Hatu maeno apate'niya gemae 24:6 - The Keyagana NT and 25 OT books

⁶ Moseseʼa ani ofalinimo huʼnaya afumo kolaʼmo alino mago yuvapafiʼmo lakino maleteno magoʼamo alino ofalini nehaya hiʼyalamuteʼmo aino fuli fuli huʼniye.

Hatu maeno apate'niya gemae 24:6 ပူးပေါင်းရင်းမြစ်များ

Samu 99:6

Mono huʼa neʼapataya vayapatiʼmo Moseseʼe Eloniʼeʼmo maiʼnaʼae. Samiyoʼeʼmo ani vayapatiʼmo Goti agiʼalefeʼmo nunumuʼmo huʼa keya aeʼa ge huʼnaya vayapatiʼmo maiʼniye. Apakaemo Ala kava nefeʼmo nunumuʼmo huʼnagenoʼaeʼmo afiteno geʼapileʼmo aeno atagaina huʼniye.

Hatu maeno apate'niya gemae 12:22

Lapakaemo kolaʼamo mago yuvapafiʼmo lakitapa maleʼnetapa mago aise yosamo hisopu akopamo alitapa yuvapafiʼmo laki malesaya kolapiʼmo aetetapa kipateʼmo aluga aluga yosalateʼe anaga yofo yosaleʼeʼmo ani kolatetiʼmo falegae. Muki vayaʼamo kumatega emi omeʼa noʼapifiʼmo maiʼnisageno kotino.

Hatu maeno apate'niya gemae 12:7

Hatagautetapa kolaʼamo lakitapa maleʼnetapa nesaya noʼmo kipate atulu yosalatenagi yofo yosalatenagi hutapa faleyo.

Hatu maeno apate'niya gemae 24:8

Inagi Moseseʼa yuvapafi kolaʼmo alino vayaʼmogi apakufaleʼmo aino fuli fuli huno apatetenoʼaeʼmo, Afiyo, huno, mani kolaʼmo Ala kava neʼmoʼa lapakaeʼeʼmo kotalakemo hu maleʼniya gemo alino afole aino atesiya kotalake kavaʼmo haneʼniye, huno hapa paiʼniye.

1 Kolitiyani 11:25

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, Mani kapufi haneʼniya aniʼmo kolaʼniye. Kolaʼniletiʼmo saufa kotalakemo hu malesuva kolaʼnimo haneʼniye. Muki afinaʼmo mani aniʼmo neʼnetapaeʼmo nagaefeʼmo lapakesamo afitapa ho hiyo, huno hapa paiʼniye.

Kolosi 1:20

Hauʼniyanageno kokuʼnapi vayaʼe ma mopafi vayaʼeʼmo agaetetiʼmo alino nanu aeno apatesigeʼa magokepi lokaeʼa maisayafeʼmo hauʼniye. Gotiʼa hauʼnigenoʼaeʼmo Mafaʼneʼamoʼmo malipu yosaleʼmo aino lakiʼniya kolaʼaletiʼmo alino nanu aeno lateʼniye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Himulu 8:9

Apakinago vayaʼmo Isipi kotegatiʼmo apayate aliʼna apavaleliʼna eʼnova afinaʼmo hu maleʼnova agufa kotalakemo osuguve. Apakaeʼeʼmo hu maleʼnova kotalakemo akame osuʼa amagiʼa ataleʼnageʼnaeʼmo yagaiʼna oʼapateʼna afaʼa apataleʼnove.

Himulu 9:18

Ani kavaʼmo huno Gotiʼa atafa kotalakemo afaʼa fikumo osuʼnifa kotalakemo afole aisiyafekeʼmo kolatetiʼmo ani kavaʼmo huʼniye.

Himulu 9:19

Ani kavatefeʼmo Moseseʼa muki keʼaepa geʼamo muki vayaʼaifeʼmo hapa paiteno aikeli pulumakaʼe memeʼeʼmo amagiteno kolaʼamo anipiʼmo laki maleʼneno sipisipimo haesa ayokaʼmo yosa akopamo agiʼamo hisopu akopaleʼmo maleno ki maleʼneno kolapiʼmo aeteno keʼaepa gemo haneʼniya mukuleʼe muki vayaʼai apakufaleʼeʼmo aino fuli fuli huʼniye.

Himulu 9:21

Ani kava huno mono nehaya yateʼe seli mono noteʼeʼmo aino fuli fuli huʼniye.

1 Pita 1:19

alopa monileʼyaʼmo aeno agaseʼniya kolaʼaletiʼmo miya faino hatu maeno lapateʼniye. Kalaisiʼa alagepa sipisipimo mago hosu yaʼmo ohauʼniya sipisipigana huno maiʼneno faliʼniye.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.