Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hatu maeno apate'niya gemae 14:4 - The Keyagana NT and 25 OT books

4 Inagi nagaemo kini vekamo Felo aipa agesamo aiʼna akani malesugeno lokiya vaigiyaʼmofeʼmo apavegala aelino ugiyaʼmonanafa nagaemo aeʼna aga sege muki ami vayaʼamo aeʼna apaka sege huteʼna ala nagiʼnimo aliguve. Isipi vayaʼmogimo agaiʼageʼmo Ala kava neʼmo maiʼniye, huʼa nagegae, huno ha paiʼnigeʼa Isaleli vayaʼmogimo ani gemo akame huʼa uʼnae.

အခန်းကိုကြည့်ပါ။ ကော်ပီ




Hatu maeno apate'niya gemae 14:4
36 ပူးပေါင်းရင်းမြစ်များ  

Inagi nagaemo Isipi koteʼmo noʼagaya agufa naune kavaʼmo huʼnova kavafeʼmo nava gemo huka mafaʼne anagakaʼe kagiyokamogiʼefeʼmo hapa paige nagaefeʼmo Ala kava neʼmo maiʼniye, huka nagege hisanafeʼmo ani kavaʼmo huʼnove, huno ha paiʼniye.


Ha paiʼniyaʼmonanafa Ala kava neʼmoʼa Felo aipa agesamo aino akani maleʼniyaʼmofeʼmo apataleʼnigeʼa oʼuʼnae.


Huteʼapaeʼmo he tiʼa uʼa Ala kava neʼmoʼa Moseseʼe Eloniʼefeʼmo hana paiʼniya kavaʼmo akame huʼa huʼnae.


Isipi vayaʼmo aniʼmo aino akaka vaeʼniya folagapiʼmo hosiʼapigi talalaʼapigi hosileʼmo yagaiʼnaya vayanagi huʼa apavegala aeliʼa uʼnae.


Agaemo talalaʼapimo aiyaʼamo mopafiʼmo aeno lapaneteno oʼvisiya agufa kavaʼmo huʼnigeʼapaeʼmo Isipi vayaʼmogimo huʼapaeʼmo, Ala kava neʼmoʼa Isaleli vayaʼmo hapa maeno lagaeʼeʼmo kamemo nehiyanageta apataleta laune heta ugune, huʼa huʼnae.


Kini vekamo Feloʼa hunoʼaeʼmo, Isaleli vayaʼmogimo kaʼme kotegamo kaʼmo ohaneʼniyanageʼa haiya kateʼmo ugupi huʼa oʼageʼnae, huno agesamo afigiye.


Isipi kini vekaeʼmo ha paiʼapaeʼmo, Isaleli vayaʼmo ago apaune heʼa uʼnae, huʼa ha paigeno afiteno agaiʼagi muki aliʼyaʼamo neʼaliya vayanagi huʼa halate kame huʼa apatesaya apaipa apakesamo aliteʼapa, Na kava higetaeʼmo lagaemo Isaleli vayaʼmo aliʼyatiletiʼmo apataleʼnonageʼa uʼnae, huʼa huʼnae.


Isaleli vayaʼmo Ala kava neʼmo himamuʼaletiʼmo ataleʼa uʼnayaʼmofeʼmo apamogaga aime aime uʼnae. Ala kava neʼmoʼa Isipi kini vekamo aipa agesamo aino akani maleʼnigeno lokiya vaiʼniyaʼmofeʼmo Isaleli vayaʼmo apavegala aelino uʼniye.


Isipi vayaʼmogi gotiʼapimogimo himu lapateteʼa apakiʼapileʼmo aliʼa asaga huʼnayaʼmonanafa Ala kava neʼmoʼa muki gotigimo ago aeno apaka seʼniyaʼmofeʼmo hemenimo nagaemo ageʼnovana Ala kava neʼmoʼa alu gotigimo alagi ago aeno apaka seʼniye, huʼna ageʼnove, huno ha paiʼniye.


Nagaemo lapavalesugetapa nagaiʼni vayaʼnimo maisageʼnaeʼmo nagaemo Gotitapimoʼnamo maiguve. Ani afinaʼmo nagetapaeʼmo, Ala kava neʼmo Gotitimoʼmo Isipi kotegamo kana yaʼmo aliʼnonagenoʼaeʼmo hatu maeno lateʼniya Gotiʼmae, hutapa hugae.


Inagi Ala kava neʼmoʼa hunoʼaeʼmo, nagaemo hisuva kavatetiʼmo kagaemo nagekaeʼmo agaemo Ala kava neʼmo agaiʼageʼmo maiʼniye, huka nagegane. Afiyo, huʼna, Nagaemo aliʼnova hayopa kayotetiʼmo alopa aniteʼmo neʼamagisugenoʼaeʼmo kola aniʼmo alino hamalegaiye.


Ha paigiyaʼmonanafa nagaemo Felo aipa agesamo aliʼna akani maleʼneʼna asole noʼagaya agufa naune kavaʼmo Isipi koteʼmo huguve.


Nagaemo Isipi vayaʼaina alopa kayoʼmo apamiteʼnaeʼmo apakae folagapatiʼmo Isaleli vayaʼmo apavaleliʼna visugeʼapaeʼmo Isipi vayaʼmogimo nagaefeʼmo Ala kava neʼmo maiʼniye, huʼa nagegae, huno ha paiʼniye.


Faliʼnaesinaʼmonanafa nagaemo himamuʼnimo kagaetetiʼmo aliʼna apave lisugeʼapaeʼmo ma mopafiʼmo muki haopalegamo maiʼnaya vayaʼmo ala nagi vekamoʼnaeʼmo nava gemo aeʼa hakalo huʼa hapa paisayafeʼmo aliʼna he tiʼna kateʼnove.


Ani kavatefeʼmo mago avoʼmo kae maleʼniya gemoʼa hunoʼaeʼmo, Gotiʼa apaipamo alino havaeno ategekana huge oʼagesaya agufa apaulagamo alino hamaleno apatege oʼafisaya agufa apakesamo apamige huʼnigeʼapaeʼmo ani kavaʼmo huʼa maime maime eʼa hemeniʼeʼmo huʼa maiʼnae, huno huʼniye.


Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, yagaino neʼapateya kini vekamo Felofeʼmo hunoʼaeʼmo, Ina kavatefeʼmo aliʼna he tiʼna kateʼnove. Nagaemo himamuʼnimo kagaetetiʼmo aliʼna apave lisugeʼapaeʼmo ma mopafi muki haopalegamo maiʼnaya vayaʼmogimo ala nagi vekamoʼna nava gemo aeʼa hakalo huʼa hapa paisayafeʼmae, huno ha paiʼniye.


Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.


Ala kava neʼmoʼa ani vayaʼmogimo kamemo hisayafekeʼmo apaipamo alino lokiya vaino apateʼniyaʼmofeʼmo kame huʼnageʼapaeʼmo Isaleli vayaʼmogimo hapau huʼa oʼapateʼa hapaeʼa hano huʼa apataleʼnae. Ala kava neʼmoʼa Mosesefeʼmo ani ha paiʼniya gemo alagi akame huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ