Hatu maeno apate'niya gemae 24:10 - The Keyagana NT and 25 OT books

¹⁰ Isaleli vayaʼmogi Gotiʼapimoʼmo maiʼnigeʼa ageʼnayana aiyamo afeʼalumelagamo oko yafaʼmo agiʼamo Safaiya yafatetiʼmo kateʼmo maleʼnageno kokuʼnakana huno aeno haleʼniye.

Hatu maeno apate'niya gemae 24:10 ပူးပေါင်းရင်းမြစ်များ

Aepa Gemae 32:30

Yekopuʼa ani kotefeʼmo agiʼamo Pinaiyo kone huno ateʼniye. Ani agimo aepaʼamo Goti augosafiʼmo ageʼnove. Yekopuʼa hunoʼaeʼmo, nagaemo Goti augosafiʼmo ageʼnovaʼmonanafa ofaliʼna afaʼa maiʼnove, huno huʼniye.

Aepa Gemae 32:31

Yekopuʼa Pinaiyo kotetiʼmo ataleno neʼvigenoʼaeʼmo yegemo haineniʼgeno aumiʼyamo aino hatu maeʼniyaʼmofeʼmo laku taka hulino uʼniye.

Hatu maeno apate'niya gemae 24:11

Apakaemo Gotiʼmo ageʼnayaʼmonanafa apakaefeʼmo ayaʼmo oʼataleʼniyaʼmofeʼmo afaʼa maiʼnae. Inagi Gotiʼa ageteʼapaeʼmo neʼyaʼmo nege aniʼmo nege huʼnae.

Hatu maeno apate'niya gemae 3:6

Nagaemo kaginago vayaʼmogi Gotiʼapimoʼnamae. Nagaemo Emalehamuʼagi Aisakiʼagi Yekopuʼagi huʼna Gotiʼapimoʼnamo maiʼnove, huno ha paiʼnigeno Moseseʼa Gotiʼmo aulu haeno agesiyafeʼmo koli huteno augosafiʼmo alino ati kaeʼniye.

Hatu maeno apate'niya gemae 33:20

Nahaugiyaʼmonanafa naugosaʼafiʼmo afaʼa oʼnagegane. Naugosafiʼmo nagesiya vekamo afaʼa oʼmaigifa ago faligiyaʼmofeʼmae.

Hatu maeno apate'niya gemae 33:23

Eʼna neʼuʼnaeʼmo nayaʼmo aliʼna atalesugekaeʼmo nagotofuʼageʼmo nageganaʼmonanafa naugosaʼafiʼmo oʼnagegane, huno ha paiʼniye.

Salomoni Yokemae 5:14

Ayatalaʼmoʼa goli linimo apayateʼmo neʼvaiya linigana huno haneʼniye. Alopa moniletiʼmo miya nefaiya yafaʼmo aeno ha neleya yafaʼmo apayateʼmo neʼvaiya linifiʼmo neʼmalaya linigana huno haneʼniye. Agufamoʼa elefeni afumo avekana huno haneʼnigeno agufalegatiʼmo yaveyaveʼage huteno aeno ha leʼniye.

Salomoni Yokemae 6:10

Aulu neʼnahaeya a kanomo ina laʼae. Kaimoʼmo alagepa huno aeno ha lege yegemoʼmo alagepa huno aeno ha lege nehiya kava huno aulu neʼnahae. Asole ati vayaʼmogimo asole kalahauʼmeʼmo aliniʼa neʼvageʼa apaketeʼapaeʼmo hapau neʼaiya ati vayakana huno maiʼniye, huno hapa paiʼniye.

Neniyo 10:17

Lokiya yaʼnimo hano huʼnigeno navamusaʼmo oʼaisuva kava huʼniyaʼmofeʼmo nagaemo aliʼyakamo neʼaluva vekamoʼnamo haiya kava huʼna kagaeʼeʼmo gege huguve.

Matiyu 17:2

Apaulagaleʼmo aeto agufa agufamo alino hamaleʼniye. Augosafatiʼmo yegegana huno leʼnigeno kukenaʼalegatiʼmo ha le yakana huno yaveyaveʼage huʼniye.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 14:9

Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.

Yoni 6:46

Ani gemo huvaʼmonanafa magoke vekamoʼa Afoʼnimoʼmo oʼageʼniye. Gotitegatiʼmo magoke vekamo emineʼniya vekamokeʼmo muki yaʼmo Afoʼamoʼmo ageʼniye.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

1 Yoni 4:12

Mago vekamoʼmo Gotiʼmo mago afinaʼmo oʼageʼniye. Lagaemo konagatimogifeʼmo lahau layamopafiʼmo nelahaisiyana Gotiʼa lagaepiʼmo alagi maiʼnigeno hau ayamopafiʼmo hauʼniya kavaʼamo laipafiʼmo kosino afu leʼniye.

Leveleseni 1:16

Agaemo lamaga ayapiʼmo seveniʼa kanefiʼmo aliʼnigeno avayafatiʼmo aluga alugaʼamo ave neʼneya naipemo emineʼniye. Augosafatiʼmo yegemo haineno feluga kuku huteno neleya kava huno leʼnigeʼna ageʼnove.

Leveleseni 21:11

Ani taonifatiʼmo Goti ha le konali yaʼamo aeno ha leʼniya yaʼmo mago alopa moniletiʼmo miya nefaiya yafaʼmo agiʼamo yasipamoʼa aeno ha neleya yafakana huno alino alave alave huʼniye.

Leveleseni 4:3

Fai maiʼniya vekafatiʼmo mago yafaʼmo agiʼamo yasipa yafaʼmo alu agufa alu agufamo kaliʼniya yafakana huno haesa yafaʼmo agiʼamo koniliyani yafakana huno alave alave huʼniye. Mago fugagiʼnaʼmoʼa yafaʼmo agiʼamo emalolimoʼa hegafatalili yafakana huno haneʼnigeno fugagiʼnaʼmoʼa siyateʼmo aino ku aiʼniye.