Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 19:24 - The Keyagana NT and 25 OT books

24 Ala kava neʼmoʼa geʼaleʼmo aeno atagaina hunoʼaeʼmo, Kagaemo uka lamika Eloniʼmo avalelika eka haikeno. Haikeganaʼmonanafa mono huʼa neʼapataya vayaʼe muki vayaʼeʼmo ka akani maleʼnana kaʼmo aeʼa haleʼa avefiʼmo eʼa hai oʼmegae. Fiku yanageʼna kayoʼmo apamiguve, huno ha paiʼniye.

အခန်းကိုကြည့်ပါ။ ကော်ပီ




Hatu maeno apate'niya gemae 19:24
20 ပူးပေါင်းရင်းမြစ်များ  

Kagaemo avemo aiyaʼafiʼmo vayaʼmo afaʼa oʼmesayafeʼmo kaʼmo akanika vego hu malo. Hu maleteka ina ge huka hapa paiyo. Ehetapiye, huka, lapakaemo kaʼmo akani malesaya yaʼmo aeta haletapa avefiʼmo ohaige avemo aiyafiʼmo oʼmege aveleʼmo ame oʼalige hiyo, huka hapa paiyo. Ina lagimo aveleʼmo ame alisafi kamitimo apamagigae.


Moseseʼa ani gemo afitenoʼaeʼmo uno lamino vayaʼaifeʼmo ani gemo hapa paiʼniye.


Ala kava neʼmoʼa Mosesefeʼmo ina ge huno ha paiʼniye. Kagaikagi Eloniʼagi Nenapuʼagi Amihuʼagi sevetiʼa Isaleli vayatama vayanagi hutapa nagaetegamo avefiʼmo eta haiteyo. Apakaemo aise afagiʼaleʼmo maiʼneʼa nagaetefeʼmo mono hugae.


Moseseʼagi Eloniʼagi Nenapuʼagi Amihuʼagi sevetiʼa Isaleli vayatama vayanagi huʼa avefiʼmo uʼa haiʼa ageʼnayana


Yoniʼa aeno hakalo huno hapa paiʼniya afinatetiʼmo afela heʼnaya vayakana huʼa apaya mukiki nehaya vayaʼmogi Gotiʼa yagaino neʼapateya koteʼmo apaya mukiki huʼa uʼa haite haite huʼa hemeniʼeʼmo uʼa nehaiye.


aise kipapiʼmo uta haisayafeʼmo lapaya mukiki hiyo. Nagaemo lapa paiʼnaeʼmo, asole vayaʼmo uʼa haisayafeʼmo hugayaʼmonanafa afaʼa uʼa ohaigae.


Keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼmogi geʼapiʼeʼmo haneme haneme neʼegenoʼaeʼmo Yoniʼa afole aiʼniye. Yoniʼa afole aiʼniya afinatetiʼmo Gotiʼa yagaino neʼapateya kavafeʼmo alagepa faigoko geʼamo aeta hakalo huta hapa paime hapa paime eta hemeniʼeʼmo hapa nepaunageʼapaeʼmo muki vayaʼmo afela heʼnaya vayakana huʼa apaya mukiki huʼa uʼa faleʼa nehaiye.


Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.


Na kava higenoʼaene. Keʼaepa geʼamo ohaneʼniyesinana keʼaepa geʼamo amagiʼa noʼatalaesine. Hiyaʼmonanafa keʼaepa geʼamo haneʼniyaʼmofeʼmo aipamo leno neʼapateya kayoʼmo apamisiya agufa kavaʼmo alino afole aino neʼate.


Gotiʼa mani keʼaepa geʼamoʼmo na agufa aliʼyaʼmo alisiyafeʼmo apamiʼniye. Gotiʼa keʼaepa geʼaletiʼmo kaʼmo akani maleʼnisigeʼa Yu vayaʼmogimo hosu kavaʼmo osisayafeʼmo polomasi geʼeʼmo alino magokepi lokaeno maleʼniye. Keʼaepa geʼamo haneme haneme neʼesigeno Emalehamu aginago vekamo emiʼnegaiye, huno agesamo afiʼniye. Gotiʼa ani aginago vekaeʼmo, fikumo kaha maeʼna kamiguve, huno polomasi gemo huno ha paiʼniye. Goti keʼaepa geʼamo enisole vayaʼai apavayafatiʼmo Moseseʼa folagapi vekaeʼmo ha paiʼnageno Yu vayaʼaifeʼmo hapa paiʼniye.


Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.


Gotitimoʼmo atafiʼmo kaeʼnageno leno saga neliya atagana huno maiʼniyaʼmofeʼmae.


Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ