Hatu maeno apate'niya gemae 18:21 - The Keyagana NT and 25 OT books

²¹ Kagaemo muki vayapatiʼmo alagepa huʼa aliʼyaʼmo alisaya vayaʼmo maige Gotifeʼmo koli huge lama gemo huge hapaʼye osuge huʼa maiʼnisaya vayaʼmo lekana paika apato. Magoʼamogimo vani tauseniʼa vayaʼaiteʼmo yagaiʼa apatege magoʼamogimo vani hataletiʼa vayaʼaiteʼmo yagaiʼa apatege magoʼamogimo fifitiʼa vayaʼaiteʼmo yagaiʼa apatege magoʼamogimo teniʼa vayaʼaiteʼmo yagaiʼa apatege hugae.

Hatu maeno apate'niya gemae 18:21 ပူးပေါင်းရင်းမြစ်များ

Aepa Gemae 22:12

Ha paiʼnigenoʼaeʼmo enisole vekamoʼmo, mafaʼnekamo lugoʼamo ohatagauka agaetegamo mago agufa kavaʼmo osuvo. Kagaemo ani magoke mafaʼnekamo namisanafeʼmo agegeka oʼateʼnanaʼmofeʼmo nagaemo kageʼnovana Gotifeʼmo kaipafatiʼmo koli huʼneka mono nehane, huno ha paiʼniye.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Aepa Gemae 47:6

Muki Isipi kote mopamo ageʼnane. Kagaemo afokamoʼe konagakamogiʼeʼmo Goseni koteʼmo kanale hogote mopamo afaʼa apamisanageʼa maigae. Inagi kagaemo apakaepatiʼmo pulumakale yagaisaya kavaʼmo ageʼa alagepa huʼnisaya vayaʼmo apakeʼnisana vayaʼmo alika apategeʼa pulumakaʼnileʼmo yagaigae, huno ha paiʼniye.

1 Kini 18:12

Nagaemo kataleʼna neʼvisugenoʼaeʼmo Ala kava neʼmo Aunemeʼamoʼmo nagaemo mago oʼageʼnisuva kotegamo kavalelino ugiye. Nagaemo uʼna Ehapifeʼmo ha paisugeno Ehapiʼmo eno kagaefeʼmo kahauya hisiyana okagenoʼaeʼmo kamitimo namagigiye. Nagaefeʼmo kagesa afiyo. Nagaemo aliʼyakamo neʼaluva vekamoʼnamo neya mafaʼnemo maiʼnova afinatetiʼmo Ala kava nefeʼmo koli hume hume eʼna hemenimo maiʼnove.

1 Kini 18:3

Kafu huʼnageno kini vekamo Ehapiʼmo alopa noʼaleʼmo neʼyagaiya vekamo Omanaiyafeʼmo keya aeno ge huʼnigeno eʼniye. Omanaiyaʼmo Ala kava nefeʼmo lusi kava huno koli huʼniya vekamae.

Esala 7:25

Esalao, huʼna, afiyo. Gotikamoʼmo afiteka ageʼnana kavaʼmo kamiʼniya kavatetiʼmo muki vayaʼaiteʼmo alagepa huʼa yagaiʼa apatesayafeʼmo agoti gemo neʼafiya vayaʼe yasi vayaʼeʼmo lekana paika apategeʼapao muki vayaʼmogi aniʼmo mugagayaga faliga koteʼmo maiʼnaya vayaʼmogimo alagepa huʼa aliʼa fako huʼa apateyo. Goti keʼaepa gemo akame nehaya vayaʼmo lekana paika apato. Kagaemo Goti keʼaepa gemo oʼafiʼnaya vayaʼaina alika apaya malo.

Samu 15:1

Ala kava nene, huʼna, haiya agufa vayaʼmogimo seli mono nokafiʼmo afaʼa uʼa haiʼa maigae. Haiya agufa vayaʼmogimo kaote aveleʼmo afaʼa uʼa haiʼa maigae.

Samu 15:5

akamelegatiʼmo magoʼe monimo oʼalige vaiʼmo oʼapamiʼnaya vayaʼaitegamo hosu kavaʼmo hisayafeʼmo kutulu monimo ohagege huʼa neʼmaiya vayaʼmogimo uʼa haiʼa maigae. Aliʼa hapa ofaisageʼa ani agufa kavaʼmo nehisaya vayaʼmogimo muki afinaʼaeʼmo maige maige huʼa maigae.

Hatu maeno apate'niya gemae 17:9

Moseseʼa Yasuvafeʼmo ha painoʼaeʼmo, Lapakaepatiʼmo mago vayaʼmo lekana paika apavalelikuka Amaleki vayaʼeʼmo kamemo huvo. Egamo nagaemo aise avefiʼmo uʼna haiʼna Goti kayoʼamo nayapiʼmo aliteʼna he tiʼna maiʼnegauve, huno ha paiʼniye.

Hatu maeno apate'niya gemae 18:25

Moseseʼa muki Isaleli vayapatiʼmo alagepa huʼa aliʼyaʼmo alisaya agufa vayaʼmo lekana paino apateʼniye. Vani tauseniʼa vayaʼaiteʼmo yagaiʼa apatege hataletiʼa vayaʼaiteʼmo yagaiʼa apatege fifitiʼa vayaʼaiteʼmo yagaiʼa apatege teniʼa vayaʼaiteʼmo yagaiʼa apatege hisaya vayaʼmo lekana paino apateʼniye.

Mai'naya kavane 28:2

Mago kotega maiʼnaya vayaʼmogimo gamani vayaʼai geʼapimo oʼafiʼa kamemo hisayaʼmoʼmo yagaiʼa apatesaya vayaʼmo asole vayaʼmo afole aite aite nehayaʼmonanafa afino aeto huteno ageʼniya vekamoʼmo alagepa huno yagaino apatesiyaʼmoʼmo koʼapimo alagepa huno hanege hanege huno hanegaiye.

Aiyeya 33:15

Haiya vayaʼmogi anaga avefiʼmo lokiya yafapiʼmo alagepa huʼa maigae. Vaiʼmo oʼaliʼa fatago kavaʼmo huge fatago gemo huge hosu kavatetiʼmo afole neʼaiya monimo alisayafeʼmo ohapauge kutulu monieʼmo alagi ohapauge vayaʼmo apamagisaya gemo oʼafige hosu kavaʼmo oʼagesayafeʼmo apaulagamo ali huge hunigeʼa neʼmaiya vayane.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Luki 18:2

Agaemo hunoʼaeʼmo, mago agoti gemo neʼafiya vekamo mago taonifiʼmo maiʼniya vekamoʼmo Gotifeʼmo koli osuge muki vayaʼaifeʼmo koli osuge huno maiʼniye.

Luki 18:4

Hogoteno ha oʼmaeʼniyaʼmonafa henagaʼamo aipafiʼmo agesamo afinoʼaeʼmo, Gotifeʼmo koli osuge vayaʼaifeʼmo koli osuge huʼnovaʼmonanafa

Apa 20:33

Nagaemo vayaʼai monimofi kagemi yaʼapimofi kukena yaʼapimofi huʼna alisuvafeʼmo nahaʼye osuʼnove.

Apa 6:3

Vayatimogitapae, huʼa, Lapakaitapigeʼmo lapakaepati mago seveniʼa vayaʼmo lekana paitapa apateyo. Kanale vayaʼmo Goti Aunemeʼamoʼmo apaipafiʼmo havai teʼnisiya vayaʼmogi alagepa huʼa apakesa neʼafiya vayaʼmo lekana paita apateteta aliʼa fako huʼa apamisaya aliʼyaʼmo apamigune.

1 Timoti 3:3

Lusi aniʼmo neteno negi nagi osuge kaveta osuge monieʼmo haʼye osuge huteno yagu yaga huno maige ge neʼvaiya kavafeʼmo ohauge ma mopafi yafeʼmo lusi kava huno ohauge hisiya vekamoʼmo maigiye.

Yasuva 22:14

Yagaiʼa apateʼnaya vayaʼmo naya loleʼa vayaʼmogi Finehasiʼmo avagi huʼa uʼnae. Apakaemo ani vayaʼmo naya loleʼa Isaleli nofi vayapatiʼmo apakaiʼapi afamo anaga nofi vayaʼaiteʼmo yagaiʼa neʼapataya vayaʼmae.

1 Samiyo 8:12

Kini vekamoʼmo mago vayaʼmo lekana paino apatesigeʼa vani tauseniʼa ati vayaʼaiteʼmo yagaiʼa apatege fifitiʼa ati vayaʼaiteʼmo yagaiʼa apatege hisaya kavaʼmo hugiye. Mago ve mafaʼne anagatapimogimo hoyaʼamo aiʼyumo aige magoʼamogimo hoyaʼafatiʼmo afu lesiya neʼyaʼmo alige magoʼamogimo kame hisaya yaʼmo alo huge magoʼamogimo kame talalaʼafatiʼmo kame hisaya yaʼmo alo huge hugae.

1 Samiyo 8:3

Afiʼnaʼaʼmonanafa anakaemo afoʼanimoʼmo huʼniya kavaʼmo akame osuʼnaʼae. Anakaemo moni alisaʼafeʼmo hosu kavaʼmo huge hosu kavaʼmo hisaʼafeʼmo monimo alige agoti gemo afiʼana hosu huteʼanaeʼmo gemo alagepa huʼana aliʼana api oʼaige huʼnaʼae.