Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 2:24 - The Keyagana NT and 25 OT books

24 Apakaemo aliʼa apamalagiʼnagenoʼaeʼmo Gotiʼa afiteno Emalehamufenagi Aisakifenagi Yekopufenagi huno Kenani kotega mopamo lapamiguve, huno hapa paiʼniya kotalakeʼaeʼmo agesamo afiʼniye.

အခန်းကိုကြည့်ပါ။ ကော်ပီ




Hatu maeno apate'niya gemae 2:24
33 ပူးပေါင်းရင်းမြစ်များ  

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.


Afiyo, huno, kaipaguʼeʼmo maiʼnananageka ve mafaʼnemo alika ategananagi agiʼamo Isameliʼae huka ato. Ala kava neʼmoʼa kana aliʼnana kavaʼmo ageʼniyaʼmofeʼmo Isameliʼae huka ato. Isameliʼae agimo aepaʼamo haneʼniyana Gotiʼa neʼage.


Nagaemo kagaegi henagaʼamo kagaepati afole aisaya vayaʼenagi uʼa aiʼa atagu faesaya vayaʼenagi huʼna kotalakeʼnimo hu malegauve. Ani kotalakemo hanege hanege huno hanegaiye. Ani kotalakemo haneʼniyana nagaemo Gotikamoʼnamo maiʼneʼna kagae kakamelega kaginago vayaʼai Gotiʼapimoʼnaʼeʼmo maiguve.


Nagaemo nagoʼyamo ataleteʼna nagiʼniletiʼmo lama gemo nehuve. Kagaemo magoke mafaʼnekamogeka afaʼa agegeka oʼateka ani kavaʼmo huʼnanaʼmofeʼmo


Ala kava neʼmo Aisakitegamo afole aiteno, Kagaemo Isipi kotegamo uka olamiyo. Nagaemo kaha paisuva haopalegageʼmo maiyo.


Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.


Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.


Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.


Gotiʼa magoʼe gemo ha painoʼaeʼmo, Nagaemo muki lokiyaʼnimo haneʼniya Gotiʼnamo maiʼnove. Asole mafaʼne alika apategane. Kagaemo asole mafaʼnemo alika apatesanageʼapaeʼmo asole kaginago vayaʼmo maige alu nofi alu nofi vayaʼmo afole aiʼa maige kini vayaʼmo maige hugae.


Nagaemo Emalehamuʼe Aisakiʼeʼmo anamiʼnova mopamo hemenimo kagaeʼe kaginago vayaʼeʼmo lapamiguve, huno ha paiteno


Gotiʼa Noafenagi muki sipifi lokaeʼa maiʼnaya afugi yagagafaʼefenagi huno agesamo afiʼniye. Gotiʼa yasimo alino ategeno aniteʼmo yasi aliʼnigeno aniʼmo alino laneme laneme uno lamiʼniye.


Agaemo aliʼyaʼamo neʼaliya vekamo Emalehamufeʼmo ani kavaʼmo huguve, huno hu maleʼniya geʼaeʼmo agesamo afiʼniyaʼmofeʼmo ani kavaʼmo huʼniye.


Kotalakemo huguve, huno hu maleʼniya geʼaeʼmo agesamo afiʼniye. Apakaefeʼmo hau huno apateteno halate agesamo afiʼniye.


Nagaemo kagaefeʼmo keya aeʼna ge huʼnova afinaʼmo geʼnileʼmo aeka atagaina huka alika lokiya vaika nateʼnanageno nagupi mafaʼnemoʼmo lokiya vaino maiʼniye.


Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.


Kagaefekeʼmo keya aeʼa ge huʼnagekaeʼmo apakufamo alika katika apateʼnane. Kagaefeʼmo aliʼa amufa kamiʼnagekaeʼmo hapa maeʼnanagenoʼaeʼmo apaipamoʼmo kana osuʼniye.


Kagaemo kalavusi huʼa apateʼnaya vayaʼmogi yulagefa neʼaiya gemo afiyo. Faligae, huʼa gemo ago hu maleʼnaya vayaʼmo alopa himamukaletiʼmo hatu maeka apato.


Isipi vayaʼaiteʼmo Isaleli vayaʼmogimo kalavusi aliʼyaʼmo neʼaliʼapaeʼmo yulagefa aiʼnaya gemo afiteʼnaeʼmo kotalakeʼnieʼmo nage okaniʼna nagesamo afiʼnove.


Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.


Apakeʼnovana Isipi vayaʼmogimo vayaʼnilegamo asole hosu kavaʼmo nehageʼna apakeʼnove. Kage kage nehageʼna afiteʼna apakufamo aliʼna katiʼna apatesuvafeʼmo emiʼneʼnove. Eka afiyo, huno, Isipi kotegamo aliʼna katesugeka ugane, huno ha paiʼniye.


Egamo mani agufa kanaleʼmo nagaemo mago vekamo Menisameni nofi vayapatiʼmo aliʼna atesugeno kagaetegamo egaiye. Kagaemo Isaleli vayaʼnileʼmo yagaino apatesiyafeʼmo uvelimo lakika atesanageno agaemo vayaʼnimo Filisatini vayaʼai apayapatiʼmo apakufamo alino katino apategaiye. Vayaʼnimogimo nagaefeʼmo keya aeʼa ge huʼnayaʼmofeʼmo hapa maesuvafeʼmo apakeʼnove, huno ha paiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ