Hatu maeno apate'niya gemae 19:18 - The Keyagana NT and 25 OT books

¹⁸ Ala kava neʼmo ata vaipiʼmo maiteno emineʼniyaʼmofeʼmo Sainai avefatiʼmo halinamoʼmo huteno avemo aino atikaeʼniye. Alopa sitopufatiʼmo lusi kava huno halinamo ailino uno nehaiya kava huno halinamo aiʼnigeno avefiʼmo alopa imimaʼmo aliʼniye.

Hatu maeno apate'niya gemae 19:18 ပူးပေါင်းရင်းမြစ်များ

Aepa Gemae 11:5

Huʼnayaʼmonanafa Ala kava neʼmoʼa kiʼnaya taonimo agege yatala noʼmo agege hisiyafeʼmo emineʼniye.

Aepa Gemae 15:17

Yegemo uno lamino faletegeno hani huʼnigenoʼaeʼmo halina neʼaiya alopa sitopumoʼe aeno ha neleya kaniʼmoʼeʼmo lole hetamalaʼani folagapatiʼmo uʼniye.

Aepa Gemae 19:28

Agaemo he tino aulu heno ageyana Satomi taonifatiʼe Gomola taonifatiʼenagi muki otu kotegatinagi huno alopa sitopufatiʼmo lusi halinamo neʼaiya kava huno aiʼnigeno ageʼniye.

Samu 104:32

Agaemo mopaleʼmo aulu haeno neʼagegenoʼaeʼmo mopamoʼmo atete nehiye. Agaemo aveleʼmo ayatetiʼmo ame neʼaligenoʼaeʼmo avefatiʼmo halinamo neʼaiye.

Samu 114:4

Alopa avemogimo ve sipisipi anagaʼmogimo aeʼa hailo hailo nehaya agufa kavaʼmo huge aise avemogimo aikeli sipisipi anagaʼmogimo aeʼa hailo nehaya agufa kavaʼmo huge huʼnae.

Samu 114:7

Mopamogae, huʼna, Ala kava neʼmoʼmo emineʼniyanagi koli huteka ateteʼmo huvo. He, Yekopu vayaʼmogi Gotiʼapimo emineʼniyanagi kamoʼyamo aiyo.

Samu 18:9

Agaemo kokuʼnaʼmo alino kafage kilino emineʼniye. Aiyafiʼmo anupa hiyaʼmo haneʼniye.

Samu 68:9

O Gotiyo, huʼna, Kagaemo koʼmo aiyo, huka huʼnanageno alopa koʼmo aiʼnigeno hosu mopakamo halate kanale mopamo hamaleʼniye.

Samu 77:18

Kagaemo alopa kagemo huʼnanageno hiyapatiʼmo vego vego nehiya yasimo folagapatiʼmo hakalu huʼniye.

Samu 77:19

Kagaemo solovala aniʼmo folagapiʼmo uʼnane. Kagae kakamo alopa solovala aniʼmo falagapiʼmo haneʼniyaʼmonanafa lagaemo kaiyakamo oʼageʼnone.

Hatu maeno apate'niya gemae 19:13

Apayatetiʼmo apagufaleʼmo apatafauʼneʼa oʼapamagiyo. Yafa kayotetiʼmo apamagige keveletiʼmo hapaege hugae. Mago vekamoʼmofi afumoʼmofi huno ka akani maleʼnisaya yaʼmo aeno haleno uno haisigeʼapaeʼmo kamitimo amagisageno faligiye. Pikulimoʼmo yatala afinaʼmo age aitesigetapaeʼmo ave haopaleʼmo afaʼa egae, huno ha paiʼniye.

Hatu maeno apate'niya gemae 19:17

Moseseʼa seli noʼapiletiʼmo Gotiʼeʼmo uʼa fotu hisayafeʼmo apavalelino uʼnigeʼa uʼa avemo aiyafiʼmo maiʼnae.

Hatu maeno apate'niya gemae 20:18

Hakalu huteno alino alave huteno aeno haleʼnigeno pikulimoʼmo age aiʼniya kavaʼmo muki vayaʼmogimo ageteʼa afiʼnae. Avefatiʼmo alopa halinamo aiʼnigeʼa ageteʼapaeʼmo koli huteʼa aveletiʼmo ataleʼa alime alime uʼa afagiʼaleʼmo he tiʼa maiʼnae.

Hatu maeno apate'niya gemae 24:17

Ala kava neʼmo ha le konali yaʼamoʼa Isaleli vayaʼai apaulagaleʼmo avefiʼmo alopa atamo leteno muki yaʼmo leno sagalino hano nehiya agufa kava huʼnigeʼa ageʼnae.

Hatu maeno apate'niya gemae 3:2

Ala kava neʼmo enisole vekaʼamo mago aise yosafiʼmo atamo nelegeno ani ata vaipiʼmo afole aiʼnigeno Moseseʼa ageʼniye. Ageʼniyana atamo ani yosafiʼmo leʼniyaʼmonanafa ani yosamo leno saga oliʼniye.

Hatu maeno apate'niya gemae 34:2

Netepiʼmo alo huteka Sainai avefiʼmo eka haikeka aveʼafiʼmo naulagaleʼmo he tika maiyo.

Aiyeya 6:4

Alopa gefatiʼmo nehagenoʼaeʼmo kipateʼmo lole posilaʼmoʼa uti uti aiʼnigeno halinamoʼmo ani nopiʼmo havai teʼniye.

Aiyeya 64:1

O Ala kava nene, huta, lagaemo lahauʼniyanagi kagaemo kokuʼnaʼmo alika halo aiteka eka emikegeʼapao kaulagaleʼmo avemogimo atete hisayafeʼmae.

Hamakaki 3:6

Agaemo he tino mopamo agetenoʼaeʼmo hakumo maleno apateʼniye. Apaketenoʼaeʼmo alu nofi vaya alu nofi vayaʼmo alino hapa faino apataleʼnigeʼa atagu faeʼa uʼeʼa huʼnae. Hanege hanege huno nehaneya avemo aino anakupaeno asagauno aiʼniye. Akeyaʼvilagamo haneʼnaya aveʼamo aiʼa anakupaeʼa asagau aiʼnae. Gotiʼa nehiya kavaʼmo muki afinaʼmo hanege hanege huno nehane.

Matiyu 24:7

Mago nofi vayaʼmogi alu nofi vayaʼeʼmo kamemo huge mago gamani vayaʼmogi alu gamani vayaʼeʼmo kame huge muki haopalega kafu hu kavaʼmo afole aige imimaʼmo alige hugiye.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

Himulu 12:18

Akeyaʼvilagamo Isaleli vayaʼmogi atafa kotalakemo afisayafeʼmo avemo agiʼamo Sainai avemo aiyafiʼmo uʼa maiʼnayana lapakaemo ame oʼalisaya aveleʼmo etapa maiʼnae. Ani avefiʼmo alopa atamo kaeʼnigeno lusi haniʼmo huʼnigenoʼaeʼmo lusi yasimo aliʼnigeno pikulimo huʼnigeno lokiya gefatiʼmo huʼniye. Ani gemo huʼnigeʼa Isaleli vayaʼmogi afiteʼapaeʼmo, kahao ke honanagi, magoʼe huno ani gemo laha opaino, huʼa ha paiʼnae.

Himulu 12:26

Gotiʼa akeyaʼvilagamo ge huʼnigenoʼaeʼmo imima aliʼnigeno ma mopamoʼmo kanage kanage huʼniyaʼmonanafa hemeni afinafeʼmo lapa maegauve, huno hu maleʼniya gemoʼmo hunoʼaeʼmo, halate mopaʼageʼmo aliʼna kanage kanage osugufa kokuʼnaʼeʼmo aliʼna kanage kanage huguve, huno hu maleʼniye.

2 Pita 3:10

Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.

Leveleseni 15:8

Gotiʼa ha le konali yaʼaʼe ayamufaʼamoʼeʼmo ata legekana huno nelegeno halinamo ailino aote mono nopiʼmo uno haino havai teʼnigeʼapaeʼmo muki vayaʼamo afaʼa uʼa haiʼa oʼuʼnisageʼapaeʼmo seveniʼa enisole vayaʼmogimo seveniʼa kayotetiʼmo apamagime apamagime uʼa apamagiʼa hano hutesageʼapaekeʼmo afaʼa uʼa haigae.

Leveleseni 9:2

Agaemo ive kelile kitamo yakiʼnigeno lusi kava huno halinamo aiʼnigenoʼaeʼmo yegemoʼe kokuʼnaʼmoʼeʼmo hani huʼniye.