Hatu maeno apate'niya gemae 2:23 - The Keyagana NT and 25 OT books

²³ Henagaʼamo Isipi vayaʼaiteʼmo yagaino apateʼniya kini vekamo ago faliʼniye. Isipi vayaʼmogimo Isaleli vayaʼmo kalavusi aliʼyaʼmo apamiʼnageʼa lusi kana yaʼmo aliteʼa yulagefa aige ge huge huʼa maiʼnaya gemo Gotiʼa afiʼniye.

Hatu maeno apate'niya gemae 2:23 ပူးပေါင်းရင်းမြစ်များ

Aepa Gemae 16:11

Afiyo, huno, kaipaguʼeʼmo maiʼnananageka ve mafaʼnemo alika ategananagi agiʼamo Isameliʼae huka ato. Ala kava neʼmoʼa kana aliʼnana kavaʼmo ageʼniyaʼmofeʼmo Isameliʼae huka ato. Isameliʼae agimo aepaʼamo haneʼniyana Gotiʼa neʼage.

Aepa Gemae 4:10

Ala kava neʼmoʼa, na agufa kavaʼmo huʼnane. Nagaefeʼmo kaganakamo kolaʼamoʼmo mopafatiʼmo keya aeno ge nehiye.

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 18:6

Nagaemo hanageke yaʼmo aliteʼnaeʼmo Ala kava nefeʼmo keya aeʼna ge huʼnove. Nagaemo Gotiʼnimofeʼmo naha mao, huʼna keya aeʼna ge huʼnove. Alopa mono noʼafiʼmo maiʼnenoʼaeʼmo nagemo afiʼniye. Keya aeʼna ge huʼnogeno afiʼniye.

Hatu maeno apate'niya gemae 1:14

Isaleli vayaʼmo maiʼnaya kavaʼapimoʼmo alagi hosuʼniye. Apakaemo simeli aliʼyaʼmo alige mopaletiʼmo noʼmo kisaya yafaʼmo kaege hoyamo aliʼa vaige huʼa lusi hapaise vose aliʼyaʼmo aliʼnae. Isipi vayaʼmogimo muki afinaʼaeʼmo hapau huʼa oʼapateʼa magoʼe huʼa kana aliʼyakeʼmo apamiʼnae.

Hatu maeno apate'niya gemae 4:19

Moseseʼa Mitiyani kotegamo maiʼnigenoʼaeʼmo Gotiʼa, muki kamagisayafeʼmo huʼnaya vayaʼmo ago faliʼnayanagi Isipi kotegamo halate uvo, huno ha paiʼniye.

Hatu maeno apate'niya gemae 6:5

Isipi vayaʼaiteʼmo Isaleli vayaʼmogimo kalavusi aliʼyaʼmo neʼaliʼapaeʼmo yulagefa aiʼnaya gemo afiteʼnaeʼmo kotalakeʼnieʼmo nage okaniʼna nagesamo afiʼnove.

Hatu maeno apate'niya gemae 6:9

Inagi Moseseʼa Isaleli vayaʼaifeʼmo ani gemo hapa paiʼniyaʼmonanafa oʼafiʼnae. Apakaemo kalavusi aliʼyaʼmo aliʼa maiʼnageno apaipamoʼmo kana huʼniyaʼmofeʼmo geʼamo oʼafiʼnae.

Hatu maeno apate'niya gemae 7:7

Ani kini vekaeʼmo ha paiʼnaʼa afinaʼmo Moseseʼmo eitiʼa kafugamo maiʼnigeno Eloniʼa eiti taliʼa kafugamo maiʼniye.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Napa 20:16

Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.

Apa 7:30

Fotiʼa kafugamo utegeno Moseseʼa mago avemo agiʼamo Sainai avefiʼmo kaʼme kotega maiʼnigeno aise yosafatiʼmo atamo nelegenoʼaeʼmo Ala kava neʼmo enisole vekamo ani ata vaipiʼmo afole aiʼniye.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

1 Samiyo 12:8

Laginago vekamo Yekopuʼe afamo anaga vayaʼaʼeʼmo uʼa Isipi kotegamo maiʼnageʼapaeʼmo henagaʼamo Isipi vayaʼmogi nofi vayaʼapimogimo lapakinago vayaʼaitegamo hosu kavaʼmo huʼnae. Huʼnageʼapaeʼmo apakaemo Ala kava neʼmoʼa hapa maesiyafeʼmo keya aeʼa ge huʼnagenoʼaeʼmo agaemo Moseseʼe Eloniʼeʼmo alino anateʼnigeʼana lapakinago vayaʼmo Isipi kotegatiʼmo apavaleliʼana eʼana mani koteʼmo apateʼnaʼae.

1 Samiyo 9:16

Egamo mani agufa kanaleʼmo nagaemo mago vekamo Menisameni nofi vayapatiʼmo aliʼna atesugeno kagaetegamo egaiye. Kagaemo Isaleli vayaʼnileʼmo yagaino apatesiyafeʼmo uvelimo lakika atesanageno agaemo vayaʼnimo Filisatini vayaʼai apayapatiʼmo apakufamo alino katino apategaiye. Vayaʼnimogimo nagaefeʼmo keya aeʼa ge huʼnayaʼmofeʼmo hapa maesuvafeʼmo apakeʼnove, huno ha paiʼniye.