Hatu maeno apate'niya gemae 3:10 - The Keyagana NT and 25 OT books

¹⁰ Hemenimo nagaemo aliʼna katesugeka Isipi kini vekalegamo uka vayaʼnimo Isaleli vayaʼmo Isipi kotegatiʼmo apavalelika egane, huno ha paiʼnigeno

Hatu maeno apate'niya gemae 3:10 ပူးပေါင်းရင်းမြစ်များ

Aepa Gemae 15:13

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.

Aepa Gemae 15:14

Henagaʼamo nagaemo aliʼyaʼapimo alisayafeʼmo aliʼa apaiyafiʼmo apateʼnaya vayaʼmo agoti huʼna apatetesugeʼapaeʼmo apataleʼa kagemi yaʼapimo aliniʼa ugae.

Samu 105:26

Agaemo aliʼyaʼamo neʼaliya vekamo Moseseʼe lekana paino ateʼniya vekamo Eloniʼeʼmo alino anateʼnigeʼana kini vekalegamo uʼnaʼae.

Samu 77:20

Sipisipi anagaʼmogi neʼyagaiya vekamo akame nehaya kava huka uka hogotetanageʼa vayakamogi kakame huʼnae. Kagaemo Mosesetetiʼe Elonitetiʼmo vayakamogi alika apavalelika uʼnane.

Hatu maeno apate'niya gemae 12:40

Isaleli vayaʼmo Isipi kotegamo fo hataleti tetiʼa kafugamo kalaga hageʼa maiʼnae

Hatu maeno apate'niya gemae 12:41

Ani fo hataleti tetiʼa kafugamo Isipi koteʼmo alagi maiʼa hano huteʼa Ala kava neʼmo vayaʼamo Isipi kotetiʼmo ataleʼa uʼnae. Isaleli vayaʼmo hogoteʼa Isipi kotegamo eʼa avaʼyi huʼnaya agufa afinakeʼmo Isipi kotetiʼmo ataleʼa uʼnae.

Hatu maeno apate'niya gemae 33:12

Moseseʼa Ala kava nefeʼmo, Kagaemo nagaefeʼmo muki vayaʼmo apavalelika uvo, huka naha paiʼnanaʼmonanafa nagaeʼeʼmo lokaeno visiya vekaeʼmo naha opaiʼnane. Naha opaiʼnanaʼmonanafa nagaefeʼmo, kagaemo ago kageʼna alagepa huʼnove, huka huʼnane. Naulagaleʼmo fikumo kaha maeʼna nekamuva kavaʼmo ago ageʼnane, huka naha paiʼnane.

Hatu maeno apate'niya gemae 33:13

Fikumo naha maeka neʼnamina kavaʼmo ageʼnisuvana kagesamo neʼafina kavakaʼe nekahaiya kavakaʼeʼmo hemenimo alika nave lisanageʼna kaulagaleʼmo fikumo naha maeka neʼnamina kavakamo afaʼa agegauve. Ani nofi vayaʼaifeʼmo vayaʼnimo maiʼnae, huteka kagesa afifi huka maiyo.

Maika 6:4

Nagaemo Isipi kotegatiʼmo kalavusi aliʼyapatiʼmo hatu maeʼna lapateteʼna lapavaleliʼna eʼnove. Nagaemo Moseseʼagi Eloniʼagi Miliyamuʼagi huʼna yagaiʼa lapatesayafeʼmo lekana paiʼna apateteʼna aliʼna apateʼnogeʼa lapavaleliʼa eʼnae.

Apa 7:34

Apakeʼnovana Isipi vayaʼmogimo vayaʼnilegamo asole hosu kavaʼmo nehageʼna apakeʼnove. Kage kage nehageʼna afiteʼna apakufamo aliʼna katiʼna apatesuvafeʼmo emiʼneʼnove. Eka afiyo, huno, Isipi kotegamo aliʼna katesugeka ugane, huno ha paiʼniye.

Apa 7:36

Agaemo noʼagaya agufa lokiya aune kavaʼmo Isipi kotegagi Haesa anitenagi kaʼme kotegagi huno fotiʼa kafugamo hutenoʼaeʼmo Yu vayaʼmo Isipi kotegatiʼmo apavalelino uʼniye.

Apa 7:6

Gotiʼa ha painoʼaeʼmo, Kaginago vayaʼmogimo ani mopamo atale uʼa alu nofi vayaʼai mopaleʼmo kalaga hageʼa maigae. Maiʼnisageʼapaeʼmo ani alu nofi vayaʼmogimo apavaleʼa kalavusi aliʼyateʼmo apateteʼa lusi kana yaʼmo apamisageʼa fo hataletiʼa kafugamo kalavusi aliʼyaʼmo aliʼa maigae.

Apa 7:7

Henagaʼamo nagaemo kalavusi huʼa apateʼneʼa apakaeteʼmo yagaiʼa neʼapataya vayaʼai kavaʼapimo aliʼna fako huʼna apateteʼna agoti huʼna apatesugeʼapaeʼmo kaginago vayaʼmo ani kotetiʼmo ataleʼeʼa mani koteʼmo maiʼneʼa nagaetefeʼmo mono hugae.

1 Samiyo 12:6

Inagi Samiyoʼmo muki vayaʼaifeʼmo hunoʼaeʼmo, Ala kava neʼmoʼa Moseseʼe Eloniʼeʼmo alino he tino anateteno lapakinago vayaʼmo Isipi kotegatiʼmo apavalelino eʼniye.

1 Samiyo 12:8

Laginago vekamo Yekopuʼe afamo anaga vayaʼaʼeʼmo uʼa Isipi kotegamo maiʼnageʼapaeʼmo henagaʼamo Isipi vayaʼmogi nofi vayaʼapimogimo lapakinago vayaʼaitegamo hosu kavaʼmo huʼnae. Huʼnageʼapaeʼmo apakaemo Ala kava neʼmoʼa hapa maesiyafeʼmo keya aeʼa ge huʼnagenoʼaeʼmo agaemo Moseseʼe Eloniʼeʼmo alino anateʼnigeʼana lapakinago vayaʼmo Isipi kotegatiʼmo apavaleliʼana eʼana mani koteʼmo apateʼnaʼae.