Hatu maeno apate'niya gemae 15:20 - The Keyagana NT and 25 OT books

²⁰ Gotitegati gemo alinineno aeno hakalo huno hapa nepaiya a kanomo Miliyamuʼa Eloni asaʼamoʼmo mago yaveʼyamo aliʼnigeʼa muki aʼne anagaʼmogimo yaveʼyamo aliteʼa uʼa Miliyamuʼmo akame huʼa neʼuʼapaeʼmo yaveʼyamo amagiʼa yokemo huʼa omo hageliʼa uʼnae.

Hatu maeno apate'niya gemae 15:20 ပူးပေါင်းရင်းမြစ်များ

Aepa Gemae 31:27

Na kava higekaeʼmo naha opaika kesi katetiʼmo kaune heka ugefeʼmo huʼnane. Naha paiʼnanesinana hogoteta gita amagita lamogaga aita yoke huta kavalelita eʼnonesine.

Samu 149:3

Apaiya aeʼa ohagesaya kavatetiʼmo ala agiʼamo amiyo. Gitamo amagitapa yokemo huta agiʼaleʼmo alita asaga hiyo.

Samu 150:4

Yaveʼyamo amagitapa lapaiyamo aetapa agiʼaleʼmo alita asaga hiyo. Gitamo neʼamagitapa kapufa gemo hutapa agiʼaleʼmo alita asaga hiyo.

Samu 30:11

Kagaemo naipafatiʼmo kana huʼniya kavaʼmo alika ataleteka namogaga aisuva kavaʼmo namiʼnane. Kogu kukenamo asagika ataleteka namogaga aisuva kukenamo vaika nateʼnane.

Samu 68:11

Ala kava neʼmoʼa hunoʼaeʼmo, Afole aiʼniya kavafeʼmo ava gemo alinitapa uta hapa paiyo, huno hapa paiʼnigeʼa asole vayaʼmo Saiyoni vayaʼmogimo aliniʼa uʼnae.

Samu 68:25

Yokemo nehaya vayaʼmogi uʼa hogotetageʼa alagepa agemo neʼaiya yapiʼmo fu huge alagepa agemo neʼaiya yateʼmo amagige huʼnaya vayaʼmo apakame huʼa uʼnageʼa aise yaveʼyamo aiʼnaya aʼmafaʼne anagaʼmo folagapiʼmo uʼnae.

Samu 68:26

Apakaemo ina ge huʼa yokemo huʼapaeʼmo, Alita anupa hutapa maiʼnaya vayaʼmogitapae, huʼa, Gotifeʼmo alitapa auleta ateyo. Isaleli aginagomogitapae, huʼna, Ala kava nefeʼmo alita auleta ateyo, huʼa huʼnae.

Samu 81:2

Alagepa agemo aisiya agufa yateʼmo amagiyo.

Hatu maeno apate'niya gemae 2:4

Ani mafaʼnemo asaʼamoʼmo mago aise afagiʼaleʼmo he tino maiʼneno ani mafaʼneleʼmo na agufa kavaʼmo afole aisifi, huno ageno maiʼniye.

Maika 6:4

Nagaemo Isipi kotegatiʼmo kalavusi aliʼyapatiʼmo hatu maeʼna lapateteʼna lapavaleliʼna eʼnove. Nagaemo Moseseʼagi Eloniʼagi Miliyamuʼagi huʼna yagaiʼa lapatesayafeʼmo lekana paiʼna apateteʼna aliʼna apateʼnogeʼa lapavaleliʼa eʼnae.

Napa 12:1

Moseseʼmo Itiyopiya kotegatiʼmo mago a kanomo aliʼniyaʼmofeʼmo ani kavatefeʼmo Miliyamuʼe Eloniʼeʼmo Mosesefeʼmo hosu gemo huʼana ge hauʼnaʼae.

Napa 12:2

Anakaemo ina gemo huʼanaeʼmo, Ala kava neʼmoʼa Mosese avayaletikeʼmo gemo aeno hakalo huno hapa paiʼnifiye. Haʼao. Agaemo laʼagae laʼavayaletiʼeʼmo gemo aeno hakalo huno hapa opaiʼnifiye, huʼana huʼnaʼae. Ala kava neʼmoʼa ani gemo afiʼniye.

Napa 20:1

Vani kaileʼmo muki Isaleli vayaʼmo Yini kaʼme kotegamo uʼa avaʼyi huteʼa Kenesi taonifiʼmo uʼa maiʼnagenoʼaeʼmo Miliyamuʼmo Eloniʼe Moseseʼeʼmo anasaʼanimoʼmo faliʼnigeʼa kiʼa ateʼnae.

Luki 2:36

Mago anekalo kanomoʼmo Gotitegati gemo alinineno aeno hakalo huno hapa nepaiya anekalomo agiʼamo Anaʼmo maiʼniye. Ana afoʼamo agiʼamo Fanuvelaʼmo Asa nofi vayapati vekamo maiʼniye. Ani a kanomo veleʼmo seveniʼa kafugamo maiʼnigeno anauʼamoʼmo ago faliʼniya afinatetiʼmo kogu a kanomo maime maime eno eiti foʼa kafugamo maiʼniye.

Apa 21:9

Loleʼe loleʼe aʼmafaʼne anagaʼamo vele oʼmaiʼnaya aʼmafaʼnemogi Gotitegati gemo aliniʼeʼa aeʼa hakalo huʼa hapa nepaiya aʼmafaʼnemo maiʼnae.

1 Kolitiyani 11:5

Muki aʼne anagaʼmogimo apakenopaleʼmo aiʼa ati okaeʼneʼa nunumuʼmo huge Goti geʼamo aeʼa hakalo huʼa hapa paige nehisayana apakenopamo aliʼa hosu huʼa neʼatayaʼmofeʼmo apavagage hisiya kavaʼmo haneʼniye. Apayokaʼmo heʼa havavi huʼa atalesayaʼmoʼmo lusi kava huno apavagage hisiya kavaʼmo haneʼniya kava huno apakenopaleʼmo aiʼa ati nokaesayana apavagage hisiya kavaʼmo haneʼniye.

1 Kolitiyani 14:34

Lapakaemo muki siosiʼale siosiʼaleʼmo alita anupa huta maisaya afinaʼmo aʼne anagaʼmogimo ge osuʼa afaʼa maigae. Aʼnemogimo ge osuʼa afeʼalumelaga maisaya kavaʼmo haneʼniye. Keʼaepa gemoʼmo ani agufa gemo huʼniye.

1 Samiyo 10:5

Kagaemo apatalekukaeʼmo Goti aise aveleʼmo Filisatini ati vayaʼmogi noʼapimo haneʼniya aveleʼmo ugane. Kagaemo taoni haopaleʼmo uka hogo nehukaeʼmo mago Gotitegati gemo aliniʼeʼa aeʼa hakalo nehaya nofi vayaʼmo aise aveletiʼmo emi neʼesageka fotu hugane. Apakaemo gita amagige tamolini amagige kepatiʼmo feliyopaʼmo huge nehuʼapaeʼmo Gotitegati gemo aliniʼeʼa aeʼa hakalo huge hugae.

1 Samiyo 18:6

Neviniʼa Golaiyatiʼmo kamitimo amagitegeʼapaeʼmo Isaleli ati vayaʼe Neviniʼeʼmo halate koʼapilegamo neʼageʼapaeʼmo muki Isaleli vayaʼai taonifatiʼmo aʼne anagaʼmogimo emiʼeʼa kategamo kini vekamo Soloʼeʼmo fotu hisayafeʼmo eʼnae. Apakaemo magokepiʼmo apamogaga aige yokemo huʼa ogefage huge tamolini amagige alu yoke nehaya nahaya yatetiʼe yatetiʼeʼmo yoke huge huliʼa eʼnae.