Hatu maeno apate'niya gemae 24:16 - The Keyagana NT and 25 OT books

¹⁶ Ala kava neʼmo ha le konali yaʼamoʼmo emineno Sainai avefiʼmo aeno ha leʼnigeno sigisiʼa felugamo hiyaʼmoʼmo ani aveleʼmo kino ati kaeno haneʼniye. Seveniʼa felugamo Ala kava neʼmoʼa Mosesefeʼmo hiyapatiʼmo keya aeʼniye.

Hatu maeno apate'niya gemae 24:16 ပူးပေါင်းရင်းမြစ်များ

Samu 99:7

Agaemo posi yosagana huno hiyapatiʼmo hapa paiʼniye. Apakaemo keʼaepa gemo akame huge avoʼmo kae maleʼnaya gemo akame huge huʼnae.

Hatu maeno apate'niya gemae 16:10

Eloniʼa Isaleli vayaʼaifeʼmo ani gemo hapa nepaigeʼapaeʼmo aiʼa afe leʼa kaʼme kotegamo aulu heʼa ageʼnayana Ala kava neʼmo ha le konali yaʼamo hiyapiʼmo afole aiʼnigeʼa ageʼnae.

Hatu maeno apate'niya gemae 19:11

Olagaʼamo alo hiyo, huka hapa paiyo. Ema olagaʼamo nagaemo Sainai avefiʼmo eminesugeʼa muki vayaʼmogimo nagegae.

Hatu maeno apate'niya gemae 19:9

Ala kava neʼmoʼa Mosesefeʼmo ina ge huno ha paiʼniye. Afiyo, huʼna, Nagaemo alopa hiyapiʼmo maiteʼna kagaetegamo emiʼneʼna kaha paisugeʼa Isaleli vayaʼmogimo ani gemo afigayaʼmofeʼmo muki afinaʼmo hisana geeʼmo lama gemo nehane, huʼa hugae. Inagi Moseseʼa vayaʼmogimo huʼnaya gemo Ala kava nefeʼmo ha paiʼniye.

Hatu maeno apate'niya gemae 20:10

Aligayaʼmonanafa seveni afinaʼmo Ala kava neʼmo Gotitapimoʼnalefeʼmo alita aote afinaʼmo malegae. Sapati afinaʼmo maitapa haga lesaya afinaʼmo haneʼniyanagetapa aliʼyaʼmo oʼaligae. Lapakaitapigi mafaʼnetapigi aliʼyatapimo neʼaliya vayanagi afutapigi alu kotegatiʼmo eʼa lapakaeʼeʼmo magokepi lokaeʼa maiʼnisaya vayanagi hutapa aliʼyaʼmo oʼaligae.

Hatu maeno apate'niya gemae 24:17

Ala kava neʼmo ha le konali yaʼamoʼa Isaleli vayaʼai apaulagaleʼmo avefiʼmo alopa atamo leteno muki yaʼmo leno sagalino hano nehiya agufa kava huʼnigeʼa ageʼnae.

Aiyeya 4:5

Ani kavaʼmo hutenoʼaeʼmo Ala kava neʼmoʼa afa yatetiʼmo vayaʼamo hapa maesiya yaʼmo alo hugiye. Alo hisigeno felugamo hiyaʼmoʼe halinamoʼeʼmo muki Saiyoni aveleʼmo haneʼniya noteʼmo anagamo hanege aliʼa anupa huʼa maiʼnaya aupiliga anagamo hanege haniʼilagamo ata vaiʼmo hanege hugiye. Ani yaʼmoʼa yugugana huno muki ha le konali yaʼamo agotofuleʼmo hanegaiye.

Napa 14:10

Inagi muki Isaleli vayaʼmogi Kelepiʼe Yasuvaʼeʼmo huʼnaʼa gemo oʼafiʼa ina gemo huʼapaeʼmo, Yafa kayotetiʼmo kamitimo anamagisunageʼana faligaʼae, huʼa huʼnageno Ala kava neʼmo ha le konali yaʼamo apaulagaleʼmo seli mono nopatiʼmo aeno ha leʼnigeʼa ageʼnae.

Napa 16:42

Muki Isaleli vayaʼmogimo Mosesetegaʼe Elonitegaʼeʼmo aliʼa anupa huʼa maiʼneʼapaeʼmo aiʼa afeleʼa ageʼnayana malage huno hiyaʼmoʼmo seli mono noteʼmo kino ati kaeʼnigeno Ala kava neʼmo hale konali yaʼamo aeno ha leʼnigeʼa ageʼnae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.