Hatu maeno apate'niya gemae 15:14 - The Keyagana NT and 25 OT books

¹⁴ Muki nofi vayaʼmogimo ani kavafeʼmo kava gemo afiteʼapaeʼmo atete huʼa kolikamo hugae. Filisatini vayaʼmogimo yulagefaʼmo aigae.

Hatu maeno apate'niya gemae 15:14 ပူးပေါင်းရင်းမြစ်များ

Samu 48:6

Eʼa apamoʼya aiʼa maiʼnae. Aʼnemogimo mafaʼnemo aliʼa apatesayafeʼmo apakafu nekiya kava huno apakafu kiʼniye.

Samu 48:7

Kagaemo yegemo haine neʼeya kotegatiʼmo alopa yasimo aliyo, huka huʼnanageno aliteno Tasisi vayaʼai alopa sipiʼapimo aeno atagiʼniye.

Hamakaki 3:6

Agaemo he tino mopamo agetenoʼaeʼmo hakumo maleno apateʼniye. Apaketenoʼaeʼmo alu nofi vaya alu nofi vayaʼmo alino hapa faino apataleʼnigeʼa atagu faeʼa uʼeʼa huʼnae. Hanege hanege huno nehaneya avemo aino anakupaeno asagauno aiʼniye. Akeyaʼvilagamo haneʼnaya aveʼamo aiʼa anakupaeʼa asagau aiʼnae. Gotiʼa nehiya kavaʼmo muki afinaʼmo hanege hanege huno nehane.

Hamakaki 3:7

Apakeʼnovana Kusani nofi vayaʼmo hanageke yaʼmo aliʼnageʼna apakeʼnove. Mitiyani nofi vayaʼmo atete huʼnae.

Napa 14:14

Afiteʼa ani mopaleʼmo maiʼnaya vayaʼaifeʼmo hapa paigae. Ani vayaʼmogimo afiteʼapaeʼmo kagaemo Ala kava neʼmogamo lagaeʼeʼmo magokepiʼmo lokaeka maiʼnane. Kagaemo Ala kava neʼmogamo laugosafiʼmo lageʼnanageta kaugosafiʼmo kageʼnone. Hiyakamoʼmo lagaeteʼmo haneʼnigekaeʼmo felugamo posigana agufa hiyapiʼmo maiteka uka hogotege haniʼilagamo posigana agufa ata vaipiʼmo maiteka uka hogotege huʼnane, huʼa afiʼnae.

Napa 22:5

Inagi Melakiʼmo Melamifeʼmo ge hisayafeʼmo vayaʼmo alino apateʼnigeʼa uʼnae. Melamiʼmo Miyo mafaʼnemoʼmo Pito taonifiʼmo Yufaletisi aniʼmo haopaleʼmo maiʼniye. Ani kotegamo afoʼamo koʼmo haneʼniye. Melakiʼmo ani apa vayaʼaifeʼmo hapa painoʼaeʼmo, Melamifeʼmo ha paitapaeʼmo, Afiyo, hutapa, Mago nofi vayaʼmo Isipi kotegatiʼmo ataleʼa eʼa muki haopalegamo aiʼa atagu faeʼa maiʼnae. Hemenimo lahaopaleʼmo eʼa maiʼnae.

Yasuva 10:2

Gimiyoni taonimoʼmo alu taonifiʼmo maiʼnaya kini vayaʼe taoniʼeʼmo magoke aiyaya huno alopa taonimogeno Ai taonimo ago aeno aga seʼnigeʼa muki Gimiyoni vayaʼmogi kame hisayafeʼmo lokiya vayaʼageʼmo maiʼnayaʼmofeʼmo Yulusalemu taonifi vayaʼmogimo lusi kava huʼa koliʼapimo huʼnae.

Yasuva 2:11

Lagaemo ani gemo afitetaeʼmo lapakaefeʼmo kolitapimo huʼnonagenoʼaeʼmo lokiyatimo alagi ohaneʼniye. Ala kava neʼmo Gotitapimoʼmo ma mopalenagi kokuʼnatenagi huno Gotiʼa maiʼniyaʼmofeʼmae.

Yasuva 9:24

Apakaemo Haivi nofi vayaʼmogimo geʼaleʼmo aeʼa atagaina huʼa huʼapaeʼmo, Ala kava neʼmo Gotitapimoʼmo Moseseʼa aliʼyaʼamo neʼaliya vekaeʼmo ago ha painoʼaeʼmo, Muki mani mopaleʼmo maiʼnaya vayaʼmo alagi hapaeta hano hutapa apataleyo. Kagaemo mani mopaʼapimo alika vayakamo apamiyo, huno ha paiʼniya gemo ago afiʼnone. Afiʼnonaʼmofeʼmo lusi kava huta lapakaefeʼmo kolitapimo hutetaeʼmo ani humi lapateʼnona gemo ago huʼnone.

Yasuva 9:9

Apakaemo huʼapaeʼmo, Lagaemo afagi kotegatiʼmo eʼnone. Ala kava neʼmo Gotitapimo ala agiʼalefeʼmo ava gemo afitetaene. Isipi kotegamo muki huʼniya kavafeʼmo ava gemo afiʼnone.

1 Samiyo 4:7

Ani gemo afiteʼapaeʼmo koli huteʼa ina gemo huʼapaeʼmo, Gotiʼa Isaleli vayaʼmogi seli noteʼmo eʼniye. Vaehae, huʼa, ani agufa kavaʼmo afole oʼaiʼniyaʼmofeʼmo hosu yaʼmo aligune.

1 Samiyo 4:8

Vaehae, huʼa, Ina laʼmo laha maeno ani lokiya gotigi apayapatiʼmo lagufamo alino katino lategaiye. Ani gotigigeʼmo kaʼme kotegamo Isipi vayaʼmo alu hosu kayoteti alu hosu kayotetiʼmo apamagiʼnae.