Hatu maeno apate'niya gemae 20:11 - The Keyagana NT and 25 OT books

¹¹ Ala kava neʼmoʼa sigisiʼa afinaʼmo kokuʼnanagi mopagi solovala aninagi muki alu ya alu yaʼmo haneʼniya yanagi huno alo huno hano huteno seveni afinaʼmo maino haga leʼniyaʼmofeʼmo Ala kava neʼmoʼa Sapati afinaʼmo alagepa huno aoteʼmo haneno, huno hu maleʼniye.

Hatu maeno apate'niya gemae 20:11 ပူးပေါင်းရင်းမြစ်များ

Aepa Gemae 1:28

Gotiʼa alino auleno anatetenoʼaeʼmo, Lanakaemo asole vayaʼmo aitana atagu faesaʼageʼapaeʼmo muki haopalegamo uʼeʼa huʼa maiʼneʼa muki ma mopafi yateʼmo yagaiyo. Solovala anipi noyameleʼmo yagaige kokuʼnapi namaleʼmo yagaige muki mopafiʼmo afaʼa maisaya yateʼmo yagaige hiyo, huno hana paiʼniye.

Aepa Gemae 1:31

Huteno Gotiʼa muki alo huʼniya yaʼaeʼmo agetenoʼaeʼmo alagi alagepa yaʼageʼmo haneʼniye, huno ageʼniye. Hani huteno ko tiʼnigenoʼaeʼmo napa sikisi afinaʼmo afole aiʼniye.

Hatu maeno apate'niya gemae 8:22

Havaitegayaʼmonanafa nagaemo vayaʼnimo Goseni koteʼmo maiʼnayanageʼna aliʼna aote malesugeno ani afinaʼmo apakae mopaleʼmo oʼmaigae. Kagaemo ani kavaʼmo agetekaeʼmo, Ala kava neʼmo agaiʼageʼmo lagae koʼmo folagapiʼmo maiʼniye, huka nagesanafeʼmo ani kavaʼmo huguve.

Hatu maeno apate'niya gemae 9:29

Moseseʼa ha painoʼaeʼmo, Nagaemo mani taonifatiʼmo ataleʼna malagamo uʼna lamiʼnaeʼmo nayaʼmo aliʼna asagauliʼneʼna Ala kava nefeʼmo nunumuʼmo hisugeno kokuʼnapatiʼmo magoʼe huno hakalu osuge koʼmopamo emi noʼmege hisigekaeʼmo mani mopamo Ala kava neʼmo mopamae, huka kagesamo afigane.

Aiyeya 42:10

Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.

Apa 14:15

Alopa gefatiʼmo huʼanaeʼmo, Na kava higetapa ani agufa kavaʼmo hugefe nehae. Laʼagaemo lapakaekana hutaʼa vayalafatalaʼmo maiʼnoʼae. Laʼagaemo lapa paitaʼaeʼmo, Ani agufa kavaʼmo ina agufa kavaʼmo haneʼniyanageno lapa oʼmaegaiyanagi ataletapa Gotiʼa afaʼa maiʼniya vekamoʼmo kokuʼnanagi ma mopagi solovala aninagi muki ma mopafiʼmo haneʼniya yanagi kokuʼnate haneʼniya yanagi huno alo huʼniya Gotitegamo viyo, hutaʼa lapa paitetaʼa alagepa faigoko gemo aetaʼa hakalo hutaʼa lapa nepauʼae.

Apa 20:7

Geʼamo neʼafiya vayaʼmogimo hogote salefiʼmo Yesu kaveʼmo nesayafeʼmo aliʼa anupa huʼa maiʼnagenoʼaeʼmo Poloʼa egamo apataleno visiyafeʼmo alo huno maiʼnenoʼaeʼmo Goti geʼamo aeno hakalo huno hapa paime hapa paime neʼvigeno haniʼilaga folaguʼmo huʼniye.

Apa 4:24

Ani gemo afiteʼapaeʼmo magoke apaipa apakesamo aliʼneʼa Gotifeʼmo nunumuʼmo huʼapaeʼmo, Ala kava nene, huʼa, kokuʼnanagi mopagi solovala aninagi kokuʼnapi haneʼniya yanagi ma mopafi haneʼniya yanagi solovala anipi haneʼniya yanagi huka alo huʼnana vekae, huʼa,

Himulu 4:4

Goti mukufiʼmo mago gemoʼmo seveni afinafeʼmo hunoʼaeʼmo, Gotiʼa muki yaʼamo alo huno hano huteno seveni afinaʼmo maino haga leʼniye, huno huteno

Leveleseni 10:6

apagoʼyamo ataleʼa ge nehaya kavakana huno Goti agiʼaletiʼmo ge huʼniye. Agaemo maige maige huno maiʼneno kokuʼnaʼe muki kokuʼnateʼmo haneʼniya yaʼenagi ma mopaʼe muki ma mopafiʼmo haneʼniya yaʼenagi solovala aniʼe muki solovala anipiʼmo maiʼnaya yaʼeʼmogi huno alo huʼniya vekamo agiʼaletiʼmo lokiya gemo hunoʼaeʼmo, afinaʼapimo ago hano hugiye, huno huʼniye.