Hatu maeno apate'niya gemae 20:12 - The Keyagana NT and 25 OT books

¹² Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

Hatu maeno apate'niya gemae 20:12 ပူးပေါင်းရင်းမြစ်များ

Aepa Gemae 48:12

Inagi Yosefeʼa Yekopu alutalateʼmo mafaʼneʼalaʼmo anavaleno alino he tino anateteno mopafiʼmo aleʼya faiʼneno ape huʼniye.

Aepa Gemae 50:12

Inagi Yekopu mafaʼne anagaʼamogimo hapa paiʼniya agufa kavaʼmo huʼa kiʼa ateʼnae.

2 Kini 2:12

Ilaisaʼmo ageyana Ilaiyaʼmo uno haiʼnigenoʼaeʼmo keya aeno ge hunoʼaeʼmo, Afoʼnimogae, afoʼnimogae, huno, Kagaemo Isaleli vayaʼmogi talalaʼe hosileʼmo fai maiʼnaya ati vayakana huka maiʼnane, huno huteno magoʼe huno oʼageʼniye. Aipamoʼmo lusi kava huno kana huʼnigenoʼaeʼmo agaiʼa kukena yaʼamo alino apake aino lole huʼniye.

Mai'naya kavane 15:5

Negi vekamoʼmo afoʼamoʼmo alino aya neʼmaleya geeʼmo, ina agufa gemo haneʼniye, huno nehiyaʼmonanafa alino api aino ateʼniya gemo afiʼniya vekamoʼmo alagepa kavaʼmo hisiyafeʼmo ageʼniya vekamo maiʼniye.

Mai'naya kavane 17:6

Mafaʼneʼamogi mafaʼneʼapimo kosunamogi kini kakolitaʼapigana huʼa maiʼnae. Ani kava huno mafaʼne anagaʼmogi ha le konali yaʼapimo haneʼniyana afoʼapimogimo maiʼnae.

Mai'naya kavane 20:20

Mago vekamoʼmo itaʼafoʼalaʼmoganifeʼmo lifana huno anatesiʼmoʼmo lamuʼamo yu hesigenoʼaeʼmo hanipiʼmo maiʼneno faligiye.

Mai'naya kavane 28:24

Mago vekamoʼmo afoʼamo yaʼmo kumayaʼmo neʼalinoʼaeʼmo, hosu kavaʼmo osuʼnove, huno nehisiya vekamoʼmo muki yaʼmo alino hosu huno neʼataleya vekamo afaluʼamoʼmo maiʼniye.

Mai'naya kavane 3:16

Ani a kanomoʼmo lamaga ayapiʼmo ma mopafiʼmo yatala afinaʼmo maisaya yaʼmo aliteno hoga ayapiʼmo kagemi yaʼe ala apakimo neʼaliya yaʼeʼmo aliʼniye.

Mai'naya kavane 30:11

Mago aunale vayaʼmogimo afoʼapimogimo lifana huʼa apatege itaʼapimogimo aliʼa auleʼa oʼapatege nehae.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Malakai 1:6

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Maki 10:19

Keʼaepa gemo ago afiʼnanana vayaʼmo ohapao. Kumai kavaʼmo oso. Kumayaʼmo oʼaliyo. Aigofe gemo osuvo. Aigofe ge huteka kumayaʼmo oʼaliyo. Itaka afokamogani anaiyafiʼmo maiteka geʼanimo afiyo, huno huʼnigenoʼaeʼmo,

Maki 7:10

Moseseʼa hunoʼaeʼmo, itatapi afotapimogi apakiʼapileʼmo alita asagautetapa apaiyafiʼmo maiyo. Mago vayaʼmogimo itaʼapimogifeʼmofi afoʼapimogifeʼmofi huʼa lifana gemo hapa paisayana kamitimo apamagigeʼapa faliyo, huno huʼniye.

Luki 18:20

Goti keʼaepa geʼamo ago afiʼnanana, kumai kavaʼmo osuvo, vayaʼmo kamitimo apamagigeʼa ofaliyo, kumayaʼmo oʼaliyo, aigofe gemo osuvo, itakaʼafokalaʼmogani anaiyafiʼmo maiʼneka geʼanimo afiyo, huno ha paiʼnigenoʼaeʼmo,

Efasasi 5:21

Lapakaemo Gotifeʼmo koli huʼnetapaeʼmo konagatapimogiʼeʼmo afalu afalu kavaʼmo hutetapa apaiyafiʼmo maiyo.

Kolosi 3:20

Mafaʼnemogitapae, huʼna, muki kavatefeʼmo itatapi afotapimogi geʼapimo afisagenoʼaeʼmo Ala kava neʼmoʼa lusi kava huno amuse huno lapategaiyaʼmofeʼmo ani kavaʼmo hiyo.

Luti 3:6

Inagi aliʼyaʼmo neʼaliyategamo unoʼaeʼmo muki anofeloʼamoʼmo ha paiʼniya kavaʼmo akame huno huʼniye.

1 Samiyo 22:3

Inagi Neviniʼmo ani haopalegatiʼmo ataleno itaʼa afoʼamogimo apavalelino uno Movapu kotegamo Misipa taonifiʼmo apateʼnigeʼa maiʼnae. Agaemo Movapu kini vekaeʼmo ina ge hunoʼaeʼmo, kahaoke hove. Kagaemo itaʼnimoʼe afoʼnimoʼeʼmo anategeʼanao eʼana kagaeʼeʼmo magokepiʼmo maigaʼae. Kagaeʼeʼmo maime maime visaʼageʼna Gotiʼa nagaetegamo na kavaʼmo hisifigeʼna agegauve.