Hatu maeno apate'niya gemae 18:19 - The Keyagana NT and 25 OT books

¹⁹ Hemenimo geʼnimo afiyo. Aliʼyakamo alagepa huno afole aisiya kavafeʼmo kaha paigesuve. Kaha paisugenoʼaeʼmo Gotiʼa kagaeʼeʼmo magokepi lokaeno maigiye. Kagaemo vayaʼmogi kana yaʼapimo alinika uka Gotiʼmo amisanafeʼmo vayaʼaitefeʼmo Goti aulagaleʼmo he tika maigane.

Hatu maeno apate'niya gemae 18:19 ပူးပေါင်းရင်းမြစ်များ

Aepa Gemae 39:2

Ala kava neʼmoʼa Yosefeʼeʼmo lokaeno maiʼniyaʼmofeʼmo Yosefeʼa muki huʼniya kavaʼamo alagepa kavaʼageʼmo afole aiʼniye. Aliʼyaʼmo afoʼamoʼmo Isipi nofi vekamo nopiʼmo maiʼniye.

Hatu maeno apate'niya gemae 18:15

Moseseʼa ha painoʼaeʼmo, Vayaʼmogimo Gotiʼa ge hisiya gemo afisayafeʼmo nagaetegamo eʼnae.

Hatu maeno apate'niya gemae 18:20

Kagaemo Goti geʼamo avoʼmo kae maleʼnaya geʼe keʼaepa geʼeʼmo alika apaya malege akame huʼa visaya kaʼmo alika apave lige aliʼyaʼmo alisayafeʼmo ani kavaʼmo hutapa aliʼyaʼmo aliyo, huka hapa paige hugane.

Hatu maeno apate'niya gemae 18:24

Inagi Moseseʼa ayemoʼamoʼmo huʼniya gemo akame huno muki aliyo, huno ha paiʼniya aliʼyaʼmo aliʼniye.

Hatu maeno apate'niya gemae 20:19

Apakaemo Mosesefeʼmo ha paiʼapaeʼmo, Kagaekeʼmo laha paigeta afino. Gotiʼa laha paisiyaʼmoʼmo fiku yanageta faligune, huʼa huʼnae.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 4:12

Ani kavaʼmo nehuvaʼmofeʼmo hemenimo afa uvo. Nagaemo hisana gemo kaha maeʼna kaha paisugeka hugane, huno ha paiʼniye.

Hatu maeno apate'niya gemae 4:16

Eloniʼmo kagae kavayaʼmo alino muki vayaʼaifeʼmo hapa paigiye. Kagaemo agaeteʼmo Gotigagana huka maiʼneka ha paisanageno aeno hakalo huno hapa paigiye.

Mai'naya kavane 9:9

Kagaemo afiteno neʼageya vekamo alika aya malesanageno magoʼe huno afiteno agegaiye. Kagaemo fatago vekamo alika aya malesanageno afiʼniya kavaʼaleʼmo magoʼe huno afigiye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.