Hatu maeno apate'niya gemae 23:33 - The Keyagana NT and 25 OT books

³³ Apakaemo afaʼa apategeʼa lapakae mopaleʼmo oʼmaiyo. Fiku yanageʼa aliʼa he tiʼa lapatesagetapaeʼmo hosu mono kavaʼmo hutetapa nagaetegamo hosu kavaʼmo hugae. Aigofe gotiʼapimogi aliʼyaʼmo alisayaʼmoʼmo aneʼaifiʼmo hegekana hutapa asagautapa aigae.

Hatu maeno apate'niya gemae 23:33 ပူးပေါင်းရင်းမြစ်များ

2 Sitoli 33:9

Ani alopa hosu kavaʼmo huteno Manaseʼmo Yuta vayaʼe Yulusalemu vayaʼeʼmo aino apavayu hulino uʼnigeʼa Ala kava neʼmoʼa alino hano huno apataleʼniya vayaʼmogimo huʼnaya hosu kavaʼmo aeʼa aga seʼa huʼnae.

Samu 106:36

Aigofe gotiʼapimogitefeʼmo mono huʼnayaʼmofeʼmo Gotiʼa apamagiʼniye.

Hatu maeno apate'niya gemae 10:7

Felo aliʼyaʼamo neʼaliya vayaʼmogimo Felofeʼmo ha paiʼapaeʼmo, Na magi afinaʼmo mani vekamo lagaeteʼmo aneʼaitigana huno maigiye. Apatalegeʼa uʼa Ala kava neʼmo Gotiʼapimotefeʼmo mono hiyo. Isipi koʼmo alagi hosuʼniya kavaʼmo ageʼnananaʼmonanafa ageka aeto nosapiye, huʼa huʼnae.

Hatu maeno apate'niya gemae 23:24

Lapakaemo ani vayaʼmogi gotiʼapimogitefeʼmo lapaleʼyamo ofaige akame hutapa mono osuge apakae kavaʼmo akame osuge hutetapa aigofe gotiʼapimogi apauneʼamo amagitapa aita atagitapa ataleyo.

Hatu maeno apate'niya gemae 34:12

Ehetapiye, huʼna, fiku yanagetapa visaya kotegamo maiʼnisaya vayaʼeʼmo magokepi kotalakemo hu malesageno aneʼaifiʼmo hegekana huno lapatafaugiyanagi.

2 Timoti 2:26

Sataniʼmo agaiʼa hauʼniya kavaʼmo akame hisayafeʼmo aneʼaifiʼmo heʼnageno apatafauʼniya vayaʼmogimo negi kavaʼmo ataleʼa apaipa apakesamo halate aliteʼa aneʼaifatiʼmo aiʼa hatu maesayafeʼmae.

Yasuva 10:40

Ani kavaʼmo huno Yasuvaʼmo muki kini vayaʼeʼmo kame huno aeno apaka seteno muki maiʼnaya mopaʼapimo aliʼniye. Ave kotega mopamo alige Negevi kotega mopamo alige Yoneni aniʼmo haopaleʼmo kagoʼmu kotega mopamo alige aise aveleʼmo kaʼme kotega mopamo alige huʼniye. Ala kava neʼmo Isaleli vayaʼmogi Gotiʼapimoʼmo huvo, huno ha paiʼniya kavaʼmo akame huno kame huteno hapaeno hano huno apataleʼniye.

1 Samiyo 18:21

Afitenoʼaeʼmo nagaemo Maikoʼmo avaleʼna Neviniʼmo amisugeno aneʼmu aegekana huno maigiye. Maikoʼmo ani kava huno maisigeʼa Filisatini vayaʼmogimo agaeʼeʼmo kame hugae, huno agesamo afitenoʼaeʼmo napa tu afinaʼmo Nevinifeʼmo hunoʼaeʼmo, Hemenimo kagaemo nayemoʼnimogamo maigane, huno ha paiʼniye.