Hatu maeno apate'niya gemae 24:4 - The Keyagana NT and 25 OT books

⁴ Inagi Moseseʼa Ala kava neʼmoʼa muki huʼniya geʼamo mago mukufiʼmo avoʼmo kae maleʼniye. Kotilamiyapiʼmo he tino avemo aiyafiʼmo ofalinimo hisaya hiʼyalamuʼmo huteno tuolofuʼa yafaʼmo alino faino ateʼniya yafaʼmoʼa tuolofuʼa Isaleli nofi vayaʼaitefeʼmo aune kavaʼmo huʼniye.

Hatu maeno apate'niya gemae 24:4 ပူးပေါင်းရင်းမြစ်များ

Aepa Gemae 12:7

Ala kava neʼmoʼa Emalemitegamo afole aiteno ina ge huno ha paiʼniye. Nagaemo mani mopamo aliʼna kaginago vayaʼmo apamiguve, huno ha paiʼnigeno Emalemiʼa agaetegamo afole aiʼniya Ala kava netefeʼmo ofalinimo nehaya agufa yafa hiʼyalamuʼmo huʼniye.

Aepa Gemae 28:18

Yekopuʼa gotilamiyapiʼmo he tino ani afita aino havaeʼniya yafaʼmo alino aeno he tino faino ateteno aote yafaʼmo hanesiyafeʼmo uvelimo lakino ateʼniye.

Aepa Gemae 28:22

Mani faiʼna ateʼnova yafaʼmoʼa mani mopaeʼmo Goti nomae, huno hugiye. Nagaemo muki namisana yaʼafatiʼmo aliʼna fako hisugenoʼaeʼmo naya loleʼamo hisiya yapatiʼmo magoke yaʼmo kamiguve, huno ha paiʼniye.

Aepa Gemae 31:45

Yekopuʼa mago yatala yafaʼmo alino faino atetenoʼaeʼmo konagaʼamogifeʼmo hapa painoʼaeʼmo, asole yafaʼmo alinitetapa alu aigetao, huno hapa paiʼnigeʼa yafaʼmo alini eʼa alu aiʼa maleʼnae. Apakaemo uʼa ani yafa aluleʼmo maiʼneʼa neʼyaʼmo neʼnae.

1 Kini 18:31

Agaemo yafa hiʼyalamuʼmo hisiyafeʼmo tuolofuʼa yafaʼmo aliʼniye. Yekopu tuolofuʼa mafaʼne anagapatiʼmo tuolofuʼa nofi vayaʼaitefeʼmo tuolofuʼa yafaʼmo aliʼniye. Ala kava neʼmoʼa Yekopufeʼmo hunoʼaeʼmo, Kagikamo Isaleligae, huʼa aegae.

Esala 6:17

Mono noʼmo aote hanesiyafeʼmo lekana paiʼa ateteʼapaeʼmo vani hataletiʼa ve pulumakagi tu hataletiʼa ve sipisipigi fo hataletiʼa sipisipi aikeligi huʼa apavaleliʼuʼa mukiʼamo Gotitefeʼmo ofalinimo huʼnae. Apakaemo hosu kavaʼapilefeʼmo ofalinimo huʼnae. Tuolofuʼa Isaleli nofi vayaʼmo maiʼnaya kava huʼa hosu kavaʼapilefeʼmo tuolofu ve mememo apavaleliʼeʼa tuolofu Isaleli nofi vayaʼaitefeʼmo apamagiʼa ofalinimo huʼnae.

Hatu maeno apate'niya gemae 17:14

Inagi Ala kava neʼmoʼa Mosesefeʼmo ha painoʼaeʼmo, Muki vayaʼmogiʼe henagaʼamo afole aisaya vayaʼmogiʼeʼmo apakesamo afisayafeʼmo ani gemo huka mago mukufiʼmo avoʼmo kaeteka Yasuvafeʼmo halate ha paiyo. Ani avoʼmo kaesana gemo, Ala kava neʼmoʼnamo Amaleki nofi vayaʼmo aliʼna hano huʼna apatalesugeʼa muki vayaʼmogimo apakaefeʼmo magoʼe huʼa apakesamo oʼafigae.

Hatu maeno apate'niya gemae 17:15

Inagi Moseseʼa ofalinimo hisaya yafa hiʼyalamuʼmo hutenoʼaeʼmo, Ani hiʼyalamufeʼmo Ala kava neʼnimo kalahauʼmeʼnimo maiʼniye, huno agi ateʼniye.

Hatu maeno apate'niya gemae 21:1

Ala kava neʼmoʼa magoʼe gemo huno Mosesefe ha painoʼaeʼmo, Mani keʼaepa gemo Isaleli vayaʼaifeʼmo hapa paiyo.

Hatu maeno apate'niya gemae 24:7

Inagi kotalakemo haneʼniya mukumo alino lekana paino hapa paiʼnigeʼa afiteʼapaeʼmo, Ala kava neʼmoʼa muki huʼniya gemo akame hugune, huʼa huʼnae.

Hatu maeno apate'niya gemae 34:27

Ani gemo avoʼmo kae malo. Ani geletiʼmo Isaleli vayaʼeʼmo kotalakemo hu maleʼnove, huno ha paiʼniye.

Napa 17:2

Isaleli vayaʼaifeʼmo hapa paigeʼa tuolofuʼa hayopa kayoʼapimo kagaemo kamiyo. Muki magoke magoke nofi vayapatiʼmo yagaiʼa neʼapataya vayaʼmogi hayopa kayoʼapimo aliyo. Kagaemo muki magoke magoke huʼa yagaiʼa neʼapataya vayaʼmogi apakimo magoke magoke hayopa kayoteʼmo avoʼmo kae malo.

Luki 22:30

Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Yasuva 4:20

Yasuvaʼa ani tuolofuʼa yafaʼmo Yoneni anipatiʼmo vayaʼmogi aliʼnaya yafaʼmo Giligali koteʼmo faino ateʼniye.

Yasuva 4:5

Yasuvaʼa hapa painoʼaeʼmo, Lapakaemo mono huʼa neʼapataya vayaʼmogi Ala kava neʼmo Gotitapimo kotalake kesiʼamo kofiliʼa uʼa Yoneni aniʼmo folagapiʼmo he tiʼa maiʼnaya yatetiʼmo uta lamitapa alopa yafaʼmo magoke magoke hutapa tuolofuʼa nofi vayaʼmo maiʼnaya kava hutapa tuolofuʼa yafaʼmo alita kofilitapa haita aniʼmo mugagayaga faligamo maleyo.

Leveleseni 21:14

Yafa kegiʼyamo faino ateʼniya yafaʼmo tuolofuʼa yafaʼmo haneʼnigeno ani yafateʼmo sipisipi vekamo tuolofuʼa apa vayaʼamogi apakiʼapimo avoʼmo kae maleʼniye.