Hatu maeno apate'niya gemae 20:24 - The Keyagana NT and 25 OT books

²⁴ Lapakaemo mago mopamo alitetapaeʼmo nagaetefeʼmo ofalinimo hisaya yaʼmo malesaya hiʼyalamuʼmo hugae. Ani hiʼyalamuteʼmo sipisipi ofalinimofi pulumaka ofalinimofi hutapa atafiʼmo kaetapa alagi asagalitapa namige nagaeʼe lapakaeʼeʼmo magoke laipa lagesamo alita maisuna ofalinimo namige hugae. Nagaemo lekana pai malesugetapa maiʼnetapa mono hisageʼna ala nagiʼnimo alisuva mopaleʼmo lapakaetegamo emiʼneʼnaeʼmo alagepa hutapa maiyo, huʼna lapa paiguve.

Hatu maeno apate'niya gemae 20:24 ပူးပေါင်းရင်းမြစ်များ

Aepa Gemae 12:2

Inagi nagaemo kagaepatiʼmo asole kaginago vayaʼmo aliʼna afole aiʼna apatesugeʼa magoke nofi vayaʼmo maigae. Nagaemo aliʼna auleʼna katesugeka ala kagimo aliteka aulena gemo hapa paisanageʼa aulena vayaʼmo maigae.

2 Kini 5:17

Inagi Nemaniʼmo hunoʼaeʼmo kahao ke hovanagi mago yaʼmo oʼalisanaʼmoʼmo kagaemo afaʼa nategeʼna mago mopamo lole nokilaʼmoganimo alisaʼa agufa mopamo kafiʼna aliguve. Nagaemo koʼnilegamo aliniʼnuʼna mopaletiʼmo Ala kava neʼmo ofalini hiʼyalamuʼmo huteʼna ofalinimo huguve. Nagaemo magoʼe huʼna alu gotigitefeʼmo atamoʼmo alagi leno saga lisiya ofalinimo osuge alu ofalinimo osuge huguve.

Esala 6:12

Ani mono noteʼmo Gotiʼa agaiʼa agimo hanegaiyanageʼa haiya kini vayaʼmogiʼmofi haiya vayaʼmogiʼmofi huʼa ani Yulusalemu taonifi mono noʼmo heʼa halagape vaisafi hu maleʼnova gemo akame osisafi hisayaʼmoʼmo afaʼa kamitimo apamagigae. Nagaemo Naliyasiʼnamo mani gemo alagi ago hu malove. Mukiʼamogitapamo geʼnimo alagepa hutapa akame hiyo.

Samu 101:2

Ageʼna aeto huteʼnaeʼmo afiteʼna vaiʼmo alagi oʼalisuva kateʼmo uguve. Hainu afinaʼmo nagaetegamo egane. Nagaemo noʼnifiʼmo maiʼneʼnaeʼmo aliʼyaʼnimo neʼaliya vayaʼaiteʼmo yagaiʼna apateʼneʼnaeʼmo vaiʼmo alagi oʼalisuvana alagepa kavaʼageʼmo huʼna maiguve.

Samu 122:2

Uta avaʼyi huteta uta haita maiʼnetaeʼmo, O Yulusalemuo, huta, lagaemo eta kagae yafa lafi kegiʼyafiʼmo he tita maiʼnone, huta nehune.

Samu 128:5

Ala kava neʼmoʼa Saiyoni taonifatiʼmo alino auleno kateno. Muki afinaʼmo ma mopafiʼmo maiʼnekaeʼmo Yulusalemu taonifiʼmo maiʼnaya vayaʼmo apakesanageʼapaeʼmo alagepa huʼa maigae.

Samu 134:3

Kokuʼnaʼe ma mopaʼeʼmo alo huʼniya Ala kava neʼmoʼa Saiyoni taonifatiʼmo alino auleno lapateno.

Samu 76:2

Mono noʼamo Yulusalemu toanifiʼmo haneʼniye. Agaemo Saiyoni avefiʼmo muki afinaʼmo maiʼniye.

Hatu maeno apate'niya gemae 10:25

Moseseʼa hunoʼaeʼmo, Haʼao, huno, Latalegeta muki alu afu alu afu anagatiʼeʼmo apavalelita uta amagita Ala kava neʼmo Gotitimoʼmo ofalinimo amigune.

Hatu maeno apate'niya gemae 18:12

Inagi Yetaloʼa mago ofalinimo alinineno atafiʼmo kaeno Gotiʼmo ofalinimo amiʼniye. Magoʼe huno alu ofalinimo Gotiʼmo amige huʼnigeʼa Eloniʼe muki Isaleli vayatama vayaʼeʼmo eʼa Goti aulagaleʼmo Mosese ayemoʼamoʼeʼmo neʼyaʼmo neʼnae.

Hatu maeno apate'niya gemae 20:25

Lapakaemo yafa hiʼyalamuteʼmo ofalinimo hisaya yaʼmo malesaya hiʼyalamuʼmo hisayafe hutapaeʼmo vayaʼmogi amagiʼa naku paesaya agufa yafatetiʼmo ani hiʼyalamuʼmo osiyo. Aeni kayotetiʼmo amagita naku paesayana nagaetefeʼmo mono hisaya hiʼyalamuʼmo alagi alita hosu hutapa atalegae.

Hatu maeno apate'niya gemae 24:4

Inagi Moseseʼa Ala kava neʼmoʼa muki huʼniya geʼamo mago mukufiʼmo avoʼmo kae maleʼniye. Kotilamiyapiʼmo he tino avemo aiyafiʼmo ofalinimo hisaya hiʼyalamuʼmo huteno tuolofuʼa yafaʼmo alino faino ateʼniya yafaʼmoʼa tuolofuʼa Isaleli nofi vayaʼaitefeʼmo aune kavaʼmo huʼniye.

Hatu maeno apate'niya gemae 24:5

Ani kavaʼmo huteno Isaleli neya vayaʼmo alino apateʼnigeʼa uʼa ofalinimo atafi kaeʼa Ala kava neʼmo amiteʼa pulumakamo amagiʼa Ala kava neʼeʼmo magokepiʼmo lokaeʼa maisayafeʼmo ofalinimo amiʼnae.

Aiyeya 64:5

Kagaemo apamogaga aiʼa fatago kavaʼmo nehaya vayaʼmogi nehana kavafeʼmo apake okaniʼa apakesamo neʼafiya vayaʼmo hapa maesanafeʼmo fotu nehane. Fotu nehanaʼmonanafa hosu kavaʼmo huʼnonaʼmofeʼmo kaipamo leka lateʼnane. Kaipamo leka lateʼnanaʼmonanafa kahau huka lateme lateme uganaʼmofeʼmo lagufamo alika katika lategane.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Matiyu 18:20

Nagiʼnilefeʼmo lole vekalaʼmofi loleʼe magoʼe vayaʼmofi huno alino anupa huno apateʼnisageʼnaeʼmo nagaemo apakae folagapiʼmo maiʼnove, huno hapa paiʼniye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.