Hatu maeno apate'niya gemae 20:7 - The Keyagana NT and 25 OT books

⁷ Lapakaemo Ala kava neʼmo Gotitapimo agiʼaleʼmo fikumo oʼaeyo. Mago vayaʼmogimo agiʼaleʼmo fikumo aesayaʼmoʼmo Ala kava neʼmoʼa kayoʼmo apamigiye.

Hatu maeno apate'niya gemae 20:7 ပူးပေါင်းရင်းမြစ်များ

Aepa Gemae 27:20

Ha paiʼnigenoʼaeʼmo Aisakiʼa hunoʼaeʼmo, Mafaʼneʼnimogae, huno, haiya kava huka malage huka haeka alinika eʼnane, huno afi geʼnigenoʼaeʼmo, Ala kava neʼmo Gotikamokeʼmo naha maeteno nagaetegamo alino ateʼnigeno eʼnigeʼnaeʼmo haeʼnove, huno ha paiʼniye.

2 Kini 5:20

Geheyiʼmo Ilaisa aliʼyaʼamo neʼaliya vekamoʼmo agaiʼaeʼmo ina ge huno huʼniye. Ala vekaʼnimoʼmo Nemaniʼmo afaʼa ategeno uʼniye. Ani Nemaniʼmo amigefeʼmo huʼniya yaʼmo oʼaliʼniye. Ala kava neʼmo afaʼa maiʼniye, huʼna lama gemo huʼnaeʼmo, Nagaemo Nemaniʼmo akame huʼna nagu nagu huʼna uʼna agaetegatiʼmo mago yaʼmo aliguve, huno agesamo afiʼniye.

Samu 139:20

Apakaemo kagaefeʼmo hosu gemo huteʼa huʼa faipa huʼa nekatae.

Mai'naya kavane 30:9

Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

2 Kolitiyani 1:23

Gotiʼa nageʼniyanageno lama gemo nehiye, huno ageteno naha maeno faigoko gemo lapa paigiye. Lama gemo huʼnaeʼmo, kayoʼmo lapamisuvafeʼmo oʼnahauʼnigeʼnaeʼmo, Kolitiyani taonifiʼmo halate oʼuguve, huteʼna lapataleʼna aeʼna lapakaseʼnove.

Yemisi 5:12

Konagaʼnimogitapae, huʼna, hogote kavaʼmo ina kavaʼmo huno haneʼniyanagi getapimo alita lokiya vaitapa atesayafeʼmo hutapaeʼmo kokuʼnategaeʼmofi ma mopalefeʼmofi alu yatetiʼeʼmofi hutapa alagi lama gemo nehuve, hutapa osiyo. Fiku yanageno Gotiʼa agoti huno lapategaiyaʼmofeʼmo he, nehutapaeʼmo heʼageʼmo hiyo. Haʼao, nehutapaeʼmo haʼaoʼageʼmo hiyo.

Yasuva 2:12

Inagi hemenimo lanakaemo Ala kava neʼmo agiʼaletiʼmo lanakoʼyamo ataletana lokiya gefatiʼmo hiʼao. Nagaemo lahana maeʼna alagepa huʼna yagaiʼna lanateʼnova agufa kavaʼmo hutana afamo anagaʼnimo hapa maetana alagepa hutana yagaitana apatesaʼafeʼmo hiʼao. Lanakaemo ani polomasi getanimo alitana lokiya vaitana atesaʼafeʼmo mago alagena yaʼmo namiʼao.

Yasuva 2:17

Lole vekalaʼmoganimo Lehapifeʼmo ha paiʼanaeʼmo, Lagaemo Isaleli vayaʼmo mani taonifiʼmo eta avaʼyi hisuna afinaʼmo kagaemo mani haesa nofiteʼmo alime alime utaʼa lamisuʼa nofiʼmo mani lamisuʼa yasi kateʼmo aeka oʼmalesanana laʼagoʼyamo ataletaʼa lokiya gemo huʼnoʼa gemo akame osuguʼae. Akame hisuʼafeʼmo kagaemo itaka afokalaʼmoganimogi konagakamogomogi muki afamo anagatapigi huka kagae nopiʼmo alika anupa huka apato.

Yasuva 9:20

Lagaemo afaʼa apategaune. Lagoʼyamo ataleta kotalakemo hu maleʼnonaʼmofeʼmo fiku yanageno Ala kava neʼmoʼa aipamo leno lategaiye.