Hatu maeno apate'niya gemae 2:20 - The Keyagana NT and 25 OT books

²⁰ agaemo a mafaʼne anagaʼaeʼmo, ani vekamo haiyaʼaleʼmo maiʼniye. Na kava higetapaeʼmo anileʼmo ataletapa eʼnae. Utapa ani vekaeʼmo ge higenoʼao esigeta lagaeʼeʼmo magokepi neʼyaʼmo negaune, huno hapa paiʼnigeʼa uʼa Moseseʼmo avaleliʼa eʼnae.

Hatu maeno apate'niya gemae 2:20 ပူးပေါင်းရင်းမြစ်များ

Aepa Gemae 18:5

Nagaemo uʼna mago lapakufamo hamaeno alino lokiya vaino lapatesiyafeʼmo aise neʼyaʼmo aliniʼneʼna lapamisugetapa netetapaekeʼmo henagaʼamo afaʼa ugae. Lapakaemo nagae noteʼmo eʼnayaʼmofeʼmae, huno hapa paiʼnigeʼapaeʼmo kanalenagi kagaemo ani kavaʼmo afaʼa huvo, huʼa ha paiʼnae.

Aepa Gemae 29:13

Lepaniʼa ani asaʼamo mafaʼnemo Yekopu huʼniya kavafeʼmo ava gemo afitenoʼaeʼmo nagu nagu huno uno Yekopuʼmo anu kiteno haeno neteno noʼalegamo avalelino eʼniye. Yekopuʼa muki agaetegamo afole aiʼniya kavafeʼmo ava ge huno ha paiʼniye.

Aepa Gemae 31:54

Yekopuʼa ani avefiʼmo ofalinimo amiteno nofi vayaʼaeʼmo ge huʼnigeʼa eʼa neʼyaʼmo neteʼa ani haniʼilagamo ani avefiʼmo havaeʼnae.

Aepa Gemae 43:25

Yosefeʼa, Felugakukuʼmo eʼna ani konaga anagaʼeʼmo magokepi neʼyaʼmo negaune, huno huʼniya gemo hapa paiʼniyaʼmofeʼmo amuse yaʼmo fiku amisayafeʼmo aliʼa alo huʼa maiʼnae.

Hatu maeno apate'niya gemae 2:19

apakaemo ha paiʼapaeʼmo, Mago Isipi vekamoʼmo laha maeno sipisipileʼmo neʼyagaiya vayaʼai apayapatiʼmo lagufamo aliʼa katino lateʼniye. Ani vekamoʼmo sipisipitimo aniʼmo he fino apamiʼniye, huʼa ha paiʼnageno

Hatu maeno apate'niya gemae 2:21

Yetaloʼa Mosesefeʼmo, lagaeʼeʼmo lokaeka maiyo, huno ha paiʼnigeno Moseseʼa he, ani kavaʼmo huguve, huno huʼnigenoʼaeʼmo Yetaloʼa mago a mafaʼnemo agiʼamo Sipolaʼmo avaleno amiʼnigeno aliʼniye.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

Himulu 13:2

Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.