Hatu maeno apate'niya gemae 16:4 - The Keyagana NT and 25 OT books

⁴ Inagi Ala kava neʼmoʼa Mosesefeʼmo ina ge huno ha paiʼniye. Nagaemo kokuʼnapatiʼmo peleti mayamo aliʼna yaga ausugeno ko aigekana huno asagauno aisigeʼa muki vayaʼmo kumatega uʼa lamiʼa magoke afinaʼmo nesaya agufa neʼyaʼmo aligae. Nagaemo keʼaepa geʼnimo akame hisafi osisafigeʼna ani kavatetiʼmo apamalageka huʼna apakegauve.

Hatu maeno apate'niya gemae 16:4 ပူးပေါင်းရင်းမြစ်များ

Samu 105:40

Apakaemo Gotifeʼmo ge huʼa afi geʼnagenoʼaeʼmo hifakana agufa nama anagaʼmo alino apateʼnigeʼa haleli uʼa maiʼnageʼa apatafauʼa kaeʼa neʼnae. Agaemo lusi neʼyaʼmo kokuʼnapatiʼmo apamiʼnigeʼa aliʼa neʼa apamu huʼnae.

Samu 78:23

Apakesamo afiʼa fatago osuʼnayaʼmonanafa kokuʼnafeʼmo aika akaka vao, huno huʼnigeno aino akaka vaeʼnigeno koʼmo aigekana huno mago neʼyaʼmo agiʼamo mana neʼyaʼmo asagauno aiʼnigeʼa aliʼa neʼnae.

Hatu maeno apate'niya gemae 15:25

Inagi Moseseʼa Ala kava nefeʼmo alopa gefatiʼmo nunumuʼmo huʼnigeno Ala kava neʼmoʼa mago yosamo ave liʼnigeno ani yosamo loʼaeno anipiʼmo yaga auʼnigeno ani aniʼmoʼa kanale huʼnigeʼa neʼnae. Ala kava neʼmoʼa ani koteʼmo apamalageka huʼniye. Ani koteʼmo mago keʼaepa gemo apamiʼniye.

Hatu maeno apate'niya gemae 16:15

Isaleli vayaʼmogimo ani yaʼmo ageteʼapaeʼmo oʼageʼnaya yaʼmo ageʼnayaʼmofeʼmo mani yaʼmo na agufa yane, huʼa huʼnae. Huʼnagenoʼaeʼmo Moseseʼa hapa painoʼaeʼmo, Ala kava neʼmoʼa peleti mayagana hutapa nesayafeʼmo lapamiʼniye.

Mai'naya kavane 30:8

Ma mopafi muki afa kavaʼe aigofe geʼeʼmo nagaetegatiʼmo alika afagitegamo yaga auka atalo. Kafu hisuva kavaʼmo osuge asole kagemi yaʼnimo hanesiya kavaʼmo osuge huvo. Na magi yaʼmo kamiguve, huka hisapi afaʼa namiyo.

Matiyu 6:11

Hemenimo nesuna neʼyaʼmo lamiyo.

Luki 11:3

Muki felugaʼae felugaʼaeʼmo hemenimo nesuna neʼyaʼmo lamiyo.

1 Kolitiyani 10:3

Muki vayaʼamogimo magoke agufa neʼyaʼmo Goti Aunemeʼamoʼmo apamiʼniya neʼyaʼmo aliʼa neʼnae.

Yasuva 24:15

Lapakaemo Ala kava neʼmo akame hisayafeʼmo olapauʼnisiyana apakame hisaya gotigimo hemenimo lekana paiyo. Lapakaemo lapakinago vayaʼmogi Yufaleti aniʼmo mugagayaga faliga maiʼneʼapaeʼmo aigofe gotigimo apakame huʼnaya gotigimo apakame hisafi hemenimo lapakaemo Emo vayaʼmogi mopaʼapileʼmo maiʼnetapaeʼmo Emo vayaʼmogi gotiʼapimogimo apakame hugae. Lagaetefeʼmo nagaiʼniʼe afamo anagaʼniʼeʼmo lagaemo Ala kava nekeʼmo akame huta aliʼyaʼamo aligune