Hatu maeno apate'niya gemae 14:27 - The Keyagana NT and 25 OT books

²⁷ Moseseʼa ayaʼmo aeno hayo huno akoʼya huliʼnigeno ko tiʼnigenoʼaeʼmo aniʼmo halate aluga alugatiʼmo hogoteno haneʼniya agufa kavaʼmo huno eʼniye. Isipi vayaʼmo apaune hesayafeʼmo huʼnayaʼmonanafa Ala kava neʼmoʼa Isipi vayaʼmo aniʼmo folagapi maiʼnageno aino atagu faeno apataleʼnigeno aniʼmo aeno apati kaeʼniye.

Hatu maeno apate'niya gemae 14:27 ပူးပေါင်းရင်းမြစ်များ

Samu 106:11

Aniʼmoʼa kame vayaʼapimo ago aeno apati kaeʼnigeʼa muki vayaʼamo ago faliʼnae.

Samu 136:15

Agaemo vayaʼamo hapa maeʼniyaʼmonanafa Isipi kini vekaʼe ati vayaʼaʼeʼmo apamagiteno solovala anipiʼmo aeno apati kaeʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 78:53

Alagepa huno yagaino apateʼnigeʼa koli osuʼa afaʼa uʼnayaʼmonanafa solovala aniʼmoʼa kame vayaʼapimo ago aeno apati kaeʼniye.

Himulu 11:29

Isaleli vayaʼmogi apakesamo afiʼa fatago huʼnaya kavatetiʼmo haesa solovala aniʼmo aino akaka vaeʼnigeno folagapiʼmo hau huʼniya mopaleʼmo uʼnae. Isipi kotega vayaʼmogimo apavegala aeli uʼapaeʼmo amalageka huʼa aniʼmo lakaeʼnagenoʼaeʼmo aniʼmoʼa ago aeno apati kaeʼniye.

Yasuva 24:7

Afotapimogimo koli huteʼapaeʼmo nagaemo hapa maesuvafeʼmo lokiya vaiʼa keya aeʼa ge huʼnageʼnaeʼmo nagaemo apakaeʼe Isipi ati vayaʼmogi folagapiʼeʼmo haniʼmo hisiya kavaʼmo Isipi vayaʼaitegamo solovala anitegamo huʼnove. Huteʼna alagi aliʼna aeʼna apati kaeʼnove. Lapakaemo Isipi vayaʼaitegamo huʼnova kavaʼmo ago ageʼnae. Inagi lapakaemo yatala afinaʼmo kaʼme kotegamo umenitata huʼnae.

Yasuva 4:18

Mono huʼa neʼapataya vayaʼmo kotalake kesimo kofiliʼa eʼnaya vayaʼmo uʼa haiʼa ani agiʼnaleʼmo ago neʼvagenoʼaeʼmo halate aniʼmo aino atagu faeno noʼaleʼmo uno lamino ani heʼniya kava huno aniʼmo heʼniye.