Hatu maeno apate'niya gemae 2:10 - The Keyagana NT and 25 OT books

¹⁰ Ani mafaʼnemo kosino alopa heʼnigenoʼaeʼmo itaʼamoʼmo avalelino uʼnigeno Felo a mafaʼnemoʼmo agaiʼa mafaʼneʼagana huno avaleno agaiʼniye. Nagaemo anipatiʼmo avaleʼnova mafaʼnemae, huteno agiʼamo Moseseʼae huno ateʼniye.

Hatu maeno apate'niya gemae 2:10 ပူးပေါင်းရင်းမြစ်များ

Aepa Gemae 16:11

Afiyo, huno, kaipaguʼeʼmo maiʼnananageka ve mafaʼnemo alika ategananagi agiʼamo Isameliʼae huka ato. Ala kava neʼmoʼa kana aliʼnana kavaʼmo ageʼniyaʼmofeʼmo Isameliʼae huka ato. Isameliʼae agimo aepaʼamo haneʼniyana Gotiʼa neʼage.

Aepa Gemae 4:25

Henagaʼamo Atamu aʼaʼeʼmo magokepi lokaeno havaeʼnigeno ve mafaʼnemo alino atetenoʼaeʼmo agiʼamo Setiʼae huno ateʼniye. Keniʼa Evoʼmo amagiʼniya vekamo aimuʼyaleʼmo maisiyafeʼmo Gotiʼa ani mafaʼneʼnimo lekana paino ateʼniyaʼmofeʼmae huteno agiʼamo Setiʼae huno ateʼniye. Setiʼae agimo aepaʼamo haneʼniyana lekana paino ateʼniya vekamae.

Aepa Gemae 48:5

Hemenimo mafaʼnekalaʼmo Ifalemiʼe Manasaʼeʼmo mani Isipi kote oʼmeʼnogekaeʼmo alika anateʼnana mafaʼnelaʼmo nagaiʼni mafaʼnelaʼmae. Lumeniʼe Simiyoniʼeʼmo mafaʼneʼnilaʼmo maiʼnaʼa kava huʼana maigaʼae.

Hatu maeno apate'niya gemae 2:9

Felo a mafaʼnemoʼmo ha painoʼaeʼmo, Ani mafaʼnemo avalelika uka nuʼmo amiteka agaika nato miyaʼmo kamiguve, huno ha paiʼniye. Inagi itaʼamoʼmo mafaʼneʼamo avalelino uno nuʼmo amiteno againo ateʼniye.

Matiyu 1:21

Agaemo ve mafaʼnemo alino atesigenoʼaeʼmo ani mafaʼnemoʼmo vayaʼamo hosu kavapatiʼmo apakufamo alino katino apategaiyaʼmofeʼmo agiʼamo Yesuʼae huka ato, huno ha paiʼniye.

Galesiya 4:5

Agaemo keʼaepa gemo afeʼalumelagamo maiʼnona vayaʼmo miya faino hatu maeno latesigeta Gotiʼa alopa mafaʼneʼamo maisunafeʼmo Yu keʼaepa gemo afeʼalumelagamo maiʼniye.

Himulu 11:24

Kini vekamo Felo aʼmafaʼnemoʼa Moseseteʼmo yagaino ateʼnigeno Moseseʼa ko sino alopa hetenoʼaeʼmo agesamo afino fatago huʼniya kavatetiʼmo hunoʼaeʼmo, Felo aʼmafaʼnemo mafaʼnemo oʼmaiʼnove, huno huʼniye.

1 Yoni 3:1

Afiyo, huʼna, Afotimoʼmo lagaefeʼmo aeto agufa kavaʼmo huno hau ayamopafiʼmo hauʼnigenoʼaeʼmo, Mafaʼneʼnimogitapae, huno nehigetaeʼmo lahau neʼaune. Ma mopafi vayaʼmogimo Gotiʼmo oʼageʼnayaʼmofeʼmo lagaeʼeʼmo lageʼa aeto nosae.

1 Samiyo 1:20

Mago afinaʼmo utegeno Hanaʼa aipaguʼeʼmo maiteno ve mafaʼnemo alino ateʼniye. Agaemo hunoʼaeʼmo, Nagaemo Ala kava nefeʼmo namiyo, huʼna ge huʼna afigeʼnovaʼmofeʼmo agiʼamo Samiyoʼae, huʼna ategauve. Samiyoʼae agimo aepaʼamo Gotiʼa geʼnimo afiʼniye.