Hatu maeno apate'niya gemae 23:20 - The Keyagana NT and 25 OT books

²⁰ Ala kava neʼmoʼa hunoʼaeʼmo, Afiyo, huʼna, nagaemo enisole vekamo aliʼna atesugeno uno hogoteteno uno visaya kategamo yagaino lapateteno ago alo huʼna lapateʼnova koteʼmo lapavalelinuno lapategaiye.

Hatu maeno apate'niya gemae 23:20 ပူးပေါင်းရင်းမြစ်များ

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Aepa Gemae 24:40

Agaemo naha painoʼaeʼmo, Nagaemo Ala kava neʼmo aulagaleʼmo geʼamo akame nehuva Ala kava neʼmoʼa enisole vekaʼamo alino atesigeno kagaeʼeʼmo magokepi lokaeno uteno kaʼmo alino ho huno katesigeka mafaʼneʼnimo aʼmo afoʼnimo nofi vayapatiʼmo afaʼa avalegane.

Aepa Gemae 24:7

Ala kava neʼmo kokuʼnapi Gotiʼa konagaʼnimogi mopale afoʼnimo nopatiʼmo navalelino etenoʼaeʼmo agoʼyamo ataleno polomasi gemo naha painoʼaeʼmo, ani mopamo kaginago vayaʼmo apamiguve, huno naha paiʼniye. Agaemo enisole vekaʼamo alino atesigeno uno hogotetesigeka uka mafaʼneʼnimo aʼmo ani kotegatiʼmo avalelika egane.

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Samu 91:11

Ala kava neʼmoʼa enisole vayaʼaeʼmo, yagaitapa ateyo, huno hapa paisigeʼa muki afinaʼmo kategamo umenitata hisana afinaʼmo yagaiʼa kategayaʼmofeʼmo hosu kavaʼmo kagaeteʼmo alagi afole oʼaigiye.

Hatu maeno apate'niya gemae 14:19

Ani Goti enisole vekaʼamo uno hogotetegeʼa uʼnayatetiʼmo ataleno eno apakame huno uʼniye. Ani kavaʼmo huno hiyaʼmoʼa posi yosagana huno uno hogoteʼniya hiyaʼmo eno apakamelegamo aeno he tino haneʼniye.

Hatu maeno apate'niya gemae 15:16

O Ala kava nene, huʼna, Himamu lokiyakalefeʼmo kolikamo huge apamoʼya aige hugae. Vayakamo koʼapileʼmo neʼvisageʼapaeʼmo apakaetegamo mago kavaʼmo afaʼa osuʼa he tiʼa maiʼnisageʼa afaʼa ugae. Miya faika hatu maeka apateʼnana vayakamogimo aliʼa apatalete apatalete huliʼa ugae.

Hatu maeno apate'niya gemae 15:17

Kagaemo kagaika aveleʼmo apavalelika uka mopamo lapamiguve, huka hapa paiʼnana mopaleʼmo apatesanageʼa maigae. O Ala kava nene, huʼna, Ani mopaleʼmo maisana noʼmo ki maleʼnane. Kaote maisana mono nokamo alika lokiya vaika ateʼnananageno afaʼa hanegaiye.

Hatu maeno apate'niya gemae 23:23

Nagaemo enisole vekaʼnimo uno hogoteteno lapavalelino uno Emo vayaʼmogi kotenagi Hiti vayaʼmogi kotenagi Pelesi vayaʼmogi kotenagi Kenani vayaʼmogi kotenagi Hivi vayaʼmogi kotenagi Yemusi vayaʼmogi kotenagi huno lapatesigeʼnaeʼmo ani vayaʼeʼmo kamemo huteʼna hapaeʼna hano huʼna apatalegauve.

Hatu maeno apate'niya gemae 32:34

Kagaemo hemenimo uka hogoteteka kaha paiʼnova kotegamo apavalelika uvo. Afiyo, huʼna, nagae enisole vekamoʼmo uno hogoteteno lapavalelino ugiye. Lapavalelino ugiyaʼmonanafa kayoʼmo apamisuva afinaʼmo ani vayaʼmo hosu kavaʼapilefeʼmo kayoʼmo apamiguve, huno ha paiʼniye.

Hatu maeno apate'niya gemae 33:14

Ala kava neʼmoʼa, Nagaemo kagaeʼeʼmo magokepi lokaeʼna neʼuʼnaeʼmo kaipafiʼmo kaha maesugeka maika haga legane, huno ha paiʼniye.

Hatu maeno apate'niya gemae 33:2

Nagaemo enisole vekaʼnimo aliʼna atesugeno uno hogotetesigeʼna Kenani nofi vayanagi Emo nofi vayanagi Hiti nofi vayanagi Pelesi nofi vayanagi Hivi nofi vayanagi Yemusi nofi vayanagi huʼna alina hapafaiʼna apatalegauve.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Malakai 3:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, nagaemo apa vekaʼnimo aliʼna atesugeno uno hogoteteno kaʼmo valino nategaiye. Ala kava neʼmo kahauya hutapa agesayafeʼmo lapauʼniya vekamo malage huno alopa mono noʼaleʼmo egaiye. Kotalakemo hu maleʼniya gelefeʼmo apa vekaʼamo egaiye. Afiyo, huno, egaiye.

Napa 20:16

Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.

Napa 22:22

Melamiʼmo uʼniyaʼmofeʼmo Gotiʼa aipamo leno ateʼniye. Inagi Ala kava neʼmo enisole vekaʼamoʼmo kateʼmo he tino maiʼneno kame vekagana huno kaʼmo akaniʼniye. Melamiʼmo noki afuʼaleʼmo fai maiteno uʼnigeʼanaeʼmo aliʼyaʼamo neʼaliʼa vekalaʼeʼmo magokepiʼmo uʼnae.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Yasuva 23:5

Ala kava neʼmo Gotitapimoʼmo kame vayatapimo lapakaetegatiʼmo alino hapa faino apatalesigeʼa ataleʼa apaune hesaya kavaʼmo hugiye. Lapakaemo mopaʼapimo Gotiʼa polomasi gemo ago hu maleʼniya agufa kavaʼmo hutapa aligae.

Yasuva 5:13

Yasuvaʼa Yeliko taoni haopaleʼmo maiʼnenoʼaeʼmo alino aulu heno ageyana mago vekamoʼmo naipeʼamo ayapiʼmo aliteno he tino maiʼnigeno ageʼniye. Yasuvaʼa agaetegamo uno, Kagaemo laha maesana vekamo maiʼnapi kametimo maiʼnane, huno ge huno afi geʼnigenoʼaeʼmo

Yasuva 5:14

agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.

Yasuva 6:2

Ala kava neʼmoʼa Yasuvafeʼmo ha painoʼaeʼmo, Afiyo, huno, Nagaemo Yeliko kini vekagi lokiya ati vayanagi Yeliko taonifi kagemi yanagi huʼna aliʼna kayapiʼmo kamiʼnove.