleʼmo lapakameʼyamo amiʼnae.

Apa 7:32

Kaginago vayaʼmo Emalehamuʼagi Aisikiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa atete hauʼnigeno magoʼe huno agesiyafeʼmo koli huʼniye

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Himulu 13:8

Yesu Kalaisiʼa alu afina alu afinaʼmo alu kavaʼmo huno noʼmaifa akeyaʼvilaga maiʼniya kavakeʼmo huno neʼmaiyanageno henagaʼamo ani agufa kavakeʼmo huno maigiye.