Hatu maeno apate'niya gemae 2:15 - The Keyagana NT and 25 OT books

¹⁵ Kini vekamo Feloʼa Moseseʼmo huʼniya kavafeʼmo ava gemo afitenoʼaeʼmo, Moseseʼmo amagiyo, huno huʼniyaʼmonanafa Moseseʼa kini vekalegatiʼmo ataleno aune hetaleno uno Mitiyani vayaʼai kotegamo maiʼniye. Uno avaʼyi hutenoʼaeʼmo mago ani keli kotuʼmo haopaleʼmo maiʼniye.

Hatu maeno apate'niya gemae 2:15 ပူးပေါင်းရင်းမြစ်များ

Aepa Gemae 24:11

Uneʼmo aʼne anagaʼmogimo eʼa aniʼmo he nefiya agufa kanaleʼmo uno avaʼyi huteno kamolu anagaʼamo ani keli kotuʼmo haopaleʼmo apateʼnigeʼa havaeʼa maiʼnae.

Aepa Gemae 25:4

Mitiyani mafaʼne anagaʼmo Efaʼagi Efeʼagi Hanokiʼagi Amitaʼagi Alataʼagi huʼa maiʼnae. Muki ani nofi vayaʼmo Ketula mafaʼne anagaʼmae.

Aepa Gemae 29:2

Hutenoʼaeʼmo ageʼniyana mago ani keli kotu haneʼniya yateʼmo loleʼe magoʼe sipisipi anagaʼmo maiʼnageno apakeʼniye. Ani ani keli kotuʼmo avayaleʼmo alopa yafatetiʼmo aiʼa akani maleʼnageno ageʼniye. Muki afinaʼmo ani kotupatiʼmo ani he fiʼa sipisipi anagaʼmo apamiʼnae.

Hatu maeno apate'niya gemae 18:4

Henagaʼamo anile alino ateʼniya mafaʼneʼaeʼmo, Afoʼnimo Gotiʼamoʼmo nagaemo naha maeʼnigeno Isipi kini vekamoʼmo namagiʼnigeʼna ofaliʼnove, huno huʼniyaʼmofeʼmo agiʼamo Eliyesaʼae huno ateʼniye.

Hatu maeno apate'niya gemae 4:19

Moseseʼa Mitiyani kotegamo maiʼnigenoʼaeʼmo Gotiʼa, muki kamagisayafeʼmo huʼnaya vayaʼmo ago faliʼnayanagi Isipi kotegamo halate uvo, huno ha paiʼniye.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Hamakaki 3:7

Apakeʼnovana Kusani nofi vayaʼmo hanageke yaʼmo aliʼnageʼna apakeʼnove. Mitiyani nofi vayaʼmo atete huʼnae.

Matiyu 10:23

Mago taonifatiʼmo apaini huʼa lapatesagetapaeʼmo ataletapa lapaune hetaletapa alu taonifiʼmo viyo. Lama ge lapa nepauve, huno, lapakaemo muki Isaleli vayaʼai taoniʼafi taoniʼafiʼmo uteta hutapa hano osuʼnisagenoʼaeʼmo Vemo mafaʼnemo eminegaiye.

Yoni 4:6

Ani haopalega Yekopuʼa keli kafi maleʼniya ani kotuʼmo haneʼnigeno Yesuʼa yatala kateʼmo eʼniyaʼmofeʼmo agufafilagati alaga haeʼnigeno eno ani ani kotu haopaleʼmo itopaleʼmo maiʼniye. Yegemo uno lamino falesiyafeʼmo hogo huʼniya afinaʼmo maiʼniye.

Apa 7:29

Moseseʼa ani gemo afitenoʼaeʼmo Isipi kotegatiʼmo aune hetaleno Mitiyani kotegamo uno noʼmo kiteno maiʼnenoʼaeʼmo lole mafaʼnelaʼmo alino anateʼniye.

Himulu 11:27

Kini vekamoʼmo aipamo leno ateʼniyaʼmonanafa Moseseʼa agesamo afino fatago huʼniya kavatetiʼmo koli osuno Isipi kotegatiʼmo ataleno uʼniye. Agaemo noʼagaya vekamo agetenoʼaeʼmo geʼaleʼmo oʼataleno atafauno alagi huno maiʼniye.