Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 20:4 - The Keyagana NT and 25 OT books

4 Lapakaemo lapaleʼyamo faiʼnetapa mono hisayafeʼmo yosaletiʼmofi yafatetiʼmofi mago alu ya alu yatetiʼmofi kokuʼnapiʼmo haneʼniya yaʼmo auneʼamofi ma mopafiʼmo haneʼniya yaʼmo auneʼamofi anipiʼmo haneʼniya yaʼmo auneʼamofi hutapa alo osiyo.

အခန်းကိုကြည့်ပါ။ ကော်ပီ




Hatu maeno apate'niya gemae 20:4
41 ပူးပေါင်းရင်းမြစ်များ  

Agaemo aigofe goti auneʼamo alo huteno Goti mono nopiʼmo maleʼniye. Maleʼniyaʼmonanafa akeyaʼvilagamo Gotiʼa Neviniʼe mafaʼneʼamo Salomoniʼefeʼmo ina ge huno hana painoʼaeʼmo, Yulusalemu taonifiʼmo mani haneʼniya mono noʼmo nagaiʼnimo muki Isaleli nofi vayaʼmogi folagapiʼmo lekana pai maleʼnova nopiʼmo nagiʼnimo atesugeno hanege hanege huno hanegaiye.


Apakaemo muki aveʼaleʼmo aigofe gotiʼapimogitefeʼmo mono huʼnagenoʼaeʼmo aipamo leno apateʼniye. Aigofe gotiʼapimo auneʼamo alo hu maleʼneʼa mono huʼnagenoʼaeʼmo hosu aipamo kaliʼniye.


Aigofe gotigitefeʼmo muki mono nehaya vayaʼmo apavagage hugiye. Aigofe gotigi ala apakiʼapimo neʼapamiyaʼmonanafa apavagage hino. Muki aigofe gotigimo Ala kava nefeʼmo mono hiyo. O Gotiyo, huʼna, alagepa huka agoti huka neʼapatanaʼmofeʼmo Saiyoni vayaʼmogi afiteʼapaeʼmo apamogaga neʼaiye. Yuta aʼmafaʼne anagaʼmogi apamogaga neʼaiye.


Afiyo, huʼna, Lapakaemo goli yafatetiʼmofi siluva yafatetiʼmofi hutapa aigofe gotigimo nagaeʼeʼmo magokepi lokaeʼa maisayafeʼmo alo osiyo.


Moseseʼa avefiʼmo uno haino yatala afinaʼmo maiʼniyaʼmofeʼmo Isaleli vayaʼmogimo uʼa Elonifeʼmo ha paiʼapaeʼmo, Moseseʼa Isipi kotegatiʼmo lavalelino eʼniya vekalegamo na agufa kavaʼmo afole aiʼnifi huta oʼageʼnonaʼmofeʼmo kagaemo mago gotigimo alo hisanageʼa uʼa hogoteteʼa lavaleliʼa ugae, huʼa ha paiʼnae.


Apakaemo naha paiʼapaeʼmo, Moseseʼa Isipi kotegatiʼmo lavalelino eʼniya vekaleʼmo na agufa kavaʼmo afole aiʼnifi huta oʼageʼnonaʼmofeʼmo kagaemo gotigimo alo hugeʼa uʼa hogoteteʼa lavaleliʼa viyo, huʼa huʼnageʼnaeʼmo


Agaemo goli yafatetiʼmo alo huʼnaya linimo alino atafi kaeʼnigeno leno ani nehegenoʼaeʼmo alino pulumakamo auneʼamo alo huʼniye. Alo huʼnigeʼapaeʼmo, O Isaleli vayaʼmogitapae, huʼa, afiyo, huʼa, Isipi kotegatiʼmo lapavalelino eʼniya gotitapimae, huʼa huʼnae.


Apakaefeʼmo akame hiyo, huʼna huʼnova kaʼmo malage huʼa ataleʼa uʼnae. Apakaemo goli yafaʼmo atafiʼmo kaeʼnageno ani heʼnigeʼa aliʼa pulumakamo auneʼamo alo hu maleʼneʼa ani yatefeʼmo mono huteʼa ofalini amiteʼa, O Isaleli vayaʼmogitapae, huʼa, Isipi kotegatiʼmo lapavalelino eʼniya gotitapimoʼmae, huʼa huʼnae.


Lapakaemo monoʼmo hisayafeʼmo mago yaʼmo auneʼmo alo osiyo.


Yosaletiʼmo alo huʼnaya gotiʼapimogifeʼmo aliʼa amufa neʼapamiya vayaʼmo alino aino atagineno apatesigeʼa aiʼa atagineʼa ugae. Aeniletiʼmo alo huʼnaya gotiapimogifeʼmo, Gotitimogitapae, huʼa nehaya vayaʼmo apavagage hugiye.


Nagaiʼnigeʼmo Ala kava neʼmae. Ani nagimo nagiʼnimae. Nagaiʼni hale konali yaʼnimo mago vekamo oʼamiguve. Vayaʼmogimo ala nagiʼnimo neʼnamiya agufa kava huʼa yosaletiʼmo alo nehaya aigofe gotigi ala apakiʼapimo apamisayafeʼmo he, huʼna osuguve.


Aigofe gotigi apauneʼamo alo nehaya vayaʼmogimo hosu apakiʼapimo aliteʼa apavagage hugiye. Apakaemo mukiʼamogimo magokepiʼmo ikaika huʼa alu apakesa alu apakesamo afigae.


Goti mafaʼneʼamo maiʼnonaʼmofeʼmo goli yafatetinagi siluva yafatetinagi alu yafatetinagi huʼa alo huʼnaya vekamo maiʼniye, huta lagesa oʼafigune. Gotiʼa vayaʼmogimo ageʼa alagepa huʼneʼa apayatetiʼmo alo nehaya yakana huno oʼmaiʼniye.


Apakaemo maige maige huno neʼmaiya ha le konali Gotifekeʼmo mono osuʼa apakameʼyamo amiteʼa agae aimuʼyaleʼmo kasalisiya vayakana agufa auneʼagi namagana agufa auneʼagi afugana agufa auneʼagi nagaloʼyavegana agufa auneʼagi huʼa alo huʼa maleʼneʼa ani yatefekeʼmo mono huʼnae.


Hogote enisole vekamoʼmo yuvapaʼamo alinino uno ma mopafiʼmo aino lakiʼniye. Lakiʼnigeno afela afumo alagena yaʼamo aliteʼa afela afumo auneʼalefeʼmo mono huʼnaya vayaʼai apakufaleʼmo lusi apamuʼmo apaleʼnigeno apakafu kiʼniye.


Ani kayotetiʼmo kamitimo oʼapamagiʼnaya vayaʼmogimo hosu enisole vayaʼaiteʼe alo huʼnaya aigofe gotiʼapimogiteʼeʼmo oʼapataleʼa magoʼe huʼa mono huʼnae. Apakaemo aigofe gotiʼapimogi goli yafatetiʼmo alo huge siluva yafatetiʼmo alo huge haesa yafatetiʼmo alo huge afa yafatetiʼmo alo huge yosaletiʼmo alo huge huʼnaya aigofe gotiʼapimogimo mago yaʼmo oʼagege ge oʼafige kaʼmo umenitata osuge nehaya aigofe gotiʼapimogimo oʼapataleʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ