Hatu maeno apate'niya gemae 15:1 - The Keyagana NT and 25 OT books1 Ani afinaʼmo Ala kava nefeʼmo Moseseʼe Isaleli vayaʼmogiʼeʼmo mago yokemo ina ge huʼa huʼnae. Ala kava neʼmoʼa lusi kava huno kamemo huno aeno apaka seteno ala agimo aliʼniyaʼmofeʼmo Ala kava nefeʼmo yokemo huguve. Agaemo hosi anagaʼe hosileʼmo fai maiʼnaya vayaʼeʼmo solovala anipiʼmo apasagauno yaga auno apataleʼniye. အခန်းကိုကြည့်ပါ။ |
Moseseʼa ayaʼmo aeno hayo huno akoʼya huliʼnigeno ko tiʼnigenoʼaeʼmo aniʼmo halate aluga alugatiʼmo hogoteno haneʼniya agufa kavaʼmo huno eʼniye. Isipi vayaʼmo apaune hesayafeʼmo huʼnayaʼmonanafa Ala kava neʼmoʼa Isipi vayaʼmo aniʼmo folagapi maiʼnageno aino atagu faeno apataleʼnigeno aniʼmo aeno apati kaeʼniye.
Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.
Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.