Hatu maeno apate'niya gemae 17:6 - The Keyagana NT and 25 OT books

⁶ Afiyo, huʼna, Nagaemo kaulagaleʼmo Holepi avefiʼmo haneʼniya yafateʼmo he tiʼna maiguve. Kagaemo eka haopaleʼmo maiʼnekaeʼmo yafapiʼmo neʼamagigenoʼao vayaʼmogimo nesaya aniʼmo eminegaiye, huno ha paiʼnigeno Moseseʼa Isaleli vayapati vayatama vayaʼmogi apaulagaleʼmo ani kavaʼmo huʼnigeno aniʼmo emineʼniye.

Hatu maeno apate'niya gemae 17:6 ပူးပေါင်းရင်းမြစ်များ

Samu 105:41

Agaemo aniʼmo ohaneʼniya kotegamo yafapiʼmo amagino apalo atiʼnigeno yafapatiʼmo alopa anikefamo emineʼnigeʼa neʼnae.

Samu 114:8

Agaemo yafaʼmo alino hamaleʼnigeno ani kotuʼmo afole aiʼniye. Lokiya yafaʼmo aino apalo atiʼnigeno meti aniʼmo eno haineʼniye.

Samu 46:4

Gotiʼa Ala kava neʼmo aeno apakaseʼniya vekamo maiʼniya aote taonifiʼmo maiʼnaya vayaʼmogimo mago aniʼmo uno nelamisigeʼapaeʼmo apamogaga aigae.

Samu 78:18

Gotifeʼmo, lahauʼniya neʼyaʼmo lamiyo, huʼa amalageka huʼnae.

Samu 78:20

Agaemo yafapiʼmo amagiʼnigeno alopa aniʼmo eminetenoʼaeʼmo ani aniʼmo afaʼa heʼniye. Ani kavaʼmo huʼniyaʼmonanafa neʼyaʼe afumo ameʼaʼeʼmo afaʼa lamigifiye, huʼa huʼnae.

Samu 81:7

Lapakaemo nagaefeʼmo keya aeʼnageʼna hanageke kavapatiʼmo lapavaleliʼna uʼnove. Nagaemo hiyapiʼmo fala kiʼna hakalu nehiya hiyapatiʼmo getapileʼmo aeʼna atagaina huʼna lapa paiʼnove. Nagaemo Melima ani kotuteʼmo lapamalageka huʼnove.

Hatu maeno apate'niya gemae 14:16

Hayopa kayokamo alika asagauliʼneka solovala aniteʼmo akoʼya huʼnegenoʼao aniʼmo aino akaka vaesigeno aniʼmo folagapiʼmo mopamo hau huʼninageʼa Isaleli vayaʼmo ugae.

Hatu maeno apate'niya gemae 16:10

Eloniʼa Isaleli vayaʼaifeʼmo ani gemo hapa nepaigeʼapaeʼmo aiʼa afe leʼa kaʼme kotegamo aulu heʼa ageʼnayana Ala kava neʼmo ha le konali yaʼamo hiyapiʼmo afole aiʼnigeʼa ageʼnae.

Napa 20:8

Hayopa kayokamo aliyo. Kagaeʼe nepukamo Eloniʼeʼmo muki vayaʼmo alitana anupa hutana apateʼao. Kagaemo apaulagaleʼmo mani alopa yafapifeʼmo ge nehugenoʼa aniʼmo afole aino. Ge hisanageno aniʼmo afole aisigeʼapaeʼmo muki vayanagi pulumaka anaganagi sipisipi anaganagi huʼa negae.

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

1 Kolitiyani 10:4

Ani kava huʼa magoke agufa aniʼmo Goti Aunemeʼamoʼmo apamiʼniya aniʼmo magokepi neʼnae. Apakaemo Goti Aunemeʼamoʼmo apamiʼniya aniʼmo apakaeʼeʼmo magokepi lokaeno uʼniya yafapatiʼmo emineʼniya aniʼmo neme neme uʼnae. Ani yafaʼmo Kalaisiʼa maiʼniye.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.